زوجي واهله

1. السلام عليكم

السلام عليكم

من كثر ماقريت من مشكلات قلت ابحط مشكلتي يمكن احد يدلني على الطريق الصح
بصراحة انا أهلي متوفين في حادث واخذني رجال وحرمه وربوني بصراحة ودي آخذ من عمري واعطيهم ماتتخيلون وش مكانتي عندهم ومكانتهم عندي المهم انا الحمد لله جميله وتزوجت بواحد مقبول الشكل بس اهله سمر يعني فرق شاسع بيني وبينهم الرجال من اخذته وهو شكله ماخذني منظره وعلى قولة وحده من خواته تحسين نسل جبت منه ولد وضربني في النفاس وامه سوت فيني اللي الله يعلمه ياخواتي تراه والله من دون سبب واللي يشهد علي رب العالمين في آخر الليل وانا اكتبلكم هالكلام
المهم الرجال سحبني في المحاكم وانا كنت ابي اطلق لأنه ظربني مرتين مره وانا بالنفاس والثانيه بعد ماطلعت ياناس انا ماعندي سند ولاظهر غير رب العالمين سبحانه وابوي وامي كبار بالسن المهم رجعت عليه غصب وراء خشمي وعشت معه وبعدين جبت ولد ثاني المهم صار الرجال يرمي يمين الطلاق اذا قالت امه شئ ولا نفذته يقول علي بالحرام بصراحه انا ماابيه لكن هالشياب متعلقين بالعيال تخيلوا عمته وبناتها يقولن قدامي البنات اللي جايين من الملاجئ مايعيشون مع ازواجهم لازم يطلقون
الحمد لله انا وحده معروفه ومركزي الإجتماعي يارب لك الحمد لكن قولوا لي وش اسوي هو وأهله يغلطون علي حتى لو يغلطون علي قدامه عادي وش وابي اخلعه لأنه مو راضي يطلق لكن بيتعبني مع اولادي خاصة ان اهلي مايقدرون يستغنون عنهم وش رايكم قولوا لي؟؟؟؟