سؤال مهم ينفع كل متزوجه اهتمامك بنفسك في البيت دمج موضوعان معا

shwaqi

02-10-2022 - 01:14 am

مرحبا حبيباتي المتزوجات ...
شخباركن حبيباتي ... المهم ... عندي سؤال وأبغيكن تساعدوني وتستفيدن بنفس الوقت ...
ألحين طبعا كل وحده منا تحب تتعدل وتتكشخ لزوجها ... بس شو طريقتكن ... مع أنه في أوقات للصلاه ... واوقات للطبخ وغيرهالكثير ...
طبعا ما اتوقع أن كل وحده منا تتعدل خمس مرات بعد كل فرض ...
يالله يا شاطرات ... فيدونا واستفيدوا ..
أنتظر رأيكم بفارغ الصبر ...
با ااي

التعليقات (9)

(جمرة غضى)

02-10-2022 - 03:26 am

عادي حياتي بالنسبه لي
عند الفجر اصلي وأرجع اندفس على مخدتي وهاتك ياأحلام ههه
والظهر هو في الدوام أخلص كل أموري من صلاه وطباخ وتكشاخ وبعدها يجي من دوامه يتغدى وينخمد للمغرب وبعين ارتب نفسي مره ومرتين أحسه عادي حتى لو فيه صلاه كل شي تمام أذا قصدك على المكياج أنا ما أخليه اليوم كله على وجهي لا أول مايجي من دوامه صح شي وفي الليل مره احط خفيف ومره وسط ومرات ولا شي لان العين تمل وانا أختك 0
ماعليش حياتي طولت عليك ومشكوره والله يوفقك

~حورية البحر~

02-10-2022 - 04:27 am

مشكوره حبيبتي على الموضوع
شوفي حبيبتي الصراحه صعبه تكونين على طول في البيت متكشخه بس اهم شئ تكونين مرتبه وشكلك نعوم وحليوه
واكيد فيه ايام راح تكوني فاضيه وراح تتملحين وتتكشخين لابو الشباب

shwaqi

02-10-2022 - 05:28 am

أشكرك حبيبتي ... بس تقولين ينخمد وأنخمد ... تراها قويه وتدل على الكره ...
قولي ينام وأنام ... وايد أحلى ... ومدلولها الحب والسعاده ...
تشكرات على مرورك الحلو واللطيف

الغلاmln

02-10-2022 - 06:29 am

انا زوجي مريحني وفاكني من عوار القلب
مايحب المكياج ابدا
يقول اني في الطبيعه أحلى الحمد لله
عشان كذا ما احط الا شي بسيط اللي يورد الخدود ويخليني مفرفشه بس
اما اذا صرت بره متعوده ما اتزين الا إذا توضيت اولا وبعدين احط المكياج علشان اذا صادفني وقت صلاة اكون جاهزه ومتوضيه
ولا احتاج اني ازيل المكياج
واتمنى اني ماثقلت عليك يا الغاليه
دمتي بود

shwaqi

02-10-2022 - 07:30 am

~حورية البحر~
كلامك صحيح ...
تشكرات على المرور يا حلوة ...
تحياتي

shwaqi

02-10-2022 - 08:31 am

صحيح انه مريحنك .... بس هذا لزوم الكشخه في البيت
لو انه شي خفيف مثل ما تفضلتي ... والله يسعدكم ويهنيكم ...
تشكرات يا أمورة ...
تحياتي

شجون00

02-10-2022 - 09:32 am

اما انا عن نفسي الشغاله تسوي الطباخ الا ما ندر اسويله حق دوامه وعاد اقوم من الفجر اعين واطبخ ..وبعدها يمر على الساعه 9 ونص ياخذ ريوقه ..ونفس ما خبرتكم الطباخ على الشغاله على طول ..
طبعا الظهر اكون لازم متسبحه وحاطه مكياج خفيف ..وما احط المكياج الا بعد ما اتوضى
وان شاء الله لما اكون فيبيت بروحي مستقل عن اهله برتي امي عدل عدل
بس الله يفرجها واطلع في بيت

حوته3

02-10-2022 - 10:33 am

انا عني لما اصحى الظهر اجهز الغدا وبعدها اتروش واحط مكياج خفيف وبعد العصر ازيد عليه او يروح من لحاله ويبقى اثره كانه طبيعي ههه اذا ماخرجت طبعا

ام خوخه1

02-10-2022 - 11:34 am

انا عني لما اصحى الظهر اجهز الغدا وبعدها اتروش واحط مكياج خفيف كانه طبيعي
بالليل قبل النوم احط شي خفيف اذا ما كانت عندي مناسبه واحيانا كحل ومسكرا وقولس بس احس انه اريح واحلى وبعدين احس بشرتي حساسة ما تتحمل المكياج وايد

ليله بارده في الصيف الحار←
هل يتدخل زوجك في طريقة لبسك→