ساعدوني الله يوفقكم

يؤ يؤ يؤ ولا احد اهئ اهئ والله مو لاقية وبعد بكرة الحفلة

بسم الله نبدأ وانشاالله تفهمي فكرتي
الفكره اننا نحتاج قطعتين قماش متساويه والافضل يكون استرتش يعني يتمط ممكن تاخذيه من بلوزه قطنيه قديمه النوع الي يتمط علشان يسهل الشغل بس ما تقومي تشحطي القطعه على البنت او قماش عادي بس لازم تنتبهي للقياس تتخيط من ثلاثه جهات وجهه مفتوح يعني زي كيس المخده الساده ويكون على قد راس اختك فيكون شكلها زي طاقيه الطباخين--------------معليش اصبري علي
دحين اقلبي القطعه يعني خلي الخياطه من الداخل اطبقي الجهه المفتوحه للطاقيه كم طبقه يعني زي لمن تشمري اكمامك او البنطلون او زي بعض الطواقي الشتويه الين ما تكون الطاقيه قد راسها تمام وخيطيها من الجهتين عشان ما تنفك
حيبان لكي زاويتين بارزتين من فوق الراس يعني الجهه المخيطه العلويه اقلبي الطاقيه جهه المقلوب ولبسيها اختك الزاويه الاولى نحط لها دبابيس فيكون شكل الزاويه مثلث و قاعدته شكلها زي القوس جهه راس اختك يعني انتبهي وانتي تحطي الدبابيس ونفس الشي للزاويه الثانيه بعدين شيليها من راس اختك وخيطيها بعد ماخيطتيها اقلبيها على الوش وتاكدي من شكلها كده خلصنا من الطاقيه
التزيين ممكن يكون بورد منفرشه زي عباد الشمس او ازارير كبيره واشكالها غريبه نحطها على شكل دائري على الجهه المطبقه المشمره الي زي الحزام او على الطاقيه الجهه الدائريه من فوق والحزام ساده او ورود جانبيه وانا عندي فكره بس غريبه شوي انتي تعرفي الاطواك حقت الاطفال الي فيها عامودين زنبرك واخرها فراشتين الفكره انك تاخذي 4او8عواميد تثبتيها على الحزام من كل الجهات فيكون زي التاج الملكي انا احس ان اختك ممكن تساعدك في هذي المرحله اما في الخياطه هي تساعدك بالقياس
اتنمى اكون افدتك وتكوني فهمتي مني ويارب تفوز اختك

مرة شكرا اختي وان شاء الله تزبط الحركة
ان شاء الله تفوز
والجائزة مرة حلووة ان شاء الله تفوز

يارب تفوز اختك معليش اطلب منك اذا فازت بشرينا وقوليلنا كيف ساويتي

اليوم كان العرض وبكرة النتايج القبعه طلعت روعه ومرة طلعت حلوة

ان شاء الله تفوز

ياحلوه ورينا الصوره

يارب يارب تفوز

حمستينا............يارب تفوز
ويا ليت نشوف القبعه كيف صارت