ساعدوني بتنسيق غرفتي

بما ان الميزانيه عالقد..
اول شي بالنسبه لغرفتك اذا تبينها تشرق وتنور وتحسين بالنظافه...
*اذا انك من النوع اللي حاط كل اللي وراه ودونه يالغرفه وفوق التسريحه شيلي كل شي(اقصد اكسسوارت وورد وحاله مسويه فيهم ديكور ودباديب وهدايا عارضتهم)
شيلهم وحطي عالتسريحه بس العطور والباقي بالدروج الناس الكلاس كذا مايحطون الا العطور مو مكياج وبكلات تقولين مشغل
وحطي كم شمعه فقط لاغير
والدروج اللي حول السرير حطي بس الابجوره او شمعه واذا الساعه عندكم ضروريه فقط لا غير
والله صدقيني بتحسين براحه نفسيه وتحبين الغرفه لانها مرتبه زي الفنادق
الصاله
غيري بقطع الاثاث من هنا ومن هناك واللي كان بالمجلس ويناسب الصاله بدليه لو مؤقت واذا بغرفت النوم شي زايد طلعيه للصاله او المجلس وهكذا
المطبخ
*اذا زحمه خففي من الا شياء المعروضه
*اذا عندك مساحه استغليها للكوفي حطي السكر الاصابع والكوفي والملاعق البلاستك اللي للحرك وكذا يعني دلعي المكان خصوصا اذا عندك كاسات ملونه موشرط تشري شي مخصص لهالاشياء
واخيرا
كل فتره وفتره وطاح بيدك كم قرش اوطلعتي مكان خمسه ريال عشره مايضر تجيبين فيها اي شي يغير جوك ويضيف لبيتك
موشرط ميات ولا الاف
هذا اللي عندي وان شاءالله افدتك لو بالقليل
ادعيلي

م بقولك ع اقتراحات واختاري الي يناسبك
ممكن تغيرين بترتيب الغرفة او لو قدرتي تغيرين المفارش او تضيفين السجاد الي ع شكل دوائر تلقينها عند ايكيا او تضيفين اكسسوارات
ام اذا تذكرت افكار برد لك
تحياتي وودي

اختي نورت بقدومها شكرا بس والله قرفانه من غرفتي التسريحة عليها مفرش تابع لمفرش السرير وفواحتين وفازه فيها ورد مجفف والكوميدينه ماعليها إلا الابجوره بس حاسه انها مكتمه يمكن من اللون لان المفرش والستاره انا اخذتها طقم تدرجات الوردي الغامق والف شكر على الرد.
اختي حلاتي ندرتي جزاك الله خير على اقتراحاتك واشكر لك ردك .

حبييبتي اذا الفرش سكري خليه لان الفرش السكري يعطي فخامه اما اذا اللون غامق شيليه وخلي السيراميك وحطي مفرشه صغيرة دائرة او بيضاويه
تراني حاسه فيكي ههه
وليا شهرين او ثلاثه ما انام بغرفتي احس اني كارهتها مرة مرة ولا عاد اهتميت فيها امي دايم تهزئني بس مطنشه عشان ابغى انقل غرفه ثانيه ( بأخد غرفت جدتي الله يرحمها ) وبغير اثاث غرفتي ما ابغاه طفشت منه
انا غرفتي الجدار فوشي والسيراميك سكري و الدولاب والسريرين( انا واختي ) والكومدينه والشفنيرة كلها سكري
واللحاف عودي وكنت مدلعه الغرفه اخر دلع شموع وابجورات ومفارش وطاولة فرنسيه وتحف كيوت
بس خلاص كارهتها مرة
وعامله اضراب انام بغرفت الشغاله ههه بس خلاص ابويا قال بشتري لي اثاث جديد << مبسوطه (:
يلا ربي يعيني ويعينك

طيب حبيبتي غيري المفرش سرير وستاره يمكن لونه هو الي كاتمه الغرفه
خذي المفرش لون سكري او ابيض مثل الفنادق
الله يوفقك

هلا ياقلبى ممكن تحطين سيراميك فاتح درجات البيج اخذيه على شكل الخشب حلو
وحتى الارفف اخذيها درجات البيج عندك ايكيا مع انى افضل البنى بس راح يكتم الغرفه واذ لقيتى لون مقارب للاثاث اخذيه
ممكن تغيرين المفرش تحطين جديد وزاهى وتحطين قطعه سجاد صغيره او قطع دائريه موجوده فى ايكيا
وممكن تغيري توزيع اثاث غرفت النوم
وبعدحطى اكسسورت حلو تدخلين لون الاكسسورات تفاحى يزهى لون الغرفه
اتمنا افدتك

اشكر الجميع على الردود الحلوه
واشكر لكم مروركم واقتراحاتكم

الله يكون بعونك اختي .... انا اقترح انك تغيري تنسيق الغرفه
مثلا غيري مكان السرير الى جه ثانيه والتسريحه كمان......الخ
او انك تحولي الغرفه الى عالم رومانسي احمرxاحمر... انا جربتها طلعت مره حلوه المفرش احمر والستاير احمر فيها ورود بيج ....وغيرت الاباجورات الى شكل ثاني غير الي عندي....
اتمنى اني افدتك لو بالقليل وتقبلي مروره ........