زوجي فينو بالاستراحه وينو وينو

1. وتذهب مكفكفة دموعها تلك المراة المسكينة الصبورة


2. الحالة الثانية

زوجي فينو بالاستراحه وينو وينو>>>من منكم زوجها لايذهب للاستراحة
الكل يعلم أن المراة كالتفاحة
7
7
ولكن حينما تكبر بالعمر فهي سوف تكون تفاحة ولكن من نوع اخر
7
7
سوف تصبح هكذاا
نجي لمربط الدونكي

• صلب الموضوع*

الحالة الاولى
أم ناصر أمراة تبلغ العمر 40 سنة تشتكي بأن زوجها 24 ساعه بالاستراحة مقيل فيها ونايم فيها وأنه لايقوم بواجبته الزوجيه حتى المصروف كنهم يشحدونه من شحاده
أم نااصر تتصل على أبو ناصر
أم ناصر:أنت وينك ياسلتوح
أبوناصر:وش تبغين ياحقنه>>حقنه يعني يانشبة
أم ناصر:الحين لنا يومين ماشفناك عيالك يبغون مصروف
أبوناصر:خلاص بجي بجي
ويجي ويجيب بريال خبز ويطلع كنه جايب صدقه ههه
وتمسكه أم ناصر قالت ابي 50 ريال قالها ها 40 ريال ليش 30 عندي 20 تبغين 10 خذي 5 ولاتنسين تردين الباقي

وتذهب مكفكفة دموعها تلك المراة المسكينة الصبورة

الحالة الثانية

نورة زوجة في شهر العسل لم يمر على زواجها سواء شهر وزوجها من الساعه 9 وهو بالاستراحه للفجر وطول النهار بالدوام يابن الحلال ابي اغراض خليه بعدين ابي اطلع خليه بعدين بعدين>>انا بعرف هو والبعدين ذي شكله متزوج بعدين ههه
المهم ويجيكم هاك اليوم داخل عليها سكران الاخوء وتلقط شنطتها بنت الناس وتطلب الطلاق منه
وهذا كله بسبب الاستراحه
طبعن أخواننا في الدول الثانيه مايعرفون الاستراحه
تعريف الاستراحة:-كلمة أغريقية أخذت من شمال افريقيا ووصلت حديثا لمجتمعنا السعوي ويقصد بها مكان به حوش كبير وبيت شعر و20 ضب >>الضبان الشباب
يلعبون بلووت ويشفطون بهالشيشه يوم تجي للاستراحه من بعيد تسنك شايف حريقه
المهم
بتقولون وش عنده هالمصلح الاجتماعي اللي يتكلم عن الاستراحات انا كل مارحت للعيال لقيتهم متسدحين ونايمين فيها يا ناس ياوادم وراكم اهل وراك بزراين ماتخافون ربكم يرد عليك واحد منهم خلهم الله ياخذهم
مع العلم أن ماتخفيه هذه الاستراحات الا الخراب >>>فتن عليكم ياشباب ههه ويمكن بعض الاستراحات بنات ورقص والعياذ بالله ههه محد قالك لاتروح للاستراحه بس مهوب دايم مره بالشهر مرتين ثلاث اربع خمس مب 24 ساعه
مع البعض منهم تشوفهم ساكنين بقصور ولكن مايعرفون طعم الحياة ولا السعادة ولا جمعة اهلهم ماكذب عليكم فيه ناس يقال عليهم بيتوتي وانا عن نفسي عائلي ولله الحمد عشان كذا أدعو وأنصح كل شخص بالاقتراب لعائلته
وعندي عدة أسئلة
س1/ماسبب هروب الازواج للاستراحات...؟
س2/ماهي وجهة نظرك لهذه الظاهره..؟
س3/هل زوجك يمارس معك تلك الظاهره..؟
س4/ماهي الحلول التي تجدها مناسبة لهذا الموضوع..؟
س5/هل تعتقد أن هذه الظاهره خطيرة أم مبالغ فيها..؟
اريد منكم تعليق على الموضوع والاجابة على الاسئلة واجب عليكم
عشان ابطح لكم موضوع اخر ومشكلة اخرى الله ماكثر من المشاكل حقتكم ههه
وتحياتي لكم الموضوع منقول