زوجي

1. و انا من غبائي ساكته عليه ولو ذا الكلام أقوله لأحد ما راح أحد يصدق


2. ما في إلا وحده من خواته هي اللي معاي دايم و تصدقني بكل شي

أنا راح أكتب لكم المشكله باختصار
أنا بعد زواجي بسنتين حملت و جبت ولد الله يخليه لي بعد ما رجعت من النفاس
اكتشفت أن زوجي يخوني بعد ما سويت له مشكلة عند أهلي وقال ي أنه كان يبي
يحل المشكلة هاذي دقت عليه علشان ولد خالته و هو قال أنه يبي يحل المشكلة
المهم بعد فترة نسيت اللي صار و بعد كذا كم مرة أكتشف خيانه آخرها من شهرين و قال لي بعدهاا خلاص أنا راح أبطل و راح أرضي ربي و من هاذي الأشياء المهم
خلال فترة سنين زواجنا كان يمدح في بنات عمي على فكرة أنا و هو أولاد عم
و يمدح هاذولي هاذولي حلوين هاذولي ما ادري أيش طبعا ما قالها لي صريحه أنهم حلوين لكن من الكلام اللي يقوله واضح
قبل لا يتزوجني بكذا سنه قالت أمه بتخطب له وحده من هاذولي البنات و ووافق بس أخته ما كانت تحبهم و قالت له أن أخذت وحده منهم لا أنت أخوي و لا أعرفك المهم بطل من هاذي الزواجه
و بعدها خطبوني بفترة الحين هاذي اللي كان يبغى يتزوجها خطبها أخوه و زواجهم قريب
و على فكرة كم مرة يدخل البيت داخل لما نكون عند أهله و يكونو هم فيه و يشوفهم
بالغلط و هم بيتهم شعبي و عمي هاذا أبو البنات ساكن في نفس البيت بس بينهم و بين بيت عمي حوش فقط
يعني دايم البنات يكونو هناك
المهم أنا صار ما عندي ثقه فيه أبد و صلحت من نفسي و صرت أسوي له الاشياء اللي يقول اني
مقصرة فيها من كم يوم بس هو كان فاتح البريد حقه و هو عادي يخليه مفتوح
وقعدت أقرا بالرسايل تتوقعون ايش لقيت
لقيته محتفظ برساله بوحده من هاذي البنات رساله وحده وكانت مرسوله في شهر 8
أنا على طول دقيت على اخته و سألتها هاذا ايميل مين و أنا أعطيها البريد قالت هاذا ايميل وحده من البنات وسألتها أنتي اخوك عادي يدخل على بريد زوجته تقول ايه هو اللي مسوييه لها
أنا قلت خلاص بأشيل هاذا التفكير من راسي لاني أتوقع اخوه اللي أرسلها من بريد زوجته
الرساله حقت الايميل وحده اللي مو متزوجه أرسلتها لأختها المتزوجه اللي هي زوجه أخوه
و الرساله جاية من بريد المتزوجه وطالع فيها بريد أختها الثاني
أتمنى تكونون فهمتو و الرساله عبارة عن صور و هاذي الرساله كم مرة تجيه و كان يمسحها يعني مو مهمه
أنا هنا على طول أرسلتها لبريدي و مسحتها من بريده
أنا الحين أحس أني بديت اكرهه بس علشان الاولاد صابر ةيعني لهاذي الدرجه الحقارة وصلت فيه
ينتظر بس وحده منهم انها تعطيه وجه و لا تكلمه وهو ما راح يقصر
لو وحده منهم تكلمه ما راح يمانع أنا تفكيري فيه خلاص أني غسلت ايدي منه تماما
بس أحس أني انتظر غلطه بس منه علشان أبغى الفكه
ليش أضيع عمري معاه مادام أنه يبغى علاقات بالحرام و لاحظو أن عينه على زوجه أخوه و أختها
لا حول ولا قوة إلا بالله
لا تقولون أني فاهمته غلط ما هي أول مرة يمدح فيهم
بس ما يكثر علشان ما ألاحظه

و انا من غبائي ساكته عليه ولو ذا الكلام أقوله لأحد ما راح أحد يصدق

ما في إلا وحده من خواته هي اللي معاي دايم و تصدقني بكل شي

أنا نفسيتي تدمرت من هاذا الشي تماما ما عندي ثقة فيه أبد و أنا و الله أجبر نفسي أحيانا لما أتزين بس أبغى أعدل الامور و أرجع حياتي مثل بداية زواجي و أسوي له إلي يبغى بس أحس إني خلاص عفته أقول في نفسي يمكن يتعدل و يبطل من هاذا التفكير الوصخ على انه ما يبين لي
بس انا فاهمته و زوجه اخوهم هاذي إللي هي بنت عمنا مسويه مشاكل لأهله و أخوه و توهم من كم اسبوع جا أخوه و أعطاه كروت الزواج و قال لي هاذي زو جته ما تستاهل و أنا أدري أنها ما هي من قلبه ما علقت على الكلام اللي قاله غير اني ابتسمت و لا أنا ودي أني أنفجر و أقولها بوجهه علشان يعرف أني ما ني غبيه او غشيمه
طولت عليكم بس أن شاء الله ألقي الرد اللي يريحني