زوجي يبي يتزوج

الله يهديه
و ليش ما تعالجين
المشكله منج؟
شنو المشكله اللي أخرت حملج؟
فيه دكتور بمصر اسمه حسام زكي .. الكل يمدحه
اذا تبينه اطرش لج رقمه و عنوانه عالخاص

الله يهديه يارب وحاولي تتكلمي معاه وعلى فكره 7 سنين مو كثير عشان يتزوج في ناس اعرفهم ب18 سنه ولسه عندهم امل ماشاءالله والله يسخرلك زوجك يارب ويهديه

ليش يتزوج عليك الله يهديه ان شاء الله غيره جلس 20 سنه وقوليله ان هالشئ بارادة الله فوق كل شئ وانه مافي شئ بيدك تسويه غير الدعاء ..
حبيبتي ما اقول غير الله يكوون بعونك يارب .. مالك الا الدعاء والاستغفار وانصحك بقراءة سورة البقره وان شاء الله خير حبيبتي ..
طيب انتي مارحتي تعالجتي وعرفتي ايش المشكله ..
تقبلي تحياتي ..

اشكركم خواتي انا عندي الانابيب والحمد لله سهله بس مادري من اللي فر راسه لكن ماقول غير حسبي الله ونعم الوكيل حسبي الله ونعم الوكيل حسبي الله ونعم الوكيل على هالناس اللي ماترحم

اختي
بدر البدور
تدرين ان اذا اراد الله لشئ قال كن فيكون
فيه حرمه كانت تتكلم عن الزواج الثاني للرجال
ومن ضمن كلامها ان احيانا الزوجين لا ينجبون واذا تزوج الرحل زوجه ثانيه يحملون مع بعض او بعد ما تحمل الثانيه.لان الله اراد له الذريه من زوجته الثانيه قبل..
كنت استغرب من كلامها
لكن بعد تأخر الحمل عندي سنه ونص مع اني والحمد لله عندي بنتين الله يصلحهن
بس كنت مضيقه صدري اخاف ان زوجي يفكر بالعرس علي وخاصه اني انا اللي اخطأت على نفسي واكلت حبوب منع الحمل بعد بنتي الثانيه.وهو لم يكن يريد لكن وافق وهو مكره
الان لو تزوج علي اكيد بضيق صدري لكن؟؟
قد يكون زواجه خير علي وشفت حريم ما شاء الله بعد زواج رجالهم عليهم صارت حياتهم افضل..
اكثري من دعاء
اللهم رد إلي زوجي ردا جميلا
وحاولي تطلبين منه انه ينتظر سنه زياده لعل الله ان يكتب لك الحمل خلالها ان شاء الله..
نصيحتي لا تضيقين صدرك..الدنيا ما تسوى كلنا رايحين عنها
الله يعينا على العمل الصالح وان كان مصر انه يتزوج توكلي على الله واحتسبي..
واسمعي كلام راحد من هالرجال يقول؛
احسن شئ اذا بغيت تعرس على حرمتك انها تزعل في بيت اهلها شهر عشان تتفرغ للعرس الجديد..
عشان كذا انتبهي تزعلين عند اهلك خذي حقك واليوم الثاني من عرسه اطلبي ليلتك ولا تخلينه لويجي بس ينام في الصاله..المهم ماتنازلين عن حقك..
ما ادري يمكن طولت عليك بس من جد ضاق صدري من موضوعك اتمنى ان تكون هذه السنه الجديده وجه خير عليك وعلينا..
وتذكري ان اخر الزمان يعيل الرجل 40 امرأة اكيد من ضمنهن 4 زوجات الله يستر...
وسعي صدرك والله لن ينفعك احد لو جاك مرض من الهم والتفكير..
اطلبي منه مهله لو سنه وان شاء الله الخير قدامك

اللة يعينك بصراحة ضيقتي صدري بس ترى المكتوب لازم تشوفة العين المهم روحي لأي مستشفى يكون عندهم دكتورة او دكتور ممتاز و أطلبي عمل أطفال أنابيب لا تحطين أيدك على خدك وتحترين الرجال لين يتزوج يعني سوي ألي تقدرين علية عندك مركز الدكتور سمير عباس فية الدكتورة منى ممتازة أطلبي عمل أطفال أنابيب مدام الرجال عندة فلوس ويبي يتزوج يسوي لك أطفال أنابيب اللة لا يهينة ولا تسوينها مرة وحدة بس إذا فشلت الأولى سويها مرة ثانية لا تخلينة يفكر بزواج أشغلية بالمراجعات واللة يوفقك ويرزقني أنا وياك بالذرية الصالحة

الله يوفقكم ويجزاكم خير
لاتنسوني من الدعاء

ليش بس يفكر هالتفكير الله يهديه
انا وانتن يابنات حاسين فيه واكيد انتى بعد حاسه فى زوجج انه يبغى عيال بس المفروض ماكان يفكر بهالتفكير ممكن بهالتفكير الله يخلي زوجته الثانيه ماتحمل بعد لانه عاند اراده الله والثالثه اذا يبغا وكذا الرابعه ولو تزوج بنات الكون كله ماراح تحمل منهم الا لما الله يريد خليها على الله وتوكلى وحاولى معاه فى الكلام وادعى فى الليل وان شاء الله يارب يريح قلبج ويرزقج ياحياتى ان شاء الله
ام عبدالله

الله يسهل عليج يارب وتحملين هالشهر وتسكتين افواه الناس جميعا ويهدي الك زوجك يارب