سؤال لبنات كلية الآداب قسم علم الاجتماع

شوفي حبيبتي انا درست علم اجتماع في جامعة البحرين لاني بحرينية بقول لج عنه بس مادري اذا هو مثل الشي(مثل المواد) عندكم بالسعودية والا لا؟؟
علم الاجتماع تخصص حلوو وسهل وممتع,,ومن خلال دراستك راح تعرفين تفسير كل شي يصير في المجتمع وبتصير عندك نظرة ثانية للامور بناء على اللي عرفتيه من خلال الدراسة..وهو يتكلم ويتناول المجتمع بصورة عامه,,ومن المواد اللي تندرج تحت هالتخصص:
علم اجتماع الصحة
علم اجتماع التنظيم
الانثربولوجيا الاجتماعية(علم دراسة الانسان)
الايكولوجيا(علم دراسة البيئة)
الديمغرافيا والسكان
التراث الشعبي
الاثنزغرافيا
نظريات اجتماعية(الكلاسيكية والمعاصرة)
تاريخ الفكر الاجتماعي
وغيرها من المواد اللي تتناول جوانب مختلفة من المجتمع,,
بالنسبة لي علم الاجتماع تخصص حلوو وحتى لو ما استفدتي منه في مجال العمل(اقصد انج ما حصلتي وظيفة عقب),,راح تستفيدي منه في حياتج العامة وفي علاقاتج مع الناس والمجتمع من حولج,,اسفة على التطويل واتمنى اني وصلت لج ولو نبذه بسيطة عن هالتخصص,,
تحياتي,,

مشكورة ياعمري على ردك ........
عجبتني مره المواد اللي درستيها ... مرة حلوه ماشاء الله ...
انا اول كنت متردده ادخله وللا لأ لكن صراحه ردك شجعني اني اسجل فيه...
بس ماني عارفه اللي تدرسونه انتو نفس اللي عندنا وللا يختلف؟؟؟
على العموم مشكوره والله يعطيكي العافيه.
بنات بليز اللي تدرس في هالقسم أو تعرف احد يدرس فيه ترد عليه طيب!!!!
بانتظاركم حبيباتي....
تحياتي .........

حبيبتي اني متخرجة من علم اجتماع من جامعة اللملك سعود صعب جدا انصحش انك ماتدخليه وبعدين ماه وضايف الكثير جالس في البيت نصيحة لوجه الله دوري على التخصص الططلوب عشان لاتتحسفي