ساعدوني ما اعرف ارتب غرفي والله انا بحاجتكم

اول ماتقومين من النوم غسلي وتوضي وصلي
وبعدين على طول على الغرفة رتبيها غيري المفرش بخريها
روحي للمطبخ جهزي الغداء اذا خلصتي من الغداء غسلي المطبخ واكنسي الصاله وبخريها
وتزوشي واكشخي وبس
بس مدري هذا اللي فهمتة منك

ما يبغي لها شئ
اول ما تصحين توضي وصلي وبعدها جهزي الفطور وصحي المعزب
وصلى المفرش وافتحي الشبابيك علشان التهويه افطري واطلع للدوام
اذا رجعتى اغسلي مواعين الفطور وجهزي الغداء

شوفي ياعمري لازم تتعودين ع المسؤوليه
أنا وكثير غيرك كلنا كذا بداية الزواج ومع الوقت بتتعودين
وقتي المنبه قبل اذان الفجر وقومي صلي ركعتين وادعي فيها واستغفري لحد الاذان وصلي
وحطي فواحه بحمامك عشان لو صحي زوجك يشم ريحه حلوه بعد ماتنظفين الحمام (حطي بخاخ بالحمام ديتول وصابون وشوية كلوركس وكمفورت او اي ريحه تحبينها)
صحي زوجك برومانسيه وجهزي له منشفته ..وروحي للمطبخ جهزي فطورك غالبا خليها ساندوتشات بس ابدعي بالحشوات وعصير طازج ماتكلفك اواني ابدا وكلها غسليها قبل تطلعين او نقعيها
روحي لغرفتك رتبي المفرش وافتحي الشبابيك والبسي وتكشخي بس يجي زوجك من المسجد يفطر ووتتكلون على الله
جيتي من دوامك 3 العصر حمي الغداء وقطعي السلطه وطلعي جزمكم للشمس وغسلي وجهك ورجلينك والبسي فستان قصير او تنوره او جينز وتي شيرت وضبطي شعرك
حطي الغداء بعدها وسولفي مع زوجك وخليه يسولف لك وش صار معه اليوم
صلوا العصر جهزي عصيرات لاتنامين
ابداي غسلي الملابس واكويهم وسوي خلطات لك
بعد المغرب اكيد بينهد حيلك البسي قميص او بيجامة نوم سوي عشاء خفيف وجهزي غداكم لبكره
جهزي ثوب زوجك وجزماته وشراريبه وكل شيء يخص دوامه ونفس الشيء لك انتي وبعدها نامي
هالبرنامج لكل ايام الاسبوع ماعدا وقت اجازتك خليها فري اطلعي وروحي وتمشي وتسوقي
يمكن كلامي جدا دقيق بس حاسه بمعاناتك وكلمتك كأني أكلم اختي الصغيره ان شاء الله يناسبك

الاخت توفي كفت و وفت مشاءالله عليها
صحيح في البدايه ممكن تحسين بتعب و هلكه لانك ماتنامين العصر و عشان الشغل ورا بعض
بس بعد اسبوع او اسبوعين بتكونين تعودتي على هالروتين وبيكون بيتك مرتب لانه خلاص رتبتيه من البدايه وما عندك احد يخرب و يحوس

الله يجزاكم الجنه جميع
خصوصا الاخت توفي
الله يوفقك ويرزقك من حيث لاتحتسبين
والله ينفع بك ويسخر لك زوجك ويصلح اولادك يارب

رتبيها يوم الخميس والجمعه ايام انتي تكوني راايقه مرره لها وبالك طوويل
ويكون بيتك مرتب كلا علشان ماتحسين بالملل وانتي ترتبيها
او الله يسهل لك اموورك

شوفى اذ جيتى من الدوام وتغديتى وريحتى رتبى ابدئى بغرفه النوم امسحى الاثاث والشبابيك
نظفى الارضيه اكنسيها ومسحيها عندك
الممسحه الى بلسفنج تلاقينها بساكو رائعه
وامسحى الابواب
وغيري مفرش السرير
اما الغرفه الثانيه مثلا الترتيب
وبعدين البوفيه خليه دايم نظيف لاتجمعين المواعين نظفى اول فى اول
واخيرا الحمام نظفيه ابدئى بلمواد الصحيه الى الارضيه
وبعدين اسبحى ههه
موفقه

ياليت تحددين بالضبط اللي تعانين منه
هل هي فوضى بشكل عام .. اذا كذا البنات وفو وكفو
ولا هي حوسة الدواليب ,, او كوي ,, او ماتعرفين بالتنظيم ,,
بعدين شوفي نفسك انتي كسولة او ملولة او مالك في الشغل شخصي نفسك ومشكلتك وحددي الاشكالية وصدقين بتشوفين الحلول بنفسك وتعالي قولي لنا حتى نفيدك زيادة
والله يوفقك وييسهل أمرك ..

موفقه
اللهم صل على نبينا محمد