زوجي ولعبة الصراحه ارائكم بنات

1. السلام عليكم صبايا

السلام عليكم صبايا

حبوبات انا بصراحه ودي العب لعبة الصراحه مع زوجي كل واحد فينا يذكر ايجابيات وسلبيات الطرف الثاني من غير تحفظ لاني احس فيه اشياء مخبيها عني مو عاجبته فيني وانا بصراحه نفس الشي فيه اشياء اتمنى اصارحه فيها عشان يغيرها بس خايفه اجرحه وخايفه يجرحني لانه هو حساس جدا وانا بعد نفس الشي دمعتي معلقه برمشي واخاف نلعبها بعدين تخرب بينا ويصير فانفسنا شي على بعض بس مره نفسي العبها معاه ابغى اعرف شيدور براسه عني والله ابغى اعرف لكن بشترط عليه قبل اللعبه ان الاشياء اللي مو عاجبته فيني تكون قابله للتغيير يعني ما يقول لي عيونك او خشمك او طولك لا يعني مثلا يقول طريقة ضحكتك طريقة طبخك وانا بعد نفس الشي اذكر اشياء يقدر يغيرها بس اهم شي اكون انا وهو مقتنعين بالتغيير يعني يمكن يشوف شي مو عاجبه فيني وانا عاجبني هنا انا ما بغيره لان كل واحد له شخصيته لكن شي فيني اقنعني انه مو زين والله عادي اغيره
شرايكم حبوبات ايش تنصحوني فيه اقدم على هالخطوه والعبها معاه وهل فيه وحده لعبتها مع زوجها"بجد يعني مو قاعدين توزعون مجاملات على بعض" ؟؟ وايش كانت النتيجه؟؟
واللي مش موافقه على اللعبه هل عندها بديل اقدر فيه اعرف شيدور براسه عني؟؟
واحب اوضح انا الموضوع مو موضوع ثقه الحمدلله انا واثقه من نفسي بس هذا شريك حياتي مقابلين بعض طول العمر ان شاءالله
وحابه اعرف انطباعه عني لا اكثر ولا اقل
وشكرا لكل اللي يشاركوني برايهم