ساعدوني من تجاربكم طلبت الطلاق ونادمه

انتي الحين عند اهلك؟؟

بالعكس الي سويتيه كويس لان باين عليه مايبغاك وفرصه جت منك طلب الطلاق واذا كان شاريك ماارح يطلق بس باين عليه فرحان بطلبك والله يعينك اختي

ايه عند اهلي كان عندنا شقه وكنسلناها لانه سافر يدرس وجاي اجازة وبيرجع وانا عند اهلي

الله يوفقك حبيبتي ويحنن زوجك ويرجعه لك وتستمر علاقتكم,,تدرين احنا عندنا مشكله يالحريم نزعل اذا مارد يعني احر ماعندنا ابرد ماعندهم وتقوم القيامه ,,يعني يمكن مارد ظروف عمله او مشاكل عائليه او اي شي واكبر دليل ان الخط مشغول ولا دق عليك بعدها او يوم دقيت كان عند مجموعة رجال بمجلس ولا قدر يطلع يكلمك ويسوي زحمة علشان يكلم ماراح اطول عليك بس اذا انتي عند اهلك ارجعي بيتك ترا مافيها شي لانك انتي ملكة بيتك وسوي قهوه وسحور ولا كان شي صار واذا فتح معك موضوع الطلاق والعان قولي انك كنتي متنرفزه من شي وانك مارديت علي وانك متاسفه وان كل البشر يخطئئئون وانك اغلى الغالين علي ولا يهون علي انك تزعل وانك مانمتي تفكرين وش الدنيا بدونه وطلعت ولا شي والحياة ماتستمر بدونك يالغالي اذا ماتقدرين تقولينها بالكلام ارسليها رسالة وصدقيني كل شي بيصير تمام
وبهمس لك همسة من اخت الا الان ارسلي له رسالة اعتذار وقولي له انك مشتاقه لضمته وريحته وانك بتفتحين صفحه جديده من الان

غرقانه بوهم
والله عن تجربه انا زوجي بداية زواجنا يشتغل بعيد ماشوفه الا يومين بالاسبوع او مره بالاسبوعين وفترة البعد هذي ماخلتنا ناخذ على بعض ولا نعرف شي عن قرارات الطلاق وكان مثل زوجك يطنش وازعل واقوله طلاق وطلاق ..بعد ماستقرينا وجاء عندي والله مانصبر على بعض ويموت فيني واذا زعلني يبي يبكي علشان يراضيني لاننا فهمنا بعض وانتم كذا لانك مو مع بعض تحسون ان كلكم متوترين وهو على باله انك مبسوطه عند اهلك اكثر من الجلسه معه,,اجل انتهزي الفرصة قبل يسافر دقي علي او ارسلي له الي قلت لك وقولي مايهون علي ترجع وانت زعلان علي

ياعمري حاولي تكلميه سواء انتي الي تبادري او هو الي يتصل
المهم انج تكلميه و تعتذرين له ونجلسو مع بعض وتقوليله شفيك متغير
و ان شاء الله تستمر علاقتكم و ترا الطلاق مب شي هين صدقيني
وربي لا يجيب زعل مابينكم

اتفاهمي معاه بصراحة وقوليله يا ابن الحلال ايش فيك علي اذا تبيني حسن اخلاقك
أما اذا منت طايقني فكل واحد يروح في حاله ...
لكن المفاهمة عن طريق الجوال والرسايل مهي حل
الله يهدي سركم يارب

الله يصلح بينكم ويهدي سركم يارب
استغفرك ربي واتوب اليك
لك ودي

استغفر الله العظيم واتوب اليه
الله يحنن قلب زووجك عليك يارب
وان كان فيه خير لك عساه يسسخره لك يارب...