ساعدوني من الصراصير

ممكن شركه نظافه تجي وتعمل لك رش للبيت كله وسنه كامله اذا مو على طول ماتشوفينها

انا اول مرره جربت عجينه الصراصير وفادتني كثير بس الحين جربتها ثاني مره مالها فايده
ياليت البنات يفيدونا

انا ياقلبي جبت شركه بصراحه الله يجزاهم خيرر مره نفعت بس بصراحه انها مااختفت لا اشوفها بس مقلبه يعني متسدحه علي ميته واهم شي ماتمشي قبالي

عزيزتي اذا كنت من سكان الكويت او جده او اي منطقه تكون الرطوبه فيها عاليه فابتعدي عن فرش البيت وتاثيثه بالخشب لان ذلك هو السبب الرئيسي لتواجد الصراصير انا من سكان جده وكنت اسكن مع اهلي في منطقه قريبه من البحر نسبة الرطوبه عاليه وكان اثاث البيت معضمه من الخشب وكانت الصراصير كثيره في المنزل كانها تتغذى عليه بعدين امي سوت البيت كله سيراميك و خلت اثاث المطبخ المنيوم وقللت من دواليب الخشب خصوصا في الحمام والمطبخ الحمدلله اختفت وقل عددها تدريجيا .........

اب لعيونك

نفس مشكلتي بس الحين الحمدلله مختفيه عشان البرد بس خلي الصيف يجي وشوفي الكارثه صراصير حجم عائلي من الكبيره في البيت كله ماادري ايش الحل مع انه بيتي كله سيراميك

حطي جرره ورى الاثاث تحت الموكيت من الجوانب وكبيها في البلاعات بس انتبهي ترى ريحتها قوويه ولاتنسين تخففينها بالمويه قبل لاترشينها بالبيت و ان شاء الله معد تشوفينها الله يبعدها عنك وعنا يارب...

وحتى بالحمامات رشيها وسكري عليها فتره واذا تقدرين بعد ماترشينها اول يوم تطلعين وتنامين برى البيت افضل ان شاء الله اكون افدتك