ساعدوني في ترتيب بيتي

السلام عليكم ورحمه الله وبركاته
ممكن خواتي مساعدتكم انا راح انقل شقه جديده والشقه مكونه من خمس غرف بصاله الغرفتين اللي بجهه الرجال طبعا مجلس(كنب)ومقلط (مساند عربي ) يعني مفروغ من امرها وبالمناسبه ساكن معانا ولد اخو زوجي يعني المقلط تبعه
لكن حيرتي بالغرف الداخليه طبعا غرفه لي وغرفه لعيالي يبقى غرفه وصاله وش رايكم وين اخلي مكان المعيشه زوجي يقترح بالغرفه الثالثه والصاله للاستقبال نحط فيها انتريه حلو للحريم مع العلم ان المطبخ يطل على الصاله والحلو في ذا الاقتراح اننا نبعد عن الشغاله وهي داخله وطالعه من المطبخ لكن فيه عيب انه الانتريه اللي بالصاله راح يكون معرض للتلف من قبل العيال لانه راح يكون ممر
بس انا فكرتي اني اشتري طاوله طعام كامله بدواليبها واحطها بالصاله أضيف فيها بالعزايم والغرفه الثالثه احط فيها انتريه بالتلفزيون للمعيشه وللاستقبال بعد
وللمعلوميه انا ساكنه في مدينه بعيد عن اهلي واهل زوجي يعني مايجيني ضيوف كثير ومايكون عندي عزايم حريم ورجال سوا إلا في رمضان يعني في الايام العاديه ممكن استقبل الحريم في مجلس الرجال اكيد فهمتوني وياريت تساعدوني