زيارت الملكة مثلك عيني ما شافت ملاك

ان شالله يعجبكم موضوعي
ان شالله ف الويك اند هذا بيزورني خطيبي و بااجمع افكار
و جيتو ف بالي قلت خلينا نجمع افكارنا هنا و نفيد و نستفيد
اتمنى البنات المملكات من زمان يحكونا ايش عملو ف كل زيارة
و المخطوبات ايش يفكرو يعملو من افكار مستقبلا
و البنوتات ايش عندهم من افكار و سمعو عنها او نفسهم يعملوها لما ربنا يرزقكم ازواج زي ما تحبوا يارب
انا راجعة بالافكار ابي عندي
دمتم بود
اختكم .... سوسو

موضوعك رائع وان شاء الله البنات مايقصرو بأفكارهم الحلوه
انا صراحه ماعندي اي فكره
مع انه راح يزورني اخر الشهر
فياليت تنقذووني

مراحب ياصبايا .... دكتور فارماسيست موضوع جميل و مفيد جدا جدا جدا واكيد راح يفيد البنات اللي ملكوا قريب او مازالوا في فترة الملكة
م بما ان لي من ربيع اول مملكة و فرحي بالحج ان شاء الله متهيألي انه صار عندي خبرة لا بأس بها للنصايح
اول شي انتبهت له .. انه الرجال فعلا كائنات بصرية .. وما اقصد بالكلام دا انهم سطحيين وما يهتموا الا بالمنظر لالالالالا ابدا
لكن اذا حبيتي تأسريه و تنالي اهتمامه من جدا أبدعي كل مرة بشي .. يعني لا تكرري ملابسك او على الأقل لا تكرري طريقة لبسها (أكيد فهاميني ياصبايا)
لكن في حال مافهمتوا على راح اشرح .. يعني لا تلبسي دايم فساتين ولا دايم بناطيل او تنانير .. لا
نوعي باللبس ايام البسي فساتين طويلة و ايام بناطيل و ارجعي شوي للفساين بس هالمرة الكاجوال اللي لما نص الساق او الركبة و بعدين البسي تنانير
المهم لا تعلقي بستايل واحد ، كمان بالشعر .. أيام ارفعيه ونزلي الغرة بس وايام افرديه و ايام خليه ذيل حصان (يحسسه انك طفله) و ايام ثبتيه بالأعواد زي الصينين (مثلا)
خلي لبسك ناعم و مرتب وابعدي عن الفخامة والتكلف .. وكمان لا تمييلي للبساطة بزيادة يعني حتى لو بيمرك يعطيكي شي على السريع لا تقابليه الا بأفضل شكل ممكن مهما
كان يمون او يعز عليكي
كمان في شي لاحظتوا ما ادري اذا البنات يتفقوا معاي فيه والا لا ... لاحظت ان الفساتين مرغوبه اكثر عند الرجال ، وعن تجربة : في زيارتين كررهم ورى بعض لبست بنطلون
اول مرة مدح البنطلون ، والمرة التانية قالي وهو خارج اليوم كمان بنطلونك حلو قلت له عيونك الحلوة قام قالي حتلبسي بنطلون المرة الجاية ؟! قلت : راح اطقم معاك .. انت حتلبس بنطلون ؟
فقالي : طيب لو ابغاكي تلبسي فستان ايش البس انا ؟!! خ
قالت له : ......... فستان طبعا >>> طبعا الفكرة وصلت وبالرغم من انهم يحبوا البنطلون لأنه يجسم بس الفستان يحسسهم بأنوثتك
العطر .. لا تبخلو بيه لكن كمان لا تزودوه او تختاروه ثقيل بعدين يسبب له صداع وتلاقيه جالس باخر الصالون من الريحة القوية !!
كمان عندي نصيحة .. الترطيب ) اهتموا ياصبايا بترطيب جسمكم واياديكم اول بأول في دي المرحلة و من بعدها كمان لأنه
خلينا نكون صريحين ما تعرفي متي الشباب ياخذوا خطوتهم .. فجأة يعملك حركة ما تكوني متقعتها او عاملة حسابها فكوني جاهزة
قطع الاكسسوار ... طبعا ما يحتاج كل الصبايا فهيمات بهالموضوع بس في شغلات مو ضروري تخطر للبعض ، ترى كل شاب له ذوقه في الاكسسوار اللي يلفت النظر
في بعضهم تلفت السلاسل انتباههم و بعضهم الخواتم ، و انصحك تكوني مجازفة وتجربي كل شي (بس أهم شي تكوني مرتاحة و انتي لا بساها) ممكن تجربي اكثر
من حلق في الاذن او حلقان مختلفة في كل اذن او كمان خلاخل بصوت او من غير وممكن تجربي الخواتم المتعددة في اليد الوحدة !!!
كنت العب هاللعبة وحسيته متحمس وكل مرة يدور الجديد في اللوك
بقي موضوع اخير >>>> ما بغت تخلص الأخت
الأخلاق ... حبيباتي ابغاكم تفهموا شغلة مهمة ، صدقوا او لا راح تواجهوا مواقف مزعجة ومملة وصعبه من وقت لوقت مع ازواجكم
بعض الأحيان راح يخلوكم تعصبوا وتفقدوا اعصابكم او حتى تتجننوا منهم لكن خليكم صامدين وطولوا بالكم ولا تخلوا شي يأثر بهالفترة او
يكدرها .. بكرا بتروحوا بيت واحد ولاحقين على الخناق .. ولا تسمعوا نصايح من شخص ما يعرفكم ابدا وشاوروا قلبكم اولا قبل تنفيذ اي نصيحة
كمان لا تنسي ابدا الابتسامة على وجهك كل ما تشوفي زوجك .. ترى ما يجيبه لك الا هالابتسامة اللي يدورها دوارة من زيارة للتانية
وكمان لما يكلمك لازم تكوني دايما متفائلة و ما تحسسيه انك منكدة ، طبعا المزاج مو دايما تمام بس ممكن مرة او اثنين بس .. لكن مو اكثر والا يظنك نكدية
راح اعتقدكم من محاضراتي الحين .. وارجع لكم قريب بالمزيد ، وتسلمي ياعسولة على الموضوع الحلو

مآشآءالله الو حركآت قالت كل الكلام اللي كنت بقوله
بس بزيد عليه
التقديمآت الحلا والعشا كل مره سويله شي مختلف
نوعيله
انا حركآت اشوفها في زوآجات واطبق على راسه ههه
انا حجآزيه ومالي في العصيده حقت الجنوب
مره قلت لصحبتي تسويلي عصيده وخبزه
وارسلتهآ ليا
عملت جو جنووبي فنآن عجبته مره
ومره جو حجآزي لدو ولبنيه ومن الحركات دي
يعني احاول ما اكرر الانواع

ما شاء الله البنات كفوا ووفوا ..
لكن عندي كذا شغلة حبيت أضيفهم ..
إذا شرف الزوج المصون لا تطولين معاه أبدآ بالجلسة يعني حطي برآسك أكثر من نص ساعة مافيه ,, وربي عن تجربة ..
لأن بعضهم ساكن معاك بنفس المدينة وتلقيه كل شوي طاب عليكم ف ربع ساعة كفاية حتى لو مو لحالكم ..
وبعضهم نفس حالتي بعيد فما يزورني الا بالمناسبات عيد وكذا ,, ف رح يسافر ويجي وحوسة لكن برضو نص ساعة كفاية >> عشان يشتاقون لنا ..
وكمان شغلة ..
لا تدخلون أي أحد بينكم لو مشكلة صغيررونة وتنحل بالكلام لا تدخلون أحد ,, ولا تفضفضون لأحد عن مشاكلكم أو سوالفكم حتى مع أعز الناس على قلوبكم ,, لأن راح يجي يوم وتندمين >> نفس حالتي رغم اني أفضفض لأمي وأعز صاحبه عندي لكن توبة وربي خلاص ..
وبالنسبة للحركات جايتكم بالطريق ..

سبحان الله وبحمدة سبحان الله العظيم

عدنا بعد الفاصل ..
فيه حركة أعجبتني وحده سوتها بس إلى يومكم ماقدرت أسويها ..
اتصل خطيبها وقال لأهلها إنه رح يجي يزورهم وعاد عندهم ممنوع الزيارات ,, يعني مايشوفها ولا تشوفه ..
المهم ارسلت له رسالة وقالت أول ما توصل عند الباب أعطني رنة ,, بالأول رفض ومع الالحاح وافق , المهم أول ماوصل عند الباب أعطاها رنة وهي كانت بالحوش , أول ماسمعت أخوها يفتح الباب ويرحب بالزوج المصون , انتظرت لحد مادخلوا بداية المجلس وقفلت الأنوار من العداد الرئيسي , ثواني وبعدين فتحته >> دوروا لي وقتها أموت من الرعب ههه ..
فتحت الأنوار ودخلت البيت وأرسلت لخطيبها مسج ,,
قالت أنا ي اللي طفيت الأنوار , مانحتاج للنور وانت موجود نورك يكفي ..
ههه

مساء الخير ....
الو حركات يا قلبي المواضيع الحلوة للحلوين زيكم
الله يسعدك ع الرد الجميل المفيد
و نستنى ابداعاتك ماشالله عليك الله يحميك
من جد نفسي البس فستان بس كل اللي عندي مفتوحه من الصدر و الظهر ...
و صادقة ف حكاية الترطيب و الريحة الحلوة من جد ممكن يعمل اي حركة فجاه ف لازم نكون مستعدين
الدلع.... ماشالله عليكي خطيرة
قوليلنا عن مرة زارك و ايش عملتي من افكارك الحلوة بالتفصيل بليز
ابتسامة خجل ... نورتي
مااقدر ما اطول معاه ماشفته من شهر و شوية
يدوب نجلس مع بعض
ممكن لو بنفس المدينة و كل شويا يمر الافضل ما يطولو لانو ح يخلص الكلام و تبدا الافعال ههه
اما حركة الانوار خطيرة اخاف اهلي يعملو حالة استنفار و اروح فيها
نورتو موضوعي و مبروك لانكم اول 3 مشتركين فزتو بااشتراك لمدة سنة في موضوعي ( الاشتراك اجباري)
ههه

طيب شو رايكم
خطيبي ما يحب القهوة و باافكر اقدم لو عصير اول ما يجي و بعدين شاي بس ماابغا معجنات معاه لاننا ح نتعشى مع بعض
ممكن اقدم مكسرات مع الشاي؟؟؟ و لا شو رايكم
و حلا بارد بعد العشا كيكة من باسكن او تشيزكيك
و اشتريت له عطر هدية و كفر للجوال و حابة ازيد حاجة كمان ايش رايكم في محفظة ؟؟ ابغا شي يكون معاه كل يوم
بالنسبة الغرفة الي ح نجلس فيها ح اجيب ورد و احط الهدية و الفواحة ع الطاولة و ماني عارفة ايش كمان؟