زوجي مايحب المكياج على ويهي

مرحبا فراشات
ارجوكم تكفون مشرفات لاتنقلون موظوعي لقسم المكياج لان انا ابي راي المتزوجات و ازواجهم>> موب عشان اناقش اي ماركات المكياج احلى
انا الحين مخطوبة للحين ماسكنت مع زوجي في بيت واحد
و لما نطلع عادة اكون حاطة مكياج يعني اي لاينر شادو قلوس بلاشر >> بس مكياجي عموما خفيف مو ثقيل
و لما اروح له البيت او هو اييني البيت اكون حاطة مكياج شفاف يعني مسكرا و بودرة و بلاشر خفيف و مرطب يعني بدون الوان بس ابرز ملامحي>>ههه و ساعات يصدق ان هاذي ويهي الطبيعي
بس على طول يقول لي انتي بدون مكياج احلى لاتحطين مكياج>> انا بشرتي الحمدلله مافيها عيوب بس بدون بودرة تصير باهته و شفايفي هم باهته و عيني صغيرة و مافيها رموش يعني باختصار شكلي تعبان بدون هاللمسات
و هو طبعا عارف شكلي بدون مكياج بس انا ماحب اظل جذي احس روحي كريهة
سؤالي هو>> طبعا اللي فوق كله مقدمة>> قصة حياتي
المهم السؤال هو لما نتزوج داخل البيت تهقون له داعي احط هالمكياج الخفيف ولا اتم بدون مكياج؟؟
انتو شنو تحطون مكياج في البيت؟؟؟ و شنو راي ازواجكم؟؟
يلا ابي كل وحدة تشارك وياي و تقول لي خبرتها و موقف زوجها و تنصحوني بعد
و ابي اعرف غير المكياج اليومي يعني في الليل في السرير فهمتو قصدي>> له داعي احط مكياج و روج و الوان؟؟؟؟