زيت ال 40 يوم

السلام عليكم
بصراحة هاذا اول موضوع لي في المنتدى
ومن مبدأ حب لاخيك ماتحب لنفسك ولاني استفدت كثير من هاذا المنتدى
حبيت اشاركم تجربتي في زيت ال 40 يوم
بداية اوصفلكم حالة شعري
شعري كثيف ومبروم هوا ناعم بس الصبغات نشفته والاستشوار عدمه عملت كيرياتين شهرين ورجع شعري زي ماكان
كثير كنت اعمله حمام زيت وبيض وزيت زيتون وزيت الحية يعني ماخليت شي
المهم عندي جارة دايما تزيت شعر بناتها وللامانه شعور بناتها ناعمة ماعادا وحدة فيهم شعرها بس منكوش
وفي يوم زرتها واشوف شعر البنت مايفرق عن اخواتها ما شالله لا قوة الا بالله يجنن شعرها
سئلتها على طول وما شالله ماقصرت جزاها الله خير
قالتلي هاذا زيت ال40 يوم علموني عليه صحباتي
واخذت الطريقة منها وسويتها هوا عبارة عن خمس زيوت تخلطينها وتتركينها لمدة 40 يوم
ثم تستعملينها بعد 40 يوم
اكيد بتقولون 40 يوم مرا طويلة
بس انا كمان نفس الشي ماتحمست انو 40 يوم بس اختي خلطتها عندها وبعد شهرين اعطتني منها وستمريت عليها انا وولدي
والله على ماقوله شهيد شعري مايحتاج استشوار راحت النفشة اللي فيه وشعر ولدي ما شالله سار كثيف ويجنن
المهم طولت عليكم وزهقتكم
بس خلاص جينا لمكونات الزيت
طبعا 5 زيوت كلها نفس المقدار
زيت لوز حلو
زيت لوز مر
زيت سمسم
زيت خروع
زيت النارجيل
تخلطوها كلها مع بعض وتتركوها لمدة 40 يوم من الافضل كتابة التاريخ على القارورة اللي خلطتي فيها الزيوت
انا عن نفسي ادهن شعري كله بالزيت واغطيه بكيس نايلون او بونيه الشعر
واتركه من ساعتين الى 3 ساعات بعدين اغسله بشامبو لوريال ثم ماسك غارنيه
والحمدلله شعري حتى لو ماعندي وقت استشوره يفضل مبروم الخصل وناعمه
المهم النفشه باي باي
ماريد منكم الا دعوة بان ربي يحفض لي ولدي وزوجي قادر ياكريم
والسلام خير ختام