زوجي والسفر للدراسه وماخاب من استشار

~ عذبة الآطبآع ~

16-03-2022 - 05:41 am

السلام عليكم ورحمة الله وبركاته ..
ترددت كثير بالكتابه و ماكتبت الموضوع الا والله يعلم اني محتاجه
لاحد يخفف عني التفكير ويساعدني بالحل ..
مشكلتي او مشكلته ما ادري بالضبط
لكن بطرح الموضوع باختصار .. انا متزوجه لي سنه تقريباً ..
ومن ايام الملكه مخطط زوجي يكمل دراسته برا بحكم اني ادرس حالياً بالجامعه !!
وبعد ما اخلص يجي ياخذني و اسافر معاه برا ..!!
احياناً اتعب نفسياً من كثر التفكير وبيني وبين نفسي اسأل " كيف يروح ويخليني " ؟!
وغير امي " الله يحفظها " تقتلني بسؤالها ... كيف يسافر وماعندك منه طفل !!
ونظرات استغراب من اختي الكبيره ... وغيرها من ردود افعال اهلي ..
وغير اهله " الاب يشجع ومستعد يتكلف رحلة السفر .. والام رافضه كلياً المبدء "
هذي رؤوس الاقلام وباختصار شدييد جداً ..
والسؤال يافراشات هل اشجع زوجي ويكمل دراسته برا عشان نحقق حياه سعيده ومستقره ؟!
او ارفض نهائياً المبدء .. او اترك الاختيار والقرار لزوجي بدون تدخل مني ؟!!!!!!!!!!
ساعدوني وربي محتاجه ل " مشكورتكم " تطيب خاطري وترضي زوجي

التعليقات (9)

جســــــــــــد بلا روح.

16-03-2022 - 08:01 am

لا والله ياعمرى خلييك مع زوجك هو جنتك ونارك وبعدين حلمه انه يكمل دراسته حققيه له ونتى زوجته مو غريبه
وبعدين مو نافعك الا زوجك روحى وشجعيه وارفعى من معنوياته اوكى....

استـ غ ـفر الله

16-03-2022 - 09:02 am

انا اقول إنك تتركين الجامعه وتروحي مع زوجك وإذا رجعتوا إن شالله بالسلامه انت تكملين دراستك ..
نصيحه مني وخوذيها ..
وروحي معها انت برى لأنه هناك بيحتاجك كثير ياقلبي ..
خليك وياه ومساندة وتكونين له الذراع الثالث ..
وعسى الله يتمم عليك إن شالله
وعلمينى وش يصير عليك تراني متحمسه وياك ..
.
؟
؟
؟؟

رووووح حــره

16-03-2022 - 10:03 am

أنا من رأيي إذا أنتي بقى لك سنة بالجامعه اقنعيه ينتظرك ذا السنة وبعدها يسافر وتروحين معه وتستقرون احسن لكم من التشتيت
وإذا أنتي بقى لك كذا سنة بالجامعه قدمي عذر وسافري معاه هذا إذا دراسته هو مدتها سنة بحيث تأخذين عذر سنة والسنة اللي بعدها ترجعون وتكملي دراستك >~ ما أدري هذا رأيي وأنتي شوفي اللي يناسبك
‏_أسأل الله أن يكتب لكم الخير والخيره_

تآلا

16-03-2022 - 11:04 am

اي وانا اقول اتركي الجآمعه وروحي معآه
ولآرجعتوآ كملي .. احس هذآ احسن حل ..
والله يوفقك ويكتب لك الخير دنيآ وآخره ..

احـب حبيبي

16-03-2022 - 12:05 pm

شوفي البنات اعطوك حلين كلها حلوه اختاري واحد وبالتوفيق بس لاتتركي زوجك لحاله

خزامي نجد 2008

16-03-2022 - 01:06 pm

من رائي لاتتركيه لحاله مهما صار هو هناك بيكون محتاجك كثير وان شالله دراستك ماراح تضيع كمليها بعدين اتمنى
اكون افدتك والله يختارلك الي فيه خير وصلاح لك

~ عذبة الآطبآع ~

16-03-2022 - 02:07 pm

جسد بلا روح حياك الله يالغاليه
بس ياقلبي هذي آخر سنه بالجامعه حرام تعب السنين الماضيه تروح كذا هباءً منثورا
وهو فعلاً مو محتاج مني الا التشجيع بس والله انا محتاره ..
رووح حره حياك يالغاليه
والله صعبه انا اخر سنه بالجامعه .. واذا قدمت اعتذار بتزيد حوسه و ياقلبي دراسة الماستر اكثر من سنه 6 شهور تحضير وسنتين دراسه
وانا تركت تفاصيل كثيره ماذكرتها وياليت ذكرتها
حتى يوصل الموضوع بشكل كامل ..
وراح اذكرها بعد ما ارد على افراشات
استغفرالله اهلين ياقلبي
مثل ماقلت للفراشات صعب جداً اترك الدراسه وانا بأخر سنه
لان كذا بتتعقد اكثر
وانا والله نفسي اروح معه وقلت له آجل دراستك الين ما اخلص الجامعه عشان اروح معاك
بس يقول مافيه وقت .. لازم نتخذ القرار بسرعه ..!!
تالاً صعب ياقلبي وخاص وانا باخر سنه بالجامعه
احب حبيبي .. الفراشات ماقصروا .. بس انتي ماعندك حل ممكن يساعد في الموضوع
خزامي نجد اهلين ياقلبي
والله صعب اترك الدراسه .. انا بأخر سنه ؟؟
مشكورات يافراشات هذي الوقفه عن مليون كلمه يسعدكم ربي
...
وفيه تفاصيل ماذكرتها.. وهي اللي متعبتني وفكر فيها ليل ونهار ؟؟
اذا خلصت الجامعه انتظره سنه ثانيه وبعدين يجيبني معاه ..
لان الدراسه بتكون في البلد اللي بيروح يدرس فيها جداً غاليه .. والبلد اول مره يزورها فهو
محتاج يروح اول مره لحاله عشان يشوف الوضع ويرتب الامور ويختار السكن المناسب لنا
ويجمع مبلغ حلوو وبعدين يجيبني ؟؟
فاهمين يابنات !!
يعني انتظره سنتين وبعدين ياخذني معه
وبالله لا احد يقنعني اني اترك الجامعه لان الجامعه حلم بالنسبه لي وتحقق ..
اترك الحلم على آخر سنه واسافر برا ؟!
واذا رحت معاه راح اجلس هناك معاه 6 شهور او سنه فقط ..
لان دراسة الماجستير .. سنتين و6 شهور .. واحتمال اضافة 6 شهور ثانيه ..
ان شاء الله قدرت اوصل كلامي بشكل مرتب لاني مشوشه مره من كثر التفكير ؟
لاتتركوني انا بالانتظار

" رونق"

16-03-2022 - 03:08 pm

شوفي ياقلبي مالك الاتقدمي اعتذار عن الكليه
وتسافري معاه....
او اذا سفره بيطول 5 او6 سنوات استودعيه لله وخليه يسافر وانتي خلصي دراستك والحقيه
هذي افضل حلين جربيها واللي ينفع معاك سويه
اتكلم عن تجربه مثل وضع اختي
ولاترفضي دراسة زوجك وتكوني انانيه
فكري واستخيري بين الامرين اللي قلتلك......

" رونق"

16-03-2022 - 04:09 pm

خلاص استودعيه الله وخليه يسافر لوحده
دام بس باقيلك سنه خلاص السنه بتمر كالشهر اصلا شوفي قربنا نخلص
كثير ازواجهم بر وهم هنا بسبب الدراسه بالعكس منقصوا الا زاد حبهم وشوقهم اكثر وكل شي بعلاقتهم تجدد
يعني خلاص استخيري وخليه يروح

اسال الله ان يحقق اماني كل من ترد علي←
يوم رحت اشوف فيه خطيبتي قصه حلوه→