ساعدوني بعد الله ارجوكم

السلام عليكم
صباح الخير
ورمضان كريم ولو انها متاخرة
حابة استشيركم اخواتي بمشكلتي او بالاصح بمشاكلي الكثيره مع زوجي
بختصار
انا موظفة ومتزوجة لي سنه ونصف
طبعا من بداية زواجنا وانا حاسة انه احنا اثنين اعزوبيه قاطين سوا
اغراضي انا بشتريها كامله من الاكل الى اخر شي لانه كنت باعمل بمكان وهو بمكان
ولما استقرينا سوا واخذت اجازة بدون راتب وجلس يعطيني مبلغ 400 شهريا رضيت وقلت كويس انا والله ماتهمني الفلوس قد مايهمني انه احس انه مسؤول عني وانه النفقه واجبة علية سوا كنت غنية او فقيره
واستمر هذا الميلغ كم شهر فقط وبعدين انقطع لما شاف انه في مبلغ محترم عندي ..
وصار هو الي يتسلف مني بس للامانه يردها مع انه اقله لا مابيننا يخص عليك بس يردها
والله بساعده حتى بمقاضي البيت وكفاية شايل يدة من طلباتي وحتى للبيت لو ابغى شي يقلي ماعندي الا اذا تبغي تجيبه انت وقله اصلا مابيننا فرق والفلوس تروح اهم شي سعادتنا
رغم كل هذا دائما يقلي انا مادية
وحاليا انا والله مفلسه وابغى اشتري لي اغراض وخصوصا اني عند اهلي وابغى انبسط وانزل سوق واقضي للعيد
والله يابنات مايفكر يقلي ناقصك شي محتاجة شي ابدا وانا عمري ماطلبته ريال واحد
ورغم كذا مادية وربي لو اشتهيت شي وخصوصا اني حامل اوصي اهلي وبصراحه انا شايله مصروف نفسي حتى مع اهلي الله يخليهم لي رغم انهم مايقصرون
الزبدة انا الحين بطلبة فلوس والله مو حبا بالاغراض عادي اقدر اصبر الى ان ينزل راتبي بعد شهر
لكن قهر هو لازم يتحمل مسؤليتي ولقيته مقضي لاغراض العيد ومفصل كم ثوب
وربي مو حسد بس قهرر وانا لو اطلبة ماعندي ههه
وكمان بطلبة علشان انا متاكده انه حيقلي ما عندي او ممكن يعطيني مبلغ بسيط لانه في كلا الحالتين ماراح اقبل وابغاها حجه علشان ابدا ناقشه واكلمة رغم اني سويتها بس مافي نتيجة ومقتنع انه مو مقصر معاي بشي
ثانيا احنا عملنا بمنطقة واهلنا بمنطقه واكيد انا ابغى انبسط مع اهلي تعرفوا اجازة وبعدها حنسافر
هو يبغاني معاه عند اهله ويبغاني بس زياره ومو كل يوم اروح لاهلي
على قولته يبغاني جنبه ومايقدر يبعد عني ههه
وطلبا لرضاه بعد رضا الله جلست وماناقشته وصرت اطبخ ومع اهله طول اليوم زي مايبغى يوم ورى يوم
وبصراحه كل يوم سوق وتمشيه ونصلي التراويح بس مليت مهما كان ما اخذ راحتي وكمان ياعالم ابغى اروح لاهلي مهما كان ابغى انبسط معاهم
وجا اليوم الي قلتله ترى الاجازة لنا كلنا انا كمان ابغى انبسط باهلي وكان يبغى يوديني السوق قلتله ما ابغى اروح وديني لاهلي
طبعا وداني بس زعلان ومكشر ويقلي مره مستعجله ولما تبغى اهلك ليش اتزوجتي و واصلا انا كنت عازمك بس انت دائما تخربي على نفسك قلتله ماتقصر المره الجاية انا اعزمك
حتى اليوم الي رحت فيه لانه اهلي مسوين فطور ولازم اساعدهم ومافي احد من المعارف ماجا الا هو تخيلوا ......
ومره اليوم والي بعده والي بعده ولا اتصل ولاسال قمت انا اتصلت وطمنت علية وقفلت ومره الحين كمان 3 ايام ولا فكر يسال او يقلي محتاجة شي رغم اني حامل
ماعلينا قمت اليوم ارسلتله رساله عباره عن دعا ... وللعلم دائما يسوي معاي كذا لما اكون عند اهلي وهو يكون موجود بس عند اهله وربي ولا كاني متزوجة ولا يفكر يسال عني او يسلم على اهلي وربي يحرجني حتى معاهم يسالوني فينه ليش ماجا كيفه وانا ما ادري عنه
وبصراحه انا مرات اطنشه مادام مايسال ما اسال يبغاني بس معاه واذا رحت لاهلي يغسل يده مني
قهر انا اسال واطمن عن اهله وزيارات وهو ابدا لا تقدير ولا احترام لا لي ولا لاهلي
على فكرة هو عصبي وكان يضبط نفسه والحين والله يسب ويشتم ويدف ههه الحمد لله كل هذا وانا حامل مع انه زمان كنت ارد عليه على الوحده الحين وربي اسكت ...
وترى هو رومانسي ويمدح كثير ويهتم فيني ويدلعني بس اسوي الاشياء الي يبغاها يعني مايكون لي اي رغبات ........ وهذه انانيه لانكم ماتتخيلوا يتحكم حتى بلبسي تلبسي هذا وماتكلمي بالجوال في الوقت انا موجود وهو اغلب وقته يكون موجود معاي بالله متى اتكلم ....
مليت منه ومن عدم احساسه بالمسؤليه ومو عارفه ايش اعمل معاه دلوني يا اهل الخير في شهر الخير ولكم مني جزيل الشكر والامتنان