ساعدوني لازم اليوم أخذ القرار

فراشات عطوني رايكم ........ وبليز كل وحده تدخل تعطيني رايها لان اليوم لازم اخذ القرار
أنا متزوجه وعندي طفلين واحد في التمهيدي والثاني عمره سنتين وحياتي الزوجيه مستقره وسعيده مع زوجي ....
جتني وظيفه مدرسه في احدى المدارس الاهليه داومت هذا الاسبوع ولدي في التمهيدي ادفعله 500 كل شهر وللدي الثاني في الحضانه وادفعله 500 والسواق 500 والراتب كله 2800
المشكله أن أنا عندي فراغ واحب العمل وعندي طاقه عاليه وقدرات ومليت من جلست البيت
بس حضانتي ولدي مهي كويسه مره ما يهتمون بالطفل وزحمه عندهم وإذا نزلت ولدي يجلس يبكي ويصارخ اطلع من عنده ودموعي في عيني بس بعد فتره يندمج مع الاطفال لا تقولون جيبي شغاله لان مستحيل اقتنع بجلوس الاطفال عند الشغاله في البيت وما فيه احد اتركهم هم والشغاله عنده
أمي كبيره في السن ووللدي في التمهيدي يطلع كل يوم 12 ونص وأنا 1 ونص يعني يجلس كل يوم ينتظر في غرفة الانتظار ساعه كامله
واكيد راح يكون فيه اهمال شوي للزوج لاني راح اكون مشغوله عنه شوي خصوصا ان ماعندي شغاله
فعطوني رايكم اكمل الوظيفه وإلا اتركها أنا في حيره من امري
مع العلم اني ماني محتاجه للمال والحاله الماديه كويسه وزوجي معطيني الحريه في العمل