زوجي يكره اهلي من غير سبب

السلام عليكم فراشات واتمنى منكم المساعده ويارب يكون عندكم حل لمشكلتي لعلا وعسى يرتاح قلبي هذي حال الدنيا مافي احد مرتاح لا المتزوجه ولا البنت همومنا ومشاكلنا ماتخلص والحمدلله على كل حال
مشكلتي مع زوجي حبوب وطيب بس ثقيل وشخصيته قويه ولا يقبل كثرة المزح بس الحمدلله مرتاحه معاه بس المشكله علاقته مع اهلي احس مايحبهم ودايم قاطع فيهم بالذات امي مع اني ماني مقصره مع امه وخواته شايلتهم على راسي بس مقهوره من تسفيهه باهلي من غير سبب بس مره حصل موقف لزوجي مع خالي خالي مزحه ثقيل وزوجي مايتقبل فقلب على اهلي بزود واخذ راحته بالسب والشتم والاستهزاء باهلي حتى امي واخواني وخواتي مالهم ذنب بمزحة خالي الي هو حاسبها اكبر اهانه تخيلوا حرم على نفسه جميع المناسبات الي لاهلي مايبي وانا موقاهرني زي تطنيشه لاامي مع انها تكلمه وتسلم عليه وتفرح بدخلته وتستقبله احسن استقبال بس مايجي الا بعد شهور وانا الي ساحبته يسلم عليها بالغصب لاتقولو مو معقوله مافي سبب والله مافي اعظم من الله ان اهلي حبوبين معاه ولا عمرهم اسائوا له بس مافي الاتفسير واحد وصلت له هو الغيره اهلي احسن حاله ماديه من زوجي بكثير ودايم يعلق عليهم بالماده
حتى صار بخيل عليهم يعني تخيلوا نجتمع عنداهلي الاربعاء وكل وحده من خواتي تجيب معاها حلى للقهوه اوطبخه لعشاء اوحلويات للاطفال وانا مااجيب شي واهلي اخذين فكره عن زوجي انه بخيل وهو والله كريم علي وعلى اهله والناس بس اهلي بخيل عليهم واذا قلت له ليش قال اهلك مو محتاجين من قل افلوسهم واحيانن يجيب من غير نفس والله مقهوره فشيله عند اهلي مع ان خواتي مافيهم زود عني بس قهر احس اني اقل منهن لاني مافيني كرم زيهن وهذي مشكلة الي مو متوضفه
بس الي متعبني الحين انا حامل والنفسيه دمار وزوجي زاد بسبب وشتم اهلي وانا صايره مااتحمل ولا لي خلق على الطقاق وكثر الجدل ولا اتحمل استهتاره باهلي اكثر من كذا والقهر ياويلك تتكلمين باهله وخاصه امه وهو اخذ راحته بسب امي وياعمري هي ماتدري بس ان شاء الله حسنات لاامي يقول مافي اغنى من امك الا الملك ولا عمرنا شفنا منها شي مع ان امي الى الان تصرف علي وتعطيني من راتبها ترحمني تقول واضح ان زوجك بخيل وانا ساكته عطوني حل الله يخليكم والله تعبت من كثر البكاء يرحمني عدوي والمشكله اني بديت احب اهلي مره واكره زوجي والحين مسافر وماني حريصه على رجعته تكفون ساعدوني اخاف الوضع يتطور