الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
e72
15-09-2022 - 08:46 pm
السلام عليكم ورحمة الله وبركاته
كيفكم يا حبيباتي
أول شي : اللهم عوضني بزوج خير منه
سبحان الله يا أخوات
قصتي عجيبة
أنا ضعيفة جدا أمام أهلي
ما تتصورو كيف
إذا قالو شي قلت أبشرو وأمركم
وإذا رفضو حتى وإن كنت موافقه أرفض لرفضهم
أدور رضاهم
أنا ولله الحمد ماعلي قاصر
كل شي يلبى لي
بس رأي أهلي عندي فوق رأي الجميع
وفوق رغبتي من نفسي
كثير يتقدمو لي وكثير يخطبني
الوالد كان يرفض
ما كنت أزعل
بالعكس كنت أفرح
لاني ما وجدت الشخص المناسب الكفأ
مرة شفت منام
شفت أني لابسه عباتي
وأمي تعطيني عباية ثانية
وأنا مقتنعه أن عباتي اللي لابستها هي عباتي أنا
قامت تحاول تقنعني
أن العبايه اللي لابستها قديمة ومقطوعه
والعباية اللي طلعتها من الدولاب جديدة وحلوة
أخذت العباية على عدم رضى من نفسي
بس كنت برضي أمي
ولبسته وأنا متأكدة أنها ماهي عباتي
المهم رحت لامي قلت لها يا أمي شفت المنام كذا وكذا وكذا
قالت لي خير إن شالله
جلس ببالي المنام
ماغاب عن بالي أبدا
وفسرته وقالي المفسر أن العباية بالمنام معناها الزوج لانها ستر
وناس تجي تخطب وناس تتقدم
وأنا ما يكون لي راي
استخير بعد كل صلاة وأكثف دعاء واستخارة
وأسأل الله أن يلهمني الصواب في الاختيار
لانها هذي حياتي
في علم الغيب لا يعلمها إلا ربي
تقدم لي واحد
بأيام اختباراتي
وكنت كل ما جيت أفكر بالموضوع استخير
وما أعطي نفسي مجال للتفكير عشان اختباراتي
المهم
أهلي يسألون عنه
كل شي تمام
ماشالله
كامل
وثالث أيام أختباراتي اكتشفو أهلي فيه أمر >> الله يستر عالجميع
المهم
نجحت وبدأ المستوى اللي بعده
تقدم واحد لي
صحيح أنه من نفس المنطقه
بس مو من نفس العايلة
وما بينا فرق كبير بالعوايل
لاننا من منطقه وحدة ومكان واحد
وافقو أهلي
جا الرجال وتكلم مع أهلي
وأنا على استخارتي ودعائي
ولاني معطيه السالفة مجال
كنت أقول
هو زي غيره بيروح وبيجي واحد ثان
بس استخير
وبس أدعي
المهم
أبوي يسأل عنه
والرجال ماعاد سأل
قلت لامي
سبحان الله يمكن الاستخارة صرفته عنا
وربي ما يكتب إلا الصالح
قالت لي صحيح والله
جلسنا شهرين
وبعدها دق عالوالد
قال آسف أني قطعتكم
بس صار لي حادث واندمرت سيارتي تو شاريها بمبلغ وقدره
واتصل يعزمنا على زواج أخته نهاية شهر 5 الشهر الماضي
وقال أن شالله بس نخلص من زواج أختي بجيكم أنا وأهلي
طبعا أهلي مو موجودين بالرياض
خارج الرياض
وهو بلحاله بالرياض
وقال يبي يتزوج وحدة من بنات الرياض
عشان تكون قريبه من أهله
المهم انتهو من زواج أختهم
وجو شهر 6
جا هو وأهله من مكة
استقبلانهم
وعلى أنهم بس يشوفوني أهله
قالت أمه
بصراحة أنا أعجبتني البنت
وأنا مرة كبيرة بالسن
وبصراحة أبغى تصير الشوفه
والولد موجود
وأنا بصراحة بكرة بسافر
وجينا نشوف البنت وعجبتنا
وصعب تكون الشوفة وأنا مو موجودة
وأبوه وأخوانه وخواته مو وجودين
فحاولت الأم تقنع أمي
أمي قالت نسأل أبوها
قالت أكيد أن الرجال عندهم علم
لاني عطيت الولد رأيي أني موافقه
قالت طيب بكلم أبوها
كلمت أبوي
قال أبوي بستخير
المهم
استخار أبوي وأنا دعيت
قال أبوي
خلاص تصير الشوفه
شفته وشافني
ما وقع بنفسي شي تجاهه
أحس لحظتها عادي
بس كنت وأنا جالسة أقول رجل أجنبي وأكشف عليه
استنكرت الوضع جدا
الولد أعجب فيني
وقدمو
والحمد لله
أبوي من قبل سأل عنه
وصار يسأل بعد زيادة
حللنا
وأنا بس استخير
المهم
طلعت نتايج التحاليل
طلعت نتايجه بسرعه
وأنا تعطلت شوي
مرة يقولون ضايعه
ومرة ماتتوافق
ومرة فيني مدري أيش
رحنا مستشفى ثان
وطلعت النتايج ب 5 أيام
وتمت المطابقة والحمد لله
حددو الملكة
وتمت الأمور ولله الحمد على خير
جو أخوالي وعماتي
وجو أهله
والحمد لله
كان كل اللي حولي مبسوط
وأنا كنت أتصنع الفرح
مدري أحاول أحسس نفسي أني فرحانه
المهم
بعد كم يوم جا البيت وجبنا كيك واحتفلنا
وقطعنا الكيك مع بعض
وتصورنا
جاب لي هديه جوال
بعد أيام بدأ يرسل وأنا أرد
واتصل علي
وكانت أول مرة أكلمه
قام يناديني بغير أسمي
قلت في نفسي يا بنت الناس لسا ما تعود على أسمي
وعادها مرة ثانية بنفس المكالمة
قلت لها الدرجة أسمي صعب
قال لا لما جيت أضيف أسمك ببطاقة العايلة شفت أسمائكم وشفت أسم أختك
أسمائكم كله متشابهه
قلت خير
وسكت عن الموضوع
انقطع ما يكلمني فترة
وبعدها أتصل قال أبغى أجيك
قلت حياك
قال أبغى أجلس معك وحدنا ونقفل علينا الباب
طبعا أحنا عايلة جدا محافظة
حتى بنات خالتي اللي متزوجين أولاد خالتي ما كانو يجلسون مع بعض بلحالهم غير دقايق
مارديت عليه
قال ليه ما تردي ما تتكلمي
قلت له أنا ما أعرف شي عن ذا الموضوع طبعا أنا ما أبغى أقوله أهلي واحنا ماعندنا كذا
ولا أبغى أنا أرفض ياخذ موقف
قال أختي اللي تزوجت في فترة ملكتها كانت تجلس مع خطيبها وهي مملكة بالساعات وحدهم ومقفلين عليهم الباب
قلت مالي علم مادري
قال تخافين أبوك يرفض
قلت يمكن يرفض
قال طيب قولي لامك تقول لابوك
قلت لا ما أقدر أقول لامي استحي
بس إذا أنت تبي قول لابوي
قال يعني أقوله يا عم أبغى خصوصية أنا وبنتك أشوفها فشله
قلت ما أدري أنا بصراحة أستحي أقول لاهلي
وبعدها أنقطع شهر تقريبا أو 3 أسابيع
لا يرسل ولا يكلم وأنا كذلك
قلت يمكن أنه من العوايل اللي ما يكلمو فترة الملكة
وبعدين اتصل يقول عندي مهمة وبطلع لها
قلت وين واعتقدتها خارج الرياض
قال بالثمامة
قلت زين الحمد لله
يعني مو برا الرياض
قال لا
طبعا قلت له ليه ما تكلم
قال ماعندي رصيد
سكت ما رديت عليه
قلت ما تبغى تشوف صور الملكة
تراهي طلعت
قال إن شالله أجي قريب
قلت بنفسي يمكن عشان ما عنده سيارة مايبي يجي
وبعدها بفترة اتصل يبشرني أنه اشترى سيارة
فرحت مرة لانه كيف بنتزوج وهو ما معه سيارة
الحمد لله
جا عيد الأضحى
جتني رسايل تهاني وتباريك من الجميع واتصالات كمان من الجميع
وأنا أترقب جوالي
قلت برسل له
يمكن يرد باتصال
وارسلت ولا رد
ليلة العيد مرت قلت يمكن ما يبي يتصل يمكن بكرا بيجي ويصلحها لي مفاجأه
جا اليوم الثاني
قلت مو معقول إلى الآن ما اتصل ولا جا
وكل اللي حولي يسألوني
جاك أرسلك اتصل
وأنا أقول أيه وأنا كذابه
أمي دايم تبرر له تقول يمكن أنشغل مع الأمير
يمكن ماقدر يكلم من زحمة الشغل
يمكن ويمكن ويمكن
ولما أشوف أمي تقولي كذا أهدأ وما أتكلم
رابع أيام العيد اتصل
بصراحة كنت زعلانه بس شفت اسمه راح الزعل
ولا عاتبته ليه ما اتصلت علي و
بارك بالعيد
وقفل ولا خمس دقايق
وبعدها بفترة
صار يتصل كل يوم
وكل أسبوع يقول بجي
وقبل نهاية الاسبوع يعتذر مرة بالعمل مرة بعزومة وأعذار ما تنتهي
وبعدها بفترة صار يتصل كل مرة بس يطلع لي بشي
المرة الأولى قال
أنا دورت شقق كلها غالية
وش رايك ناخذ ملحق ببيت
قلت ملحق
قال أيه ملحق يادوب علا قدنا غرفتين وحمام ومطبخ
قلت لا
أبغى شقه
ماعليه تكون صغيرة
بس مو ملحق
قفل
اتصل بعد فترة
قام ناداني بغير اسمي
زعلت وتجادلت معه
قام يحلف ما يعرف أحد بذا الأسم
يقول ما بحياته إلا أنا
وإنه بس زلت لسان
قفلت وأنا زعلانه
وحاولت أقنع نفسي
قلت لامي
لاني عارفة أن أمي مو من الأمهات اللي بتحرضني عليه
أمي بتوجهني أن كان علي الحق فماراح ترضى
أمي ما تدخل بس توجه من بعيد
قالت أن تصرفي كان سليم وما غلطت وقالت لا تتصلي عليه خليه يتصل
اتصل بعد فترة
قال بصراحة أنا متضايق
قلت له ليه وش فيك
قال أهلي اشتروا لأخوي سيارة قيمتها تأجر لي شقه وتأثثها
ليه أهلي ما وقفو معي
ليه يشترون لأخوي ويخلوني
يعرفون أني بتزوج وكذا يسوون
أنا محتاج مساعدتهم
قلت له الحمد لله الله يبارك لأخوك بسيارته
ولا تهتم ربي ييسر الزواج والشقة والتأثيث
لا تزعل نفسك
وأكيد أن أهلك يحبوك وبيساعدونك
ماراح يخلوك
قالي ما أشوف أنها تيسرت
قلت لا ربي ييسرها من عنده
ربي ييسرها من حيث ما تحتسب
قفل وهو ما برد خاطره من كلامي
بعدها بفترة أتصل
قالي بصراحة أنا من خطبتك وأنا ماني مستعد ماديا
قلت كيف مانت مستعد ماديا
قال أنا لما قدمت
وكلمت أبوك
ما كنت مستعد
بس لما شفت أن أبوك رحب واستقبل
قلت الموضوع جد وخلينا نبت فيه
وأنا أشوف الآن الأمور ما هي متيسره
قلت كيف ماهي متيسره
قال : يعني ماعندي فلوس كفاية لزواج والبيت
يا زواج يابيت
قلت لا لازم زواج
ولازم بيت
وهذا اتفقنا من قبل
حددتم الزواج
وقلنا لكم نبي شقه كاملة
قال بنصلح زواج في استراحة ب1000 أو 2000 ونخلص
بدل ماندفع 30000ريال بزواج كله للناس احنا أولى بها في شقتنا
قلت لا مستحيل يصير زواج باستراحة
قال طيب الفلوس تروح خسارة عالناس ومجاملات كذابه
قلت لا ما عليه كل الناس يسوون كذا
بنسوي زواج صغير على قدنا بس مو باستراحة
وصار بيننا جدال كبير
وأنا أجيه بهدوء وبتريث
قام قال طيب ليه نسوي زواج والخساير ما بتنفعنا بشي
قلت طيب أنا عارفة أن فلوسك على قدك
وأن ما عندك الآن بس باقي على زواجنا 7 أشهر يمديك تجمع
شفت أن الجدال طال
قلت اسمع أنا رافضة أنه ما يكون فيه زواج لانها ماهي حلوة لا في حقي ولا حقك
قام سكت وقفل متضايق زيادة
وبعدها اتصل قال ان شالله أجيك قريب
وكل أسبوع انتظر وكل أهلي يبررون له أنه يستحي يجي
ومرة أصر على رأيه أنه بيجي انبسطت
قمت قلت لخواتي ما أتوقع أنه يجي بس خليني نشوف نهاية الأسبوع
جا نهاية الاسبوع
وارسل لي رسال أنا عندي مهمة
ما أقدر أجي
انقطع ويوم الأثنين ارسلت له صباح الخير و وكتبت طمني عليك
مارد علي
اتصلت عليه
جواله مغلق
يوم كامل جواله مغلق
اتصلت بعدها دق
تطمنت أنه بخير
بس دق لين قطع ولا رد علي
قمت ارسلت له قلقت عليك مرة بالله طمني عليك
يوم الأربعاء رد علي
آسف بس كنت مشغول مرة وما قدر أكلمك
بس إن شالله بأكلمك
اتصل مغرب الاربعاء وحلفت ما أرد
لاني زعلت
يومين طنشني
حتى رساله ما رد علي بها
حتى كولمي
و الساعة 11 الليل تقريبا
اتصل
وكنت نايمة
لاني كنت أذاكر طول اليوم وما نمت زين اليوم اللي قبله
قلت أيه نايمة
توقعته يقفل
قال طيب أبغى أقولك موضوع
قلت تفضل أسمعك
قالي أنتي بصراحة أنسانه طيبة
والواحد يرضى بكتبة الله
والنصيب
والواحد ما يعرف وين نصيبه
بصراحة
أنا ما أرتحت لك
قلت كيف يعني ما أرتحت لي
قال ما أرتحت لك وبس
قلت من أي ناحية ما أرتحت لي
قال كذا ما ارتحت لك
قلت وطيب ما أرتحت لي
وبعدين
قال أفهميها
قلت لا ما أبي أفهمها
أنت فهمني
قال تراهي مفهومة
قلت لا ماهي مفهمومه
أبيك تقولي وش معنى كلامك
قال بصراحة اللي بيننا انتهى
وكان يبي يتكلم
قلت اسمع دامت الأمور وصلت إلى هنا
فبأقولك
ما بيني وبينك أي كلام
تبغى تتكلم دق عالوالد
قمت عند أمي قلت لها
وربي خافت علي يا حبيبتي يا أمي
ووصل أبوي الخبر
وعشنا جو توتر
وأبوي مرة عصب
وتشنج وضع البيت
أخواني مرة تضايقو
اتصلت أمي على أمه
وكانت أمه تبكي
قالت وربي تصرف لا بشوري ولا بكلامي
أنه من راسه
وأنتم عايله والنعم فيكم
وتحلف أنها ما بتخطب له
ولا تدور له عروس
وتأكد الخبر عندنا وعند أهله
صدمة كبيرة
لاني ما صدر مني أي شي
وأشوف أني ما غلطت أبد
وجا من بكرا
اتصلنا عالشيخ
قال أن الطلاق وقع من كلمته
وأن مالي رجعه
لان المعقود عليها تبين من طلقه واحدة
والرجعة تكون بمهر جديد وعقد جديد
وأن المهر من حقي
وسبحان الله المصيبة تكون في البداية عظيمة وتصغر
واتصلت أمي على أمه قالت لها
بصراحة ولدكم مو برجال
لو أنه رجال كان اتصل على أبوها
اتصل الولد على أبوي
قال له أبغى ورقة بنتي تجيبها
طيب الآن الطلاق وقع
وانتهينا منه
بس أتسأل
ليه صلح كذا
وش ذنبي
أنا أشوف أني ما غلطت معه أبدا ولا غلطت بحقه
حطمني تماما حسبي الله عليه
حاسة من البداية أن له أهداف من زواجه
وحاسه أنه كان ناوي يطلق
بس وش أقول
غير حسبي الله ونعم الوكيل
الآن وش نقول للناس
نقول هو طلق بيقولون أكيد البنت فيها شي
نقول البنت طلبت الطلاق بيقولون أكيد البنت متمردة
ساعدوني يا خوات لو بدعوة
جزيتم خيرا
كيفكم يا حبيباتي
أول شي : اللهم عوضني بزوج خير منه
سبحان الله يا أخوات
قصتي عجيبة
أنا ضعيفة جدا أمام أهلي
ما تتصورو كيف
إذا قالو شي قلت أبشرو وأمركم
وإذا رفضو حتى وإن كنت موافقه أرفض لرفضهم
أدور رضاهم
أنا ولله الحمد ماعلي قاصر
كل شي يلبى لي
بس رأي أهلي عندي فوق رأي الجميع
وفوق رغبتي من نفسي
كثير يتقدمو لي وكثير يخطبني
الوالد كان يرفض
ما كنت أزعل
بالعكس كنت أفرح
لاني ما وجدت الشخص المناسب الكفأ
مرة شفت منام
شفت أني لابسه عباتي
وأمي تعطيني عباية ثانية
وأنا مقتنعه أن عباتي اللي لابستها هي عباتي أنا
قامت تحاول تقنعني
أن العبايه اللي لابستها قديمة ومقطوعه
والعباية اللي طلعتها من الدولاب جديدة وحلوة
أخذت العباية على عدم رضى من نفسي
بس كنت برضي أمي
ولبسته وأنا متأكدة أنها ماهي عباتي
المهم رحت لامي قلت لها يا أمي شفت المنام كذا وكذا وكذا
قالت لي خير إن شالله
جلس ببالي المنام
ماغاب عن بالي أبدا
وفسرته وقالي المفسر أن العباية بالمنام معناها الزوج لانها ستر
وناس تجي تخطب وناس تتقدم
وأنا ما يكون لي راي
استخير بعد كل صلاة وأكثف دعاء واستخارة
وأسأل الله أن يلهمني الصواب في الاختيار
لانها هذي حياتي
في علم الغيب لا يعلمها إلا ربي
تقدم لي واحد
بأيام اختباراتي
وكنت كل ما جيت أفكر بالموضوع استخير
وما أعطي نفسي مجال للتفكير عشان اختباراتي
المهم
أهلي يسألون عنه
كل شي تمام
ماشالله
كامل
وثالث أيام أختباراتي اكتشفو أهلي فيه أمر >> الله يستر عالجميع
المهم
نجحت وبدأ المستوى اللي بعده
تقدم واحد لي
صحيح أنه من نفس المنطقه
بس مو من نفس العايلة
وما بينا فرق كبير بالعوايل
لاننا من منطقه وحدة ومكان واحد
وافقو أهلي
جا الرجال وتكلم مع أهلي
وأنا على استخارتي ودعائي
ولاني معطيه السالفة مجال
كنت أقول
هو زي غيره بيروح وبيجي واحد ثان
بس استخير
وبس أدعي
المهم
أبوي يسأل عنه
والرجال ماعاد سأل
قلت لامي
سبحان الله يمكن الاستخارة صرفته عنا
وربي ما يكتب إلا الصالح
قالت لي صحيح والله
جلسنا شهرين
وبعدها دق عالوالد
قال آسف أني قطعتكم
بس صار لي حادث واندمرت سيارتي تو شاريها بمبلغ وقدره
واتصل يعزمنا على زواج أخته نهاية شهر 5 الشهر الماضي
وقال أن شالله بس نخلص من زواج أختي بجيكم أنا وأهلي
طبعا أهلي مو موجودين بالرياض
خارج الرياض
وهو بلحاله بالرياض
وقال يبي يتزوج وحدة من بنات الرياض
عشان تكون قريبه من أهله
المهم انتهو من زواج أختهم
وجو شهر 6
جا هو وأهله من مكة
استقبلانهم
وعلى أنهم بس يشوفوني أهله
قالت أمه
بصراحة أنا أعجبتني البنت
وأنا مرة كبيرة بالسن
وبصراحة أبغى تصير الشوفه
والولد موجود
وأنا بصراحة بكرة بسافر
وجينا نشوف البنت وعجبتنا
وصعب تكون الشوفة وأنا مو موجودة
وأبوه وأخوانه وخواته مو وجودين
فحاولت الأم تقنع أمي
أمي قالت نسأل أبوها
قالت أكيد أن الرجال عندهم علم
لاني عطيت الولد رأيي أني موافقه
قالت طيب بكلم أبوها
كلمت أبوي
قال أبوي بستخير
المهم
استخار أبوي وأنا دعيت
قال أبوي
خلاص تصير الشوفه
شفته وشافني
ما وقع بنفسي شي تجاهه
أحس لحظتها عادي
بس كنت وأنا جالسة أقول رجل أجنبي وأكشف عليه
استنكرت الوضع جدا
الولد أعجب فيني
وقدمو
والحمد لله
أبوي من قبل سأل عنه
وصار يسأل بعد زيادة
حللنا
وأنا بس استخير
المهم
طلعت نتايج التحاليل
طلعت نتايجه بسرعه
وأنا تعطلت شوي
مرة يقولون ضايعه
ومرة ماتتوافق
ومرة فيني مدري أيش
رحنا مستشفى ثان
وطلعت النتايج ب 5 أيام
وتمت المطابقة والحمد لله
حددو الملكة
وتمت الأمور ولله الحمد على خير
جو أخوالي وعماتي
وجو أهله
والحمد لله
كان كل اللي حولي مبسوط
وأنا كنت أتصنع الفرح
مدري أحاول أحسس نفسي أني فرحانه
المهم
بعد كم يوم جا البيت وجبنا كيك واحتفلنا
وقطعنا الكيك مع بعض
وتصورنا
جاب لي هديه جوال
بعد أيام بدأ يرسل وأنا أرد
واتصل علي
وكانت أول مرة أكلمه
قام يناديني بغير أسمي
قلت في نفسي يا بنت الناس لسا ما تعود على أسمي
وعادها مرة ثانية بنفس المكالمة
قلت لها الدرجة أسمي صعب
قال لا لما جيت أضيف أسمك ببطاقة العايلة شفت أسمائكم وشفت أسم أختك
أسمائكم كله متشابهه
قلت خير
وسكت عن الموضوع
انقطع ما يكلمني فترة
وبعدها أتصل قال أبغى أجيك
قلت حياك
قال أبغى أجلس معك وحدنا ونقفل علينا الباب
طبعا أحنا عايلة جدا محافظة
حتى بنات خالتي اللي متزوجين أولاد خالتي ما كانو يجلسون مع بعض بلحالهم غير دقايق
مارديت عليه
قال ليه ما تردي ما تتكلمي
قلت له أنا ما أعرف شي عن ذا الموضوع طبعا أنا ما أبغى أقوله أهلي واحنا ماعندنا كذا
ولا أبغى أنا أرفض ياخذ موقف
قال أختي اللي تزوجت في فترة ملكتها كانت تجلس مع خطيبها وهي مملكة بالساعات وحدهم ومقفلين عليهم الباب
قلت مالي علم مادري
قال تخافين أبوك يرفض
قلت يمكن يرفض
قال طيب قولي لامك تقول لابوك
قلت لا ما أقدر أقول لامي استحي
بس إذا أنت تبي قول لابوي
قال يعني أقوله يا عم أبغى خصوصية أنا وبنتك أشوفها فشله
قلت ما أدري أنا بصراحة أستحي أقول لاهلي
وبعدها أنقطع شهر تقريبا أو 3 أسابيع
لا يرسل ولا يكلم وأنا كذلك
قلت يمكن أنه من العوايل اللي ما يكلمو فترة الملكة
وبعدين اتصل يقول عندي مهمة وبطلع لها
قلت وين واعتقدتها خارج الرياض
قال بالثمامة
قلت زين الحمد لله
يعني مو برا الرياض
قال لا
طبعا قلت له ليه ما تكلم
قال ماعندي رصيد
سكت ما رديت عليه
قلت ما تبغى تشوف صور الملكة
تراهي طلعت
قال إن شالله أجي قريب
قلت بنفسي يمكن عشان ما عنده سيارة مايبي يجي
وبعدها بفترة اتصل يبشرني أنه اشترى سيارة
فرحت مرة لانه كيف بنتزوج وهو ما معه سيارة
الحمد لله
جا عيد الأضحى
جتني رسايل تهاني وتباريك من الجميع واتصالات كمان من الجميع
وأنا أترقب جوالي
قلت برسل له
يمكن يرد باتصال
وارسلت ولا رد
ليلة العيد مرت قلت يمكن ما يبي يتصل يمكن بكرا بيجي ويصلحها لي مفاجأه
جا اليوم الثاني
قلت مو معقول إلى الآن ما اتصل ولا جا
وكل اللي حولي يسألوني
جاك أرسلك اتصل
وأنا أقول أيه وأنا كذابه
أمي دايم تبرر له تقول يمكن أنشغل مع الأمير
يمكن ماقدر يكلم من زحمة الشغل
يمكن ويمكن ويمكن
ولما أشوف أمي تقولي كذا أهدأ وما أتكلم
رابع أيام العيد اتصل
بصراحة كنت زعلانه بس شفت اسمه راح الزعل
ولا عاتبته ليه ما اتصلت علي و
بارك بالعيد
وقفل ولا خمس دقايق
وبعدها بفترة
صار يتصل كل يوم
وكل أسبوع يقول بجي
وقبل نهاية الاسبوع يعتذر مرة بالعمل مرة بعزومة وأعذار ما تنتهي
وبعدها بفترة صار يتصل كل مرة بس يطلع لي بشي
المرة الأولى قال
أنا دورت شقق كلها غالية
وش رايك ناخذ ملحق ببيت
قلت ملحق
قال أيه ملحق يادوب علا قدنا غرفتين وحمام ومطبخ
قلت لا
أبغى شقه
ماعليه تكون صغيرة
بس مو ملحق
قفل
اتصل بعد فترة
قام ناداني بغير اسمي
زعلت وتجادلت معه
قام يحلف ما يعرف أحد بذا الأسم
يقول ما بحياته إلا أنا
وإنه بس زلت لسان
قفلت وأنا زعلانه
وحاولت أقنع نفسي
قلت لامي
لاني عارفة أن أمي مو من الأمهات اللي بتحرضني عليه
أمي بتوجهني أن كان علي الحق فماراح ترضى
أمي ما تدخل بس توجه من بعيد
قالت أن تصرفي كان سليم وما غلطت وقالت لا تتصلي عليه خليه يتصل
اتصل بعد فترة
قال بصراحة أنا متضايق
قلت له ليه وش فيك
قال أهلي اشتروا لأخوي سيارة قيمتها تأجر لي شقه وتأثثها
ليه أهلي ما وقفو معي
ليه يشترون لأخوي ويخلوني
يعرفون أني بتزوج وكذا يسوون
أنا محتاج مساعدتهم
قلت له الحمد لله الله يبارك لأخوك بسيارته
ولا تهتم ربي ييسر الزواج والشقة والتأثيث
لا تزعل نفسك
وأكيد أن أهلك يحبوك وبيساعدونك
ماراح يخلوك
قالي ما أشوف أنها تيسرت
قلت لا ربي ييسرها من عنده
ربي ييسرها من حيث ما تحتسب
قفل وهو ما برد خاطره من كلامي
بعدها بفترة أتصل
قالي بصراحة أنا من خطبتك وأنا ماني مستعد ماديا
قلت كيف مانت مستعد ماديا
قال أنا لما قدمت
وكلمت أبوك
ما كنت مستعد
بس لما شفت أن أبوك رحب واستقبل
قلت الموضوع جد وخلينا نبت فيه
وأنا أشوف الآن الأمور ما هي متيسره
قلت كيف ماهي متيسره
قال : يعني ماعندي فلوس كفاية لزواج والبيت
يا زواج يابيت
قلت لا لازم زواج
ولازم بيت
وهذا اتفقنا من قبل
حددتم الزواج
وقلنا لكم نبي شقه كاملة
قال بنصلح زواج في استراحة ب1000 أو 2000 ونخلص
بدل ماندفع 30000ريال بزواج كله للناس احنا أولى بها في شقتنا
قلت لا مستحيل يصير زواج باستراحة
قال طيب الفلوس تروح خسارة عالناس ومجاملات كذابه
قلت لا ما عليه كل الناس يسوون كذا
بنسوي زواج صغير على قدنا بس مو باستراحة
وصار بيننا جدال كبير
وأنا أجيه بهدوء وبتريث
قام قال طيب ليه نسوي زواج والخساير ما بتنفعنا بشي
قلت طيب أنا عارفة أن فلوسك على قدك
وأن ما عندك الآن بس باقي على زواجنا 7 أشهر يمديك تجمع
شفت أن الجدال طال
قلت اسمع أنا رافضة أنه ما يكون فيه زواج لانها ماهي حلوة لا في حقي ولا حقك
قام سكت وقفل متضايق زيادة
وبعدها اتصل قال ان شالله أجيك قريب
وكل أسبوع انتظر وكل أهلي يبررون له أنه يستحي يجي
ومرة أصر على رأيه أنه بيجي انبسطت
قمت قلت لخواتي ما أتوقع أنه يجي بس خليني نشوف نهاية الأسبوع
جا نهاية الاسبوع
وارسل لي رسال أنا عندي مهمة
ما أقدر أجي
انقطع ويوم الأثنين ارسلت له صباح الخير و وكتبت طمني عليك
مارد علي
اتصلت عليه
جواله مغلق
يوم كامل جواله مغلق
اتصلت بعدها دق
تطمنت أنه بخير
بس دق لين قطع ولا رد علي
قمت ارسلت له قلقت عليك مرة بالله طمني عليك
يوم الأربعاء رد علي
آسف بس كنت مشغول مرة وما قدر أكلمك
بس إن شالله بأكلمك
اتصل مغرب الاربعاء وحلفت ما أرد
لاني زعلت
يومين طنشني
حتى رساله ما رد علي بها
حتى كولمي
و الساعة 11 الليل تقريبا
اتصل
وكنت نايمة
لاني كنت أذاكر طول اليوم وما نمت زين اليوم اللي قبله
قلت أيه نايمة
توقعته يقفل
قال طيب أبغى أقولك موضوع
قلت تفضل أسمعك
قالي أنتي بصراحة أنسانه طيبة
والواحد يرضى بكتبة الله
والنصيب
والواحد ما يعرف وين نصيبه
بصراحة
أنا ما أرتحت لك
قلت كيف يعني ما أرتحت لي
قال ما أرتحت لك وبس
قلت من أي ناحية ما أرتحت لي
قال كذا ما ارتحت لك
قلت وطيب ما أرتحت لي
وبعدين
قال أفهميها
قلت لا ما أبي أفهمها
أنت فهمني
قال تراهي مفهومة
قلت لا ماهي مفهمومه
أبيك تقولي وش معنى كلامك
قال بصراحة اللي بيننا انتهى
وكان يبي يتكلم
قلت اسمع دامت الأمور وصلت إلى هنا
فبأقولك
ما بيني وبينك أي كلام
تبغى تتكلم دق عالوالد
قمت عند أمي قلت لها
وربي خافت علي يا حبيبتي يا أمي
ووصل أبوي الخبر
وعشنا جو توتر
وأبوي مرة عصب
وتشنج وضع البيت
أخواني مرة تضايقو
اتصلت أمي على أمه
وكانت أمه تبكي
قالت وربي تصرف لا بشوري ولا بكلامي
أنه من راسه
وأنتم عايله والنعم فيكم
وتحلف أنها ما بتخطب له
ولا تدور له عروس
وتأكد الخبر عندنا وعند أهله
صدمة كبيرة
لاني ما صدر مني أي شي
وأشوف أني ما غلطت أبد
وجا من بكرا
اتصلنا عالشيخ
قال أن الطلاق وقع من كلمته
وأن مالي رجعه
لان المعقود عليها تبين من طلقه واحدة
والرجعة تكون بمهر جديد وعقد جديد
وأن المهر من حقي
وسبحان الله المصيبة تكون في البداية عظيمة وتصغر
واتصلت أمي على أمه قالت لها
بصراحة ولدكم مو برجال
لو أنه رجال كان اتصل على أبوها
اتصل الولد على أبوي
قال له أبغى ورقة بنتي تجيبها
طيب الآن الطلاق وقع
وانتهينا منه
بس أتسأل
ليه صلح كذا
وش ذنبي
أنا أشوف أني ما غلطت معه أبدا ولا غلطت بحقه
حطمني تماما حسبي الله عليه
حاسة من البداية أن له أهداف من زواجه
وحاسه أنه كان ناوي يطلق
بس وش أقول
غير حسبي الله ونعم الوكيل
الآن وش نقول للناس
نقول هو طلق بيقولون أكيد البنت فيها شي
نقول البنت طلبت الطلاق بيقولون أكيد البنت متمردة
ساعدوني يا خوات لو بدعوة
جزيتم خيرا
التعليقات (9)
الحمد لله والشكر انها وصلت على كذا اول شئ اختي احمدي ربك انه ماتم بينكم زواج لانه تصرفاته مرة غريبه تفقيل الجوال والا يكلمك حتى بالمناسبات مو معقوله واللي اشد من كذا انه يناديك بغير اسمك والله هذي لحالها تطفش لكن انتي تفاءلي وان شاء الله ربي بيعوضك احسن منه واحسن من كذا انه ماتم بينكم زواج ودخله هنا صدق تكون المصيبه لكن انتي عليك بالدعاء اخر اليل انه الله يعوضك واحد ابرك منه ان شاء الله
هذا من البدايه مايصلح لك اللي اعرفه ان الخطيب بعد الملكه يموت في خطيبته ويكلمها ويزورها مو يطنش مثل ذهذا
الله يوفقك ويعوضك اللي احسن منه ويسعدك مع رجل صالح ويعوضك
لاتفكري ولاتشيلي هم قدر الله وماشاء فعل اكثري من الدعاء والاستغفار ولاحول ولاقوه الا بالله
وماتضيق الا لتفرج
الله يوفقك ويعوضك اللي احسن منه ويسعدك مع رجل صالح ويعوضك
لاتفكري ولاتشيلي هم قدر الله وماشاء فعل اكثري من الدعاء والاستغفار ولاحول ولاقوه الا بالله
وماتضيق الا لتفرج
حَبِيْبَتِي لاتَتَضَايَقِين
احْمِدِي رَبْك الْف مَرَّه انَّه تَم الْطَّلَاق قَبْل لَا تَدْخُلِيْن عَلَيْه
هَذَا مَو كَفُو زَوَاج وَلَا كَفُو لَك
عِيْشِي حَيَاتَك وَانْسِيْه..هُو الْخُسْرَان مَّو أَنْتِي
وَالْلَّه يُعَوَّضِك بِالْخَيْر يَارَب
احْمِدِي رَبْك الْف مَرَّه انَّه تَم الْطَّلَاق قَبْل لَا تَدْخُلِيْن عَلَيْه
هَذَا مَو كَفُو زَوَاج وَلَا كَفُو لَك
عِيْشِي حَيَاتَك وَانْسِيْه..هُو الْخُسْرَان مَّو أَنْتِي
وَالْلَّه يُعَوَّضِك بِالْخَيْر يَارَب
يارب يا واحد يا أحد يا فرد يا صمد يعوضك خير و يرزقك الزوج الصالح
لاحول ولا قوة الابالله الله يعوضك ويفرج لك يارب ويرزقك اهم شي رضي
اهلك والحمدلله انك لسي بكر عادي وسعي صدرك
بس كيف انتي مو عاجبتة ويبي يقفل عليكم لباب لوحدكم ومايخاف الله الله يستر علية مادري ايش نيتة
اهلك والحمدلله انك لسي بكر عادي وسعي صدرك
بس كيف انتي مو عاجبتة ويبي يقفل عليكم لباب لوحدكم ومايخاف الله الله يستر علية مادري ايش نيتة
لاتزعلي نفسك ولا تتضايقي اساسا هو من البدايه باين عليه انه مو مقتنع يعني يناديك باسم ثاني ولا يكلمك كثير وكل مرة يقول بيجي ويعتذر ......فلا تنقهري على شي بالعكس الحمد لله انه طلق وانتو عالبر اهون من ان يكون الطلاق بعد الزواج ....
الله يجبر كسرك وينسيك همك ويعوضك باللي يحبك ويصونك اتني وكل بنات المسلمين .......امين
الله يجبر كسرك وينسيك همك ويعوضك باللي يحبك ويصونك اتني وكل بنات المسلمين .......امين
الله يعوضك باللي يستاهلك ويعرف قدرك
خيره من الله وانتي ماتدرين وش الحكمه وتوك صغيره ماعليك من الناس وكلامهم الله بيعوضك خير
خيره من الله وانتي ماتدرين وش الحكمه وتوك صغيره ماعليك من الناس وكلامهم الله بيعوضك خير
أكثر من طريقه للزواج→
معلش حبيتبي لعله خير ان شاء الله
ما تزعلي وطنشي
يا رب يرزقك احسن منو
اللهم اجبر كسر خاطرها واسعد قلبها وارزقها من حيث لا تحتسب
اللهم ارزقها من حيث لا تحتسب
اللهم ارزقها من حيث لا تحتسب
ربي يسعدك ويوفقك ويحقق مبتغاكي يا الله
يا رب يعطيكي ابتسامة وفرحة لا تغيب
حبيتبي بس بدي منك تدعيلي بدعوتي اللي بتوقيعي وبقلب صادق وبظهر الغيب
يا رب يكون معك ويساعدك يا غالية