الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
-
- الحياة الزوجية
- زوجي وطليقته وولدهم رافعين ضغطي لحقوني
أنثے استثنائيـہ
01-07-2022 - 09:32 am
السلام عليكم
صباحكم جوري
كيفكم وشو أخباركم
كل مرا احكي لصاحبتي اي شي يزعجني تقولي عندك نت ليش ماتفتحي الفراشه وتفضفضي < تحسونها ملّت مني مثلا
المهم بأقروشكم شويا معايا بس اتحملوني
انا اتزوجت واحد مطلّق وعنده ولد من طليقته
اول ششي سألنا عنه لما خطبني انو ليش انفصلوا
قالي انو مااتفقوا وما حبو بعض وكيذا بالأخير ما في نصيب
سألنا عنه الكل يمدح فيه حتى اهل طليقته
المهم لما اتزوجت اكتشفت انو لسسه يحبها ومو بس يحبها الا يعشقون بعض
طبعا ماأشك مجرد شك في حبه ليّا
علاقتنا مرا كويسه
بس اش اللي مجنني انو ذكرها ما يروح عن لسسانه
تحسوها علطول بباله
يقولي مثلا
ااناا طليقتي ماكنت أنام معها بس انتي ماأقدر أنام برا الغرفه بس أول أكثر شي أنام عند أمي
حتى أهلي كانوا يقولوا كيف حملت دي المخلوقه وانت بس نايم عندنا
وذحين أخته تقولي والله انو ودي انو زوجي يحبني زي ماأخويا يحبك
بس
ودايم يقعد يحكيني عنها
مرا قلتله ماتحس اني أغار عليك
ليش دايم فلانه سوت وفلانه قالت
تبغاها ليش طلقتها
قالي لأني والله ماأحبها بس انتي اللي حبيتك
بس لها حق عليّا هيا أم ولدي
أقوله وأنا كمان أم ولدك لأنو أنا كمان جاني ولد
قالي طيب من ايش تشتكي ياأم ولدي
أقوله لا تتكلم عنها قدامي
قالّي : طيب اش موقفك لو أرجعها على ذمتي
حاجه تانيه
نقعد أنا وهوا متحمسين بسالفه ولا شي شويا يسرح يعني يطلع فجأه من الجو
شويا ينادي على ولدها
ويقعد يبوس فيه وياخذه بحضنه علما انو والله العظيم مايبوس ولدي بس بوس ما يفكر يبوسه
ولما أقوله ليش ما تبوسه لما تجي من الشغل ولا من برا ما تشتاقله
يقولي الا أموت من الشوق بس لسه صغير ما يتحمل البوس
ولما يمرض والله ما يسأل عنه
ولما أروح لأهلي أقعد عندهم يقوم يتصل كل ثانيتين اشتقتلك خلا ص ارجعي ويزعجني اتصالات
الفتره اللي راحت
تقولي اخت زوجي انتي مهبوله لما تسمحيله يكلم طليقته
قلت ايش
قالت انو جيت وهوا في الصاله تحت يكلمها وسمعته
ولما قلتله ليش اتكلمها قال مالك صلاح زوجتي راضيه ودايم اكلمها
طنشت الموضوع قلت يمكن اخت زوجي غيرانه من عيشتي وتبغى تخربها عليّا
طبعا زوجي كريم معايا كرم مو طبيعي ماديا ومعنويا
يعني اي شي أطلبه مجاب
وبيتي من أحسن مايكون
ومدلعني بششكل
بس قاهرني انو متعلق فيها
المهم قبل اسبوع بالضبط كنت حاموت من القهر
كنت عند أهل زوجي تحت وهوا مو موجود وقت العصريه
وقاعدين نسولف
شويا جا من برا
ودخل مستعجل مر وسلم
قلتله سلامات اش فيك حسيته مكركب
قالي رايح أرتاح تعبان شويا المغرب صحيني
قلتله جايه معاك
قال والله ماتطلعي خليكي مبسوطه مابغى اخرب جوك
قلت انا ابغاك
قال بالله ماتطلعي انا شويا وأروق
وطلع شقتي
بعد شويا طلعت وسمعته يتكلم وخاش جو
طبعا ولدي كان تحت
وقفت اسمعه يقول
( انو بأنام معكم سوا بنفس الفراش خليكي تتعلمي منها مو زي زمان كأني نايم مع جثه منها انبسط ومنها تبطلي حيا ماله داعي) < طبعا بألفاظ غير كيذا بس احتراما لكم
وشويا يقولها
لالالا ترى زوجتي احبها وأموت فيها ومايمشي معي شغل الغيره ذا من الحين بتقروشيني أقعدي مكانك ومصروفك بيوصلك وولدك كل اسبوع يزورك
انا تجننت بس ما قلتله انو سمعت لما جيت بأدخل سويت ازعاج كأنو دوبني جايه عشان يقفل
ماقدرت أخليه يذل قدامي
بس تعبت واتجننت
وصرت أفتح جواله أشوف رسايلها كلها اشياء ماتصلح انو مطلقين كيذا يتكلموا مرا حرام
عندي لو تكون على ذمته أهون من أنو بالحرام
المهم
أكثر شي قاهرني لما يقعد يقاطع كلامي ولا يتجاهل وجودي انا وولدي علشان ولدها ويقعد يبوس فيه ويضمه وكل شويا يقول ترى هوا نسخة أمه يشبهلها مرا مرا
عذبني وقهرني اش اسوي عشان ما يصير يجيبه عندي ماأبغاه يدخل بيتي مرا ثانيه
ولما أقوله ذا الكلام يزعل مني
اليوم الصبح قاعده اكلمه أقوله عشان ذكرى زواجنا خذ اجازه وعازمتك اسبوع سفريه على حسابي
وهوا قاعد عالجوال يتصل على أخته
يقولها جيبي دودي
قمت أنا بكيت
قالي ليش الدموع حبيبي
قلتله ماأبكي عليك ولا أبكي غيرانه من ولدك ولا شي بس أبكي لأني أكرهني لما أعطيك وجه
قام يعتذر باسني وعلطول دخل ولده طنشني من جديد وراح يضمه ويبوسه وقعد معاه الين ما راح الدوام
انا هذا الولد أكرهه كره الموت
ساعات يقولي لا تلبسي شي عاري عشان دودي
ولا تبوسيني قدام دودي
وحاسبي في كلامك قدام دودي
تخيلوا والله العظيم ينومه معاه وولدي برا الغرفه ينام
لاوحده تجي تقولي حرام ومسكين الولد
مالي دخل فيه أنا عليّا من زوجي وحياتي لو هوا يدينا وجه بوجوده ماتحسست منه
بس نصير انا وولدي هامش لما يصير ولده موجود
علما انو ولده عمره سنتين وولدي سنه
سامحوني طولت كلام بس من جد طفح الكيل
زوجي يبغاني ارقص له←
روعة والله روعة لا يفوتكم يا حلوات→
بصراحه ماادري شقول لج من جد تصرفات زوجج تقهر ومو مضبوطه ولازم تواجهينه لو شفتيه يكلم زوجته
ادخلي واسئليه مين تكلم واذا انكر قولي له انت كذاب لانك قلت كيذا وكيذا وكيذا وقولي له شوف انا لاني احبك
وماابي اخرب بيتي راح اعديها هالمره بس مره ثانيه لاتلومني على الي بسويه لو شفتك تتكلم عنها او تفضل ولدها على ولدي او تسوي اي تصرف مايعجبني
وعلميه الحلال من الحرام لانه شكله مو عارف او يستهبل قولي له هي طلقتيك يعني عيب عليك تتكلم معاه وتتراسلون
بهالطريقه وغيري معاملتج معاه خليه ألين يتعلم الدرس وبعدها ارجعي مثل اول واحسن
بس لا تتهورين وتسوين الي قلتلج عليه الا اذا كنتي واثقه ومتحمله عواقب الي تسوينه
لان ممكن ماياثر فيه كلامج وممكن يعاندج وممكن تكبر السالفه وان امو قصدي اخرب بيتج بس ضروري ضروري ضروري
انج تكشفينه قدام نفسه وضروري تتكلمين معاه وتهددينه بعد خاصه انه يحبج ومايقدر يبعد عنج فأنتي استغلي
هالشي لصالحج
وربي يسهل الامور