ساعدوني محتاجه مشورتكم

بنات بغيت اخذ رايكم بموضوع وان شاء الله تفيدوني انا ياطويلات العمر الصيفيه اللي فاتت تزوجو ثنتين من اخوات زوجي بنفس الوقت تزوجت وحده من اخواتي وواحد من اخواني >>> قصة حياتي معليش بس علشان اوضح السالفه لكم اكثر
المهم ان ماقدرت اهدي اخوات زوجي واعتذرت لهم اكثر من مره وهم والله قدرو وقالو احنا اخوات ومايحتاج ومن هذا الكلام وانا ماقدرت لان انتم عارفين تكاليف الزواج من فستان وكوفيره وغيره فما بالكم باربعة زواجات
الحين انا قبل شهرين اخذت هديه لاخت زوجي الكبيره ويعلم الله قد ايش كلفتني هذي الهديه وهي عباره عن طقم ذهب بالف ريال ومجموعات حمام من نكتار وقميص نوم فخم ومفرش سرير غالي وهي شكرتني وتقول والله احرجتيني ومن هذا الكلام حتى امها اتصلت وشكرتني وقالت انتم اخوات ومايحتاج تكلف بينكم نجي للمهم اللي ابغاكم تفيدوني فيه باقي اختها الثانيه وهذا الشهر مااقدر على الهديه ولا اللي بعده وعارفين الصيفيه وبعدين رمضان وبعدها العيد وبكذا انا طولت عليها بالهديه وانا كثير احبهم واعزهم وش تنصحوني فيه والمشكله مااقدر اخذ لها هديه اقل من اختها.. ولكم خالص شكري وتقديري