زوجي وكذبته معي

السلام عليكم
شخباركم بنات كيف احوالكم
بنات انا اكتشفت من فترة ان زوجي يدخن مع اني ماكنت ادري قبل الزواج واهو ماقالي وحتى لماسالو اهلي عنه كل اللي سالو عنه وقالو مايدخن
واهله مايدرون عن هالشي المهم واجهته وقلت له انت تدخن صح قال تعطيني الامان
قلت لك الامان بس خلك صريح معي ولاتكذب قال ايه انا بديت ادخن بعد ماتملكنا ورحت للدورة العسكرية بعدها بديت ادخن انا صار لنا 6 شهور متزوجين
قلت طيب بتتركه ولا بتستمر انت عاجبك وضعك كذا انا مااحب الدخان ولا ريحته قالي انا ناوي اروح اليوم لمكافحة التدخين
اهو بمدينة حاليا وانا بمدينة المهم حلف لي بالله مايدخن ووعدني وقالي كلمة رجال خذيها مني
مر 3 اسابيع على السالفة وقبل امس جيت عنده بالمدينة اللي اهو فيها طلعنا للشقة اللي ساكن فيها اهو مع خوية على اساس بياخذ اغراضه منها دخلني الغرفة اللي ينام فيها وفجاة شفت باكيت دخان على السرير سكتت ماقدرت اتكلم جمدت مكاني من الصدمة المهم اهو حاول يخبيه عني فغطاه بالفوطة حقته انا سكت وطلعت للصالة خله يكمل ويجمع اغراضه وبعدها لكل حادث حديث خلص وطلعنا من الشقة ولما وصلنا السكن اللي بنسكن فيها ودخلنا مسكته وقلت لو تشوفني ماسكة 10 ريال وحرقتها بالكبريت وش بتقول عني ضحك وقال خبله وانا عارف وش تبين توصلين له وداري انك شايفه باكيت الدخان بس انا صار 3 اسابيع ماادخن وبكمل الحين شهر ومن هالكلام انا صدقته ولا صدقته وقلت له مااسوي كذا الا خوفا عليك وترى يضرك وتضرني معك اذا ماتدري المهم هذا الكلام امس اليوم الصباح واهو طالع للدوام انا فتحت الشباك فجاة شفته بالشارع يدخن هنا قسم بالله لو عندي عطيته كف يحلف بربه واهو يكذب ويستغفلني
جلست ابي انام ماقدرت عطوني حل معه كيف اخليه يبعد عن التدخين
والله حاسه اني بموت من الحرة تكفون