ساعدوني بنات تكفون

حياكي الله اختي بيننا
ابدي باول شي الفستان والمشغل والزفه
بعدين سجلي بورقه وقلم جميع الاشياء من ملابس وعطور ومكياج والاشياء الباقيه عشان ماتنسون
بالنسبه لخلطات الجسم مااقدر افيدك بحكم الصدفيه
وبالتوفيق ان شاء الله

بالنسبه لعنايتها بنفسها لاازم تروح لاخصائيه
ما ينفع تستخدم شي من دون استشاره يمكن ياثر عليها
التجهيز ع حسب مهرها
قسمي كل شي و حطي لكل شي ميزانية
اكتبي في ورقه كل شي تحتاجه من الاف للياء و بالعدد
حتى الاشياء التافهة اكتبيها زي اغراض الصيدليه
مثلا 4 فساتين سهره
3 فساتين قصيرة
5 قمصان طويله ..الخ
و امشي عليه
كدا حترتاحي كتير لانو بعد فترة ممكن تنضغطي و تنسي
و الفرح اذا تحبي اختاري ثيم معين لليله ككل
و نسقي كل شي ع اساسها
من فستان للاكسسوار للكوشة للمسكة لستايل القاعه للضيافه و حتى االزفه خليها بنفس الثيم
و ربي يتمم لاختك على خير

أهلآ بك أختي...
الله يتمم لها ع خير وييسرأموركم يارب
بالنسبه للصدفيه الله يشفيهاويعافيهاماعندي خلفيه والله
لازم تستشيري أخصائيه هي اللي تقدر تفيدك..
بالنسبه للتجهيزات ع قولة أختي قلب خالد أستعيني بالورقه والقلم وسجلي كل شيئ
وأهم شيء حاولي تخلصي قبل الفرح بووقت عشان مايضيق عليك الوقت وتخبصي
خلي يوم خااص للفساتين ماتدوري غيرها
ويوم للشنط والجزم الله يكرمك ويوم للماكياج والعطور ويوم لقمصان النووم وهيك
وبرأيي أبدي بالفستان والحجوزات أول حاجه وخلصي منها وبعدوو روحي للسوق
والله يسهل لكم ويتمم فرحكم بخيرر

يا قلبي الله يشفي اختك و يعافيها يا رب و يتمم لها زواجها على خير و يسعدهم امين في الدارين
اختي الصدفية جيبي من الصيدلية دواء خاص فيها اسمه COOL TAR
يطلبوه من الصيدلية عندنا بالهبل علاج للصدفية ان شاء الله تستفيد عليه
لكن يفضل استشارة الطبيب بالاول و التاكد من استخدامه
لان يمكن مع حالتها يوصفلها الطبيب شي ثاني و احنا نبغاها تستفيد
الله يشفيها و يعافيها و جميع مرضى المسلمين يا رب
بالنسبة للشعر حمام زيت كل اسبوع للتنعيم
و البشرة مثل ما قلت لك وصفة من الطبيب
الاشياء الي بتجهزيها حبيبتي كثيرة لذلك يفضل تجيبي ورقة و قلم و تقسمي المهر بالتقريب يعني الي تحسي انه مناسب
مثلا 2000 ريال ملابس طلعة
2000 ريال لانجريه
1000 ريال اكسسوارات و هكذا
ايش بتجيبي جهاز .. امم شوفي
عندك اول شي ملابس النوم
تصير قمصان نوم طويلة مع ارواب او بدون
قمصان نوم قصيرة
شيفونات
بيبي دول
بجامات نوم ساتان و قطن و راجعلك تبغيها قصيرة او طويلة مليان السوق اشكال و الوان
و قميص اول ليلية ابيض او وردي او بيج طويل مع روبه
اوكي
الحين الاندر وير
جيبي اطقم يكون البرا مع الاندروير
او فرادي كل واحد لحاله
البرا فيه العادية و فيه الشفافة و فيه البوش اب و اختاري الالوان الاساسية منهم
و الاندروير فيه الساتان طقميها مع قمصان النوم و فيه القطنية حقت الاستعمال اليومي العادي
الملابس
قسمي ملابس للبيت
مثل التنورات القصيرة و الفساتين القصيرة الصيفية و الشورتات
بودي و بلايز بدون كم و نص كم
ملابس سبور تلبسها اي وقت مثلا اذا طلعت السوق اذا راحت اي مكان و ما تبغى تكشخ و تحت العباية كذا
من جينزات و بلايز قطنية طويلة الكم
ملابس الطلعة
جيبي اكم من فستان و طقم رسمي و طبقي معاها اكسسواراتها و شوزاتها و انتي بكرامة و الشناط
و عادي لا تكثري لانها بتشتري بعد الزواج ان شاء الله مع زوجها
العطورات جيبي عطرين مفضلين عندها واحد خفيف مال الصباح وواحد ثقيل مال السهرات
و مجموعتين يجي فيها الصابونة و شور جل و كذا تلقين في زهور الريف و نكتار و بودي شوب كثير اختاري الريحة الي تعجبها و تتناسب مع العطور
المكياج راجعلك من ارواج و كحل و شدو و كريم اساس و مناكير و كذا
طبعا مفرش السرير و المناشف لها و له من الجهاز
و ادوات الشعر سشوار و بكلات و شباصات كذا
و الشوزات و انتي بكرامة جيبي للبيت و للحمام و انتي بكرامة و للطلعة عادي و للطلعة حق سهرات بكعب
تقريبا كذا خلصتي كل شي
اذا تحبي تجيبي دراعات او تفصلي عبايات مخصوصة او دهن العود بخور هذه الاشياء
و اخر شي اغراض الصيدلية من كير فري و غسول و هذه الاشياء البنات ماشاء الله مفصلينها تلقينها هنا او في قسم استفسارات العروس
و الشنط و العلب الي بتحطين فيها الجهاز و تغلفيها
و بس اعتقد هذا كل شي اذا تذكرت اعلمك
الله يوفقهم يا رب

بالتوفيق لاختك
والبنات ماقصرو معاكي

شوفي ياعسل بالنسبة للصدفية تروح للدكتور يكشف عليها أفضلوبالنسبة لخلطات الجسم نصيحة مني تتفق أختك مع سودانية تعمل لها
جلسات دلكة لأن الخلطات خرطي تضيع الوقت ع الفاضي
وبالنسبة للجهاز ماقصروا الأخوات

مشاءالله البنات مقصرو مووفقين يارب

ربي يتمم عليها كل خير وسرور
والفستان خذي من سوق اليمامة بحي الكندرة وذا ميزانيتها ما تكفي تأخذ الفستان
من عمارة الزرقاء او سوق الجامعة بحي الجامعة وماشاء الله كله حلوين
واذا تبغي كوفيرة شغلها روعة شوفي رابط اللي في توقيعي واذا تبغي رقمها راسليني او اكتبي في الموضوع