س ح ر عيونها انصحكم تقروونها وايد حلوووة للكاتبة سح

----------محمد : مشعل .. يا اخي شغل شي قاعدين جي مشعل : ما عندي شي اشغله محمد : أنا عندي شريط يديدمشعل : ما ابي اسمع اغانيمحمد : ليش ؟مشعل : مالي نفس ارقص زين ؟محمد : لا صدق صدق ..مشعل : الهدوء حلو .. وبعدين كل واحد واهو يغني تحس انه بيموت .. يبه خلنا منهم راشد : أوقف مشعل وقف هنا .. بانزل آخذ لأختي عشا .. واعدتها اليوم اني باخذها للمطعم وما قدرتمشعل : أووكي .. وقفنا .. أنزل طلع راشد من السياره وبقى مشعل ومحمد يتكلمونمحمد : الا شحال حمود ؟ ..مشعل : حمود أمس مثل حمود اليوم وبكرهمحمد : خيبه .. للحين مثل قبل بس سفر ؟مشعل : ايهمحمد : ما نشوفه يسير الامارات ؟مشعل : والله كل يومين هو بالامارات ..محمد : واذا هناك ليش ما يقول لي ..مشعل : يقول انك بخيل وما تضيفهمحمد : أونه بخيل !مشعل : ههه اتغشمر .. بس ماله خلقمحمد : لا قول له اكرام الضيف واجب ..مشعل : رقمه عندك كلمه ..-------سحر : أوكي سارة أنا اخليج الحين لأن رفا ذبحتني حاطه اذنها عند السماعهسارة : ههه سلمي عليها حيل رفا تصارخ : الله يسلمنيسارة : ههه والله خبلة اختج هاذيسحر : خخ ما عليج منها .. يلا نتلاقى بالمدرسه ..سارة: أوكي مع السلامهسحر : الله يسلمج ..سكرت التلفون ومسكت رفا من اذنها : ليش قاطه اذنج عندنا ؟رفا : تركي اذني واحترمي اللي اكبر منجسحر : أووف ذبحتيني أكبر منج وأكبر منج يه ؟رفا : عيوني فرق بينا 7 سنين .. أحترميني سحر : شنو هالنظريه السخيفه ؟ .. واكبر مني ب 7 سنين .. مو يمكن انتي يالكبيره يالمتعلمه ما تفهمين اشياء وايد انا افهمها .. وبالله عليج باين ان انتي الكبيره ؟ .. العمر مو متى انولدتي وكم صار لج من انولدتي .. ولا تحسبين كل صغير سن صغير عقل وتفكير وفهم .. الانسان يعرف عمره بقدر ما شاف من الدنيا ..تشوفين صغير عمره 10 سنين يفهم أكثر من اللي عمره 20 .. ليش ؟ .. لأن شاف من الدنيا اشياء اكبر من اللي شافها بو 20 سنه ..رفا : خلصتي الفلسفه ؟سحر : رجاءً لا تستخفين بكلامي .. هذا ومسويه نفسج جامعية ؟رفا : سمعيني عيوني ماني فاضيه لكلامج السخيف سحر : أقول برى غرفتي يلا برى ، أنا الغبيه اللي قاعده أكلم اشكالجرفا : قطع ، على آخر عمرها رفا الدكتورة تكلم هالمستوى من الناسسحر : أقول قلب ، عرض اكتافج لو سمحتيطلعت رفا من الغرفه وراحت سحر للتلفون تتصل على راشد محمد : مشعلوو النقال يرن شوف منومشعل : لا ما أبي محمد : قلت لك ردمشعل : لحظة ، كاتب سحر ، الأخ ساحر ؟أصبر أصبرسحر : ألوومشعل : هلاسحر : السلام عليكممشعل : وعليكم السلامسحر : راشد؟!مشعل : لا مو راشدسحر : أوكي السموحه ، يلا مع السلامهمشعل : لا لا .. لحظة ، أنا صديقه ، هو ناسي النقال بالسياره ، رايح يشتري عشا لكم ، تبين أقول له شيسحر : والله ؟ .. رايح يشتري فديته أخوي الطيبمشعل قعد يضحك على هبال سحرأنحرجت : سوري ..مشعل : لا عادي ، تبين أقول له شيسحر : لا بس قول له إذا يبيني أسوي له عشا خله يدق علي ، وإذا ما يبي بالطقاق ، عساه ما أكل إن شاء الله أصلا راح يوفر علين ..
، أأأأ .. أقصد خله يدق وبسمشعل : تامرين الشيخه سحر : مشكور ، يلا مع السلامهمشعل : الله يحفظجسكرت التلفون سحر و وجها يتقلب ألوانه ، أنحرجت حيلمحمد يمثل : آخ قلبي ، ذبحتني ، أسرتني ، من أول ألو سكنت قلبيمشعل : جب يلا جبمحمد : ههه يحليلك ، إلا شفيك تتكلم وكأنك بتموت؟مشعل : من هذا اللي اسمه راشد ، كل هذا عشا دخل راشد السيارة ..راشد : تأخرت عليكم ؟مشعل : لا ما تأخرت ، بس لو كنت نايم داخل أحسن ترىراشد : حبيب قلبي أنتمحمد : رشود في وحده دقت عليكمشعل : شفت أسم سحر ، قلت يمكن تتعامل مع سحره وأحنا ما ندري طلعوا البيت ، وتقول لك أختك دق عليها إذا تبي عشامحمد : وتقول لك إذا ما تبي .....يقطعه مشعل : ههه ما عليك منه بيقعد يألف ، أقول دق عليها ، وإذا بتسوي لك عشا أعزمنا معاكراشد : خ أوكيراشد : ألووسحر : هلاراشد : ها سحوور يقولون تبين تسوين لنا عشاسحر : أيه ما تبي ؟ .. أوكي مع السلامهراشد : هيي أنتي هيي ، ما قلت ما أبيسحر : خلصني شتبي ؟راشد : أووف نفس خايسهسحر : بعد ؟! ، تسبني ؟ .. بشوف منو يسوي لكراشد : أم العشا اللي جبته آكله بروحي ؟سحر : أف ، أنزين شتبي ..راشد : أمي تعرف اللي اكله ، بس شوفي زيدي الأكل معاي اثنينسحر : نعم ؟ نعم ؟ لا يبه ماني مسويه زيادهراشد برجا : سحرسحر : أنزين ، متى بتوصل ؟راشد : مدري بعد ساعتين يمكنسحر : أوكي ، مع السلامهراشد : الله يسلمجمشعل : ها لنا مكان ؟راشد : أفا عليك بسسحر بتأفأف : أوه أنا شكو باصدقائه يعني ؟ .. والدتهم وناسيتهم ؟رفا : هههاي ما أحد قال لج سوي نفسج طيبهسحر : وأنتي من وين طلعتي ، اليوم شفيج قاعده مغثه على كبدي ؟رفا : خ وشسوي ؟ .. اليوم إجازهسحر : أف إجازة وسحر تتعذبرفا : يحصل لج أني أقعد معاج يالخبله ؟سحر : رفا ساعديني بالعشا بلييزرفا : أناا شكو ، طبخي أنتي وبعدين شوفي أنتي قدمي العشا يمكن واحد منهم ما عنده نظر ويخطبجسحر : جب ، والله ما تستحينرفا : قومي زين صرتي 17 يلا خلصيناسحر : وأنتي 24 ، ليش مو أنتي اللي تخلصينا ؟رفا : تبيني أنا آخذ أي أحد ؟سحر : قطع غرور مدري على شو ، من حلاتج عاد ؟رفا : أحلى منج يا أم عيونسحر : حلااتها عيني كبيره تهبل ، مو مثلج تقولين يابانيه ، أقوول ماما ، أنتي فاتحه عينج ولا مسكرتهارفا : ثقيله ما تضحكينسحر : أقول وخري بروح المطبخ------------

------------هيام : كلمتي ثقيله الدم ؟ساره : لا عاد ، مدري ليش ما تحبينها ، والله إنها طيبههيام : جد والله ؟ .. أي طيبه الله يهديج بس أهي لاعبه بعقلج ، أقول سكريها سيرتها مالي نفس أرجع ، قومي بنغير جوساره : وين نغير ؟هيام : يعني وين ، نبي نطلعسارة : الله ، الحين !هيام : ايه الحين شفيها ؟ساره : لا بس الوقت متأخرهيام : أووه لا تسوين فيها متأخر ، يلا ترى حدي متضايقهسارة : أوكي بس أخبر أمي هيام : يا الله على دجاجه أمها--------------لولوة : ماي ماذر ، مااي ماذرأم فيصل : تكلمي عدل أنتيلولوة : واي يمه ؟أم فيصل : أقول مستانسه على عمرج بكلمتين الأنجليزي اللي تعرفينهملولوة : تحبطون الواحد أنتو ، أنزين بروح حق سحرفيصل : سحر يطيحج بفراشج قولي آمين أم فيصل : يه شكو تدعي على بنتي ؟فيصل : رشود قايل لي قول لها ما تجي لولوة : بس سحر كل تقول لي تعاليفيصل : مو يالخبله تجاملج لولوة : يه أنت شكو هاا شكو ؟ .. كيفي كيفيفيصل : بقص لسان بنتجلولوة: يمه يمه خوفتني ، أقول اقلب وجهك أم فيصل : حبيبتي إذا رحتي عطي سحر فستانج أهي تعرف تخيطفيصل : منو قال بوديها أصلا عشان تعطيها الفستانلولوة : لا أبوس أيدك أبي أروح معاكأم فيصل : أبوك بيوصلها ، أنت أقعدلولوة تطلع لسانها : ويوفيصل : باكفخهاأم فيصل : أعووذ بالله منكم !-----------------راشد : درب .. دربسحر : رفووي تعالي المطبخ وصلوا ..راشد : حيااكم شبابمحمد : الله ، عندكم بلاي ستيشن أبا ألعبمشعل يدوس على رجله : ههه
أثقل لا تفشلناراشد : خ يعني في شي جديد ، خلص عشا وأقعد على كيفك ألعبمحمد : وأحنا شايفين عشاراشد : ههه حبيبي انت ، أصبر الحين بجيبه ، مع إني قايل لهالخبله تحطه ، بس أصبر شويطلع راشد من الصاله وبقى مشعل ومحمد .. والباب كان مفتوح شوي محمد : مشعلو ، شووف في صوت بنت الظاهر هاي اللي رمستهامشعل : نزل عينك بط فيهامحمد : يه ليش ؟مشعل : أنت ما تستحي ؟محمد : ليش ؟مشعل : ترضاها على أختك يالحيوان؟محمد : وأنت ليش معصب جي؟مشعل : بعد أنت تقهرني-----------راشد : وين العصير ؟سحر : وين عشاي ؟راشد : العشا بالصاله ، بس قولي لي وين العصير سحر بإبتسامه : ما سويتراشد : ومستانسه على عمرج ؟سحر : أنت ما قلت لي !راشد : أف الله يعين اللي بياخذج سحر : تقصد يا هناهراشد : لا تطولينها يلا روحي سوي لنا عصير برتقالسحر : أف أنزين------------راشد : حيا الله الربعمشعل : الله يحييكمحمد : الله ، شكله روعه ، أقول مو حاطين لنا فيه شي ؟راشد : لا بس بالصحن اللي على طرف حاطين شويه هيروين عن خاطركم ، تستخف بدمك حضرتكمشعل : ما عليك منه ، حياك معانا ، تراك من أهل البيتراشد : والله ؟ مشكورين ما تقصرونمحمد : أقول سكر الباب ما اباهم يشوفوني وأنا اكلمشعل : ههه صدقني بتلوع جبدك وما بتاكل شي إذا شفته-------------سحر : أفرفا : شفيج ؟سحر : شفيني يعني ، حابسينا بالمطبخ تبيني أرقص ؟رفا : ومنو قال لج قعدي بالمطبخ ، صعدي دارجسحر : والصحون تغسلينهم أنتي ؟رفا : لا عيوني ، أنا بروح أنا بكره عندي دوامسحر : روحي رفا : سلمي لي على الشباب وإذا في واحد حلو قولي ليسحر : والله قليله أدبرفا : من حلاتهم عاد ، بالله باخذ ناس جذيسحر : وهو أنتي تدرين منو اللي داخل ؟رفا : منو سحر بهمس : ولد العبد اللهرفا : حلفيسحر : واللهرفا : ولد العبد الله في بيتنا !! ، ياي ، أقول سحور ، لما يطلع يمكن تطيح صورته أخذيها وعطيني ، يقولون عنه يدووخ ، يطيير ، يذبح ، يعذبسحر : رجاء لا تتغزلين فيهرفا : ريلج وأنا ما أدريسحر : جبي زين---------------مشعل : آآآآخ تسلم الأيادي أما الأكل شي غير طبيعيراشد : بالهنامشعل : حموود أنا باطلع باخذ شي من السياره وراجعراشد + حمود : أوكيطلع مشعل من الصاله وفتح الباب إلا يشوف أيد لولوة على البابلولوة : يمه منو أنت !!مشعل : أنا مشعللولوة : ما قلت شنو أسمك ، قلت منو أنتمشعل : صديق رشوودلولوة : أها ، طيب من شكلك كأنك ماخذ راحتك في بيتهم ، عشان جذي ناد لي سحرمشعل : شتبين فيها ؟لولوة : أبيها تخيط فستانيمشعل : وأهي تشتغل عندج مثلا ؟سحر وأهي ورى مشعل : لولوة حبيبتي عطيني الفستان مشعل أنحرج منها ألتفت عشان يبي يروح الصاله ، إلا إيده لمست صحن العدس اللي كان بإيد سحر وطاح على رجلهاسحر بصوت خفيف : آآآآآآآآآآآآآيلولوة : سحرمشعل ما عرف شنو يسوي : أختي ؟ .. تعورتيسحر بعيون مسكره : لا ما فيني ،، آآآخمشعل : لا جد قولي لي ، أخذج المستشفى ؟ .. شكلج متعوره حيلسحر : ما يحتاج ،، ما فيني شيلولوة : الولد خايف عليج ، روحي معاهسحر شافت لولوة بعيون حاقده : قلت ما صار ل ،،
أآآآآآآآآآآآآآآمشعل : سحرسحر ولولوة سكتواحاول يغير الموقف فراح ينادي راشد : رشودراشد سمع صوته يصارخ ركض له : خير شفيك ؟ .. سحر شفيج طايحه على الأرضمشعل : كنت أنا أبي ......سحر تقطعه : كنت ابي اعطي لولوة صحن العدس وطاح من أيديراشد : أشوف ريلج وين تعورتيسحر بعيونها تأشر حس فيها مشعل : أقول راشد ، أنا بروح الوقت تأخرراشد : لا وين تروح مشعل خلك هنامشعل : لا بروح ، نزورك مره ثانيه إن شاء الله سحر بصوت ناعم : بتروح وأنا تعبت وأنا أسوي لكم حلويات ؟راشد : ايه يبه ماكو طلعه إلا لما تذوق حلويات أختيمشعل : بس ...راشد : لا بس ولا شي ، أدخل داخل ، انا بحمل سحر إلى غرفتها وراجع لكم ، بس قول لمحمد ترى الصحون ما ينأكلون---------------

---------------مشعل : وأنت للحين تاكل ؟محمد : أكلهم حلومشعل : الحمد لله والشكر ، أقول حمود ما نبي نطول عندهممحمد : ليش ؟مشعل : شوف الساعه ، وبعدين بكره مدارسمحمد : وإذا مدارس شو نسوي ؟ راشد مو بالمدرسهمشعل : أفهم يا غبي ، خواته بالمدرسهمحمد : ونحن يالسين بحظن خواته يعني ؟مشعل : أف ، خلصنا يلا------------------
في المدرسه سحر : أف تعباانه أبي أنامروح : ليش سهرانه يا حظي ؟سحر : مو لأن كان عندنا ضيوفروح : إلا تعالي شفيها رجلج ؟سحر : ما فيها شي بس صحن العدس طاح عليروح : أهاا ، أنزين جم واحد أهم ؟سحر : أمم ولد العبد الله و الثان ،،،،روح مسكت إيد سحر : ها ، ولد العبد الله في بيتكمسحر بغرور : ايه ، شفيها يعنيروح سحبت سحر من ملابسها : سحوور شفتيه ؟ فيس تو فيس ؟ ..سحر : لأروح : مينوونه أنتي ؟سحر : يمه ليش شسويت ؟روح : في وحده ولد العبد الله يكون في بيتهم وما تشوفه ولا تتأمل جمالهسحر : عبالج انا مثلكم ما أستحي على وجهي ؟روح : سحوور هذا عذااب ، حتى لو تموتين حيا ، جدامه ما تقدرين تشيلين عينج من عليهسحر : الحمد لله والشكر ، أقول قومي راح تبدي الحصه ، إلا على طاري الحصه وين سارو ، العاده أشوفها عند الباب واقفه لي ؟روح : شفتها مع هذيج المعفنه هيامسحر : شنو معفنه أنتي ما تعرفين تتكلمين ؟ روح : تقهرني والله تقهرني حركاتها مأساهسحر : بسج حش في العالم ، تشوفين أبله تسنيم الحين تتوعد فينا ..روح : يمه خوفتني عاد !!-------------------مشعل : حموودمحمد : ....مشعل : حمودمحمد : ....مشعل : حمود و وجع إن شاء اللهمحمد : أف شتبا ؟مشعل : أف فشلهمحمد : شو فشله ؟مشعل : طيحت الصحن على رجل سحرمحمد : سحر ؟مشعل : أخت راشدمحمد : صارت سحر حرف ؟ ، وبعدين أنت اللي طيحته والله ما تستحيمشعل : مو قلت لك ، والله فشلهمحمد : عادي ابويه إلا ما تعرفهامشعل : شكلها وأهي تتألم عذابمحمد : مشعلو ، البنت متغطيه أنت شدراك ؟مشعل : ها ؟ لا بس لما طاحت ، اللي ......... ، وبعدين أنت شكو ؟محمد : ها ليكون حبيتها من أول صحن عدسمشعل : ههه ، لو أحد سمعك بيقول لك تقول نكته ، بالله مشعل على آخر عمره يحب ؟ .. يا أخي خليناه لكم ..محمد : و زوجتك ما راح تحبها ؟مشعل : أم مدري بفكر ، والله إذا طلعت سنعه وتسمع الكلام .. نغصب نفسنا ونحبها محمد : ما أقول إلا الله يعين اللي بتاخذكمشعل : تقصد هنيالها محمد : أنزين خلصني ، أنا وراي شغلمشعل : له له له ، لا ينط لك عرج بس ، أي شغل يرحم والديك بروحك بطالي ؟محمد : بطالي ؟ .. والله أبوك عنده شركه كبيره وأنت بعد بطاليمشعل : والله لأني أدرس ، وهو ما يبيني أدرس وأشتغل ، عشان ما يأثر عليمحمد : يرحم أمك بس ، إلا ما قلت لي وين راشد ؟مشعل : مدري فيه ، أصبر بس أنا اوريك فيه ، هذا وأنا قايل له تعال لي--------------------

الاستاذه تسنيم : أنتي يا بنتسحر : يا عيون البنتالبنات : هههالاستاذه : أصطلبي سحر : إن شاء الله .. خير أستاذه أكو شي ؟الاستاذه : بتتكلمي في أيه أنتي مع دي ؟ ..سحر : إستاذه ما تكلمناالاستاذه : بتكزبيني يا بنت ولا أيه ؟ .. بازني سامعاكو .. بتأولو حلو .. ومش عارفه ايهسحر : لا استاذه شنو حلو .. ما نتكلم عن شباب أحنا .. أستغفر الله عيب ، هذا وأنتي مدرسة دينالاستاذه : تفهميني بشغلي ؟سحر : لا حشى علي والله .. بس أنتي تتهمينيالاستاذه : ورى يا بنت .. اوأفي ورى ..سحر : نعم ؟الاستاذه : تستعبطي علي ؟سحر : مع أحترامي لج ، ماني رايحهالاستاذه : أيه ؟!سحر : تبين أطلع برى بطلع ، بس إني أوقف ورى لا أسمحي لي .. إذا أنتو توقفون فهذا لأنكم تحصلون رواتب كل شهر ، بس أنا لو وقفت ورى شبستفيد ؟ .. بتعطوني راتب ؟الاستاذه : أنتي محدش كسر لك دماغك ؟ ..سحر : هه ما عاشطلعت سحر من الصف ، والبنات كلهم مندهشينالاستاذه : درس اليوم مشروح روح : أفا ابله ليش ؟الاستاذه : ما يدخلكيش أنتيروح : أستاذه باجر أمتحان ، ما يصير ما تشرحين !!الاستاذه : هو أنتي عايزه تلحئيها ولا أيه ؟روح : كيفجالاستاذه : برى أنتي كمان .. برىروح : أوكيطلعت روح من الصف أهي بعد .. وركضت لسحر اللي كانت واقفه تشوف حديقه المدرسهروح : يتهنى به اللي ماخذ عقلجسحر : ....روح : سحر .. سحر سحر : هلاروح : وين يبه وين ؟ .. ها وين وصلتي للكوشه ولا طياره العسل ؟سحر : هاا ؟روح : تفكرين بمنو ؟سحر : ما أفكر بأحدروح : علينا ، ما قط عليج كلمتين غزل ؟سحر : أنتي هي هي هي .. وين قاعدين ؟ .. شنو كلمتين غزل ؟ .. قلة أدب والله .. وبعدين تعالي منو قال لج إني أفكر باحد .. ويع مالت عليج .. عبالج فااضيه ؟ .. ولا مخي بنعالي حاطته مثلكمروح : وي أسم الله عليسحر : أجل لا تقولين لي فاهمه ؟روح : خ لا بس شكلج قدام الحديقه والشمس بعينج ، وشعرج يطير ، كأنج جوليت تنطر روميوسحر : أم الملاقه من صباح الله خيرروح : بل فشلتيني .. أنزين ما قلتي لي عن اللي صار أمسسحر : شنو صار ؟روح : يوم ما كان مشعل في بيتكمسحر : أف لا تلوعين جبدي لو سمحتيروح تمسك رقبتها : مالت عليج يا حماره .. مشعل صار يلوع الجبد .. صج ما عندج نظر .. صج غبيه .. صج ناس ما تفهم ولا تحس .. مالت بس مالت .. والله بس لو عندي اخو أخليه يرافجه .. مو أنتي يالخبله .. ولا كان يبي يوديها المستشفى وما رضت .. لأنج ثوره وما تتعلمين .. كان قلتي له أوكي .. وكل دقيقه قلتي آآي .. وبالمستشفى تقولين ما أقدر اوقف .. ف يروح ياخذ لج كرسي متحرك .. بعدها يمسك أيدج عشان تقعدين .. وأنتي بنعومه تمسكين أيده ، طبعا بعدها ما راح يترك أيدج ف ....تقطعها سحر : سخيفه وربي سخيفه .. وايد متأثره بالأفلام حضرتج ..روح : أنزين سحوور شفتيه ، شفتي شكلهسحر : لاروح : حلفي !سحر : والله ..روح : مينونه .. أنزين ما ام .. شنو كان لابس ؟سحر : أم على ما أظن كان لابس جينز وفانيلاروح : واي عمري الجينزز .. واي ، أمانه كان فاتح الزر ؟سحر مو فاهمه : أي فاتح زرين من فوق بالفانيلاروح تنام على سحر : هوا .. هوا .. واي قلبي .. أكيد صار شكله اينن وأهو فاتح الزر .. واي عذاب .. عذاب .. سحر .. أنتي أكيد طاح صحن العدس من جماله .. ما قدرتي تقاومين صح .. سحور شفتي شعره .. طويل مو ؟ مو ؟ مو ؟ .. آآآآآآآآآخ قلبي .. قولي له صديقتي للحين ما تزوجت ما تاخذها ؟ .. أي أي كان لابس النظاره السوده اللي يلبسها ؟ .. لا تقولين أي الله يخليج .. لأني بمووت ترى .. ما أتحمل ..سحر عصبت : أقول قلبي ويهج عني لا أعطيج بكف يسنعج يالسخيفه .. ما عندج سالفه .. ذابحه عمرج على هذا ؟ ..روح : أنتي روحي فحصي النظر الله يخليج-------------راشد : وأجتمعت شله الفسادمشعل : أحم .. أسمح لي أنا مو فاسدراشد : خ عندنا أحنا مو فاسد ، ولكن عند أختي أكبر فاسدمشعل : هاا ؟راشد : لأن شوف الاشرطه اللي موزعه في كل مكان ، هذا الفساد بعين أختيمشعل : أدري إنه فساد .. بس هذا حموود اللي مخربنيمحمد : هاا أبويه ؟راشد : ما تشوف نغمتي نوكيا ، أقول لك مره سمعت نقالي يرن بأغنيه الجسمي ، ما بغيت غير راسي ، حذفت الجوال على الطوفمشعل : أوف .. اجل لا تشوف نقاليراشد : إذا ما تبيه بس قول لي بعطيها ..مشعل : خ ما شاء الله عليها ..محمد يحرك راسه مع الموسيقى : أحبك .. أحبك .. أحبك .... ترن ترن ..راشد : ويت شباب..راشد : ألوسحر : السلام عليكم ..راشد : وعليكم السلام ..سحر : راشد راشد : نعم ؟سحر : أول شي شهالصوت اللي بالسياره ؟راشد : هاا
..سحر : قلت لك شهالصوت ..راشد : ههه ما في شي شفتي ، المهم أنتي مو بالمدرسه ؟ ..سحر : بلاراشد : أجل ليش متصله ؟سحر : أبيك ترجعني البيتراشد : ليش إن شاء الله ؟سحر : بطني يألمنيراشد : بس أنا ما عندي سياره سحر : تصرف ياخيراشد : أوكي .. أوكي .. يلا فمان اللهسحر : الله معاك-----محمد : شو صاير ؟راشد : أقول مشعل نزل هذول بيوتهم و أخذني لمدرسه أختي ، تعبانه أبي آخذهامشعل : أووكي تامر- عند مدرسه سحر -سحر : وين بتركبني ؟راشد يأشر على سيارة مشعل : هناسحر : لأ !راشد : شنو لأ سحر : يا أخ ماخذ لي صديقك ليش ؟راشد : مو هي سيارته يا عبقريه ، يلا خلصينا الريال قاعد ينطرسحر : أف أنزين ركبت سحر السياره وقعدت ورى وأهي منزله راسها : السلام عليكممشعل : وعليكم السلام راشد : إلا أقول مشعل ما بتروح مكان اليوم ؟مشعل : أقعد مكانك عاد ، كل يوم والثاني مطلعكم راشد : أفا ما نستاهل ..مشعل : لأراشد : أنزين تعال شفيك تمشي على 40 يا أخي ؟ .. سّرع ، سحوور باخليه يفحط فيج ويخلي السرعه على 180 سحر بنبرة تعب : راشد !! .. أنا تعبانهأحم ، أما مشعل لا تسألون عن حاله ، الولد ذاب وصار ما يشوف قدامه من صوتها ، أما راشد كان يحتاج لمطافي لأنها حرقت وجهه ..مشعل : راشد !راشد : يه كليتوني ، أتغشمر معاها بس أهي هاليومين صايره ثقيلهمشعل بهمس : رشود ، رحت فيهابقت سحر تطالع راشد بعيون أنتقام ..لحد ما وصلوا إلى البيت ..سحر : مشكور أخويمشعل : العفو ..
.. إلا شخبار رجلج ؟سحر : الحمد لله الحين أحسن ..طلعت من السياره سحر .. ونزل وراها راشد ..وقبل ما ينزل ..مشعل : رشود كلم الأهل بالموضوع ..راشد : تامر حبيبي

أتمنى أشوف تفاعلكم مع القصه