ساعدونى عساكم للجنه

ابدائي بغرفه النوم و المعيشه والمطبخ اهم شي

النجده وينكم

اهم شيئين ، صالة الجلوس والمطبخ
ولا تنسين ترتبين الاسره للنوم ،، وتكون الاماكن اللي حولها نظيفه
اما باقي الغرفة خليها لوقت ثاني ..
وبعدها كل يوم ابدي باللي تشوفيه شوية عشان تخلصين منه بسرعه
بالنسبة للملابس رتبيها على السرير والكنب وبعدين دخليها بالدواليب <<< عن تجربة
ولما يكون الدولاب فاضي احسن عشان تمسحينه وبعدها تكون الاغراض مرتبه بس اللي عليك تدخلينها
ونفس الشي بالنسبة للمناشف والشراشف ( اقصد الاغراض اللي داخل الدواليب ) رتبيها برا وبعدين دخليها
والمكان اللي بتشتغلين فيه ، رتبيه اول واذا خلصتي امسحي الارضيه او اكنسيها على حسب ارضيتك
بس للارضيه اذا كانت رخام ، انا اتبع هالطريقة اللي بقولها لكي
اكنسها بمكنسة كهرباء ، عشان اسرع من العادية اللي تنثر الغبار ، وبعدين امسحها بالمطهر والصابون
وحبيت اقولك اذا دخلتي البيت سمي بأسم الله ، واوقفي لحظة صمت والقي نظره على المكان
وشوفي وين الحوسة الكثيره ووين القليله ، وشنو المهم لاول الايام يكون نظيف وشنو اللي عادي يتأخر
ودورات المياة ( الله يكرمك ) اذا ماتقدرين تغسلينها عدل وبذمة اول ماتجين ،
انثري شوي مطهر وصابون على الارضيه والمراحيض والمغسلة وشوية ماي
واتركيها ، وارجعي لها بعد وقت شوي واشظفيها بالماي بس
وبعدين خصصي لها وقت تغسلينها عدل ..
بصراحه احس اني كتبت كثير ومادري كلامي يساعدك ويناسبك او لا ..
واي استشاره انا حاضره <<< كنت مثلك يوم من الايام وقدرت اتغلب على حوسة البيت..

*^* عذب الجوري *^*
الله يسعدك وينولك مناك رد وافي وشافى شكرآ جزيلآ اختى

اهم شي المطبخ

الله يعينك ياقلبى والله حاسه فيك انا كنت كذا وكنت بموت من البكى وخاضه لما شفت الضبع على السيرميك بس ابدي فى الاهم وماتطلعين من المكان او الغرفه الا انتى مخلصتها نهائيا عشان مايتشتت تفكيرك وابدي بغرف النوم والصاله والمطبخ واما الحمام غسلى واحد للاستخدام والباقي بعدين وطبعا نظفى المكان والغبره والترتيب واخر شئ الكنس والمسح وجهزي جنبك كيس كبير اوكرتون دخليه معاك فى كل غرفه لتخفيف الشئ الى ماتبقينه وخلى وقت خاص لترتيب الملابس وان شاء الله لماتدخلين المنتدي مره ثانيه تقولين لنا ان الشغل خف عليك