أقطر عسل
14-11-2022 - 06:38 pm
السلام عليكم
بنات الله يجزاكم كل خير بسألكم في احد منكم يعرف شي عن صندوق نقدر نحفظ فيه الاسلاك ..
مثلاً أنا بغرفة المعيشه عندي التلفزيون في جهه والفيش حق الكهرب بجهه ثانيه ونوصل وبينهم توصيله طويله وهالتوصيله مشبوك عليها التلفزيون والمودم والرسيفر يعني حوسة اسلاك وعندي ولد الله يصلح قلبه عمره سنه مو مخلي شي كل شي ينبشه وكثير يحوس فيهم واخاف عليه من الكهرب ومااقدر كل وقتي اكون مقابلته لازم الهى غصب غير كذا شكها مره قبيح اذا طلعت الاسلاك والحوسه احنا حاطينها ورى مسند بس سوسو الله يصلحه يسحبها وتطلع واحسها خطر بعد لو تلتمس لاقدر الله بتشب فينا .......
المهم سمعت من وحده من صديقاتي انو في بستربوينت صندوق نحط جواته التوصيله ينظم لي الاسلاك ويحفظهم رحت له وماحصلته ورح زوجي لساكو وبرضو ماحصله فابي اعرف مين تعرفه او تعرف وين احصله ...
انا من الرياض ومره مره محتاجه له الله يجزاكم خير ويفرج لكم ياربي
او عند محل الادوات السباكه اخفاء الاسلاك بشي أبيض زي الماسورة
بس مربع و ممكن ينصبغ بلون البوية
او عن طريق رف و تخفي الاسلاك وراه
وفيه اشكال اخرى مثل
دعواتك ان الله يحقق امنيتي ويوفقني