ساعدوني واكسبو فيا أجر

1. واهلي كمان مرة علاقتهم باهل زوجي مرة ممتازة .


2. المهم هنا تبدأ معاناتي....


3. طبعا مرات اخوة سجلت كلامي في شريط ووصلتو لأهلو وزعلو مني مرة


4. ورجعت امريكا وانا الحمد لله اوضاعي كويسة

انا عايشة في امريكا حياتي الزوجية انا وزوجي الحمد لله احسن ما يكون من بداية زواجنا وانا اموري الحمد لله مرة كويسة اللي سار انو بدأت المشاكل بيني وبين زوجي من بعد اول اجازة رجعت فيها لبلدي وكنت في دا الوقت حامل في الشهر الرابع .
الوضع كان مرة كويس اهل زوجي فرحانين فيا عشان حملي وكان حملي مرة صعب بعد فترة لمن سرت كويسة سافرت انا وزوجي امريكا بس اهلي في دي المرة رجعو معايا عشان كانت ولادة مرات اخويا عدت الفترة كلها بخير
اول ما وصلت امريكا بعد اسبوعين تقريبا سارتلي مضاعفات في الحمل ونوموني في المستشفى والدكتور استغرب جدا من الوضع لأنو حالتي مفروض تبان من اول الحمل
اللي سار انو الحمد لله ربنا سهل وصمد حملي لأخر الشهر السابع وتمت اولادة والحمد لله وجاتني بنت زي القمر وسميتها على اسم ام زوجي لأن زوجي طلب مني والصرحة انا شفت انو ام زوجس يتعاملني زي بنتها واتحمست للفكرة .
بعد ما سار عمر بنتي شهر رجعت على بلدي طبعا انا اهلي كانو متواجدين معايا طول فترة تعبي في الحمل الى الولادة ولله الحمد .
رجعت وكنت احس انو اهل زوجي فرحانين مرة طبعا لمن وصلت كلمت امو زوجي كانت فرحانة مرة وطلبت من زوجي انو يروح لأمو عشان لا تحس بأي نوع من انواع الغيرة ودا فعلا اللي سار ز
نمت انا و بنتي مع اهلي وزوجي عند اهلو وفي ابوم الثاني جاتني زوجة اخ زوجي وكنت في هذا الوقت اعزها وما كنت اقول عنها اي كلمة وحشة والله على ما اقولة شهيد ووصلتي كلام غريب انو ام زوجي واخواتو ما بلغو بجو عندي وانهم حتى اذا جو راح تعطيني الهدية وتمشي وكلام كثير وحتى ما راح تشيل العباية وانا والله العظيم علاقتي بأهل زوجي اكثر من اهل

واهلي كمان مرة علاقتهم باهل زوجي مرة ممتازة .

طبعا حصل كلام بيني وبين مرات اخو زوجي وانا رديت على الكلام اللي قالتو لأنو فعلا سار الكلام اللي قالتو بالتفصيل طبعا رديت وانا كلي زعل وقلت اذا هما ما يبغو يجوني ما كان لازم ولا يكونو بوجهين ايش شغل اللغوصة والنجاسة اللي قاعدين يسوة.
بعد يومين رحت انا عند اهل زوجي عشان نتغدى عندهم وحسيت انهم ما يبغوني وكنت زعلانة بس مشيت من عندهم اتصلت عليا مرات اخوة وتقول اني انا حسدت بنت اختو اللي ولدت قبلي وجابت بنت كمان فما اعرف على اية راح احسدها.

المهم هنا تبدأ معاناتي....

طبعا مرات اخوة سجلت كلامي في شريط ووصلتو لأهلو وزعلو مني مرة

الشي الغريب انو انا كلمت مرات اخوة وسألتها انتي قلتيلهم الصدمة انها حلفتلي بالله العظيم انها ما قالتلهم شي وانو راح تتصل عليهم عشان تشوف ايش المشكلة وبعدها اتصلت عليا تقول انو معليش ما قدرت اقولهم شي عشان هما كانو في المطار بيودعو بنتهم ونفسياتهم تعبانة انا بس يوصلو البيت اكلمهم واردلك خبر تخيلو وبعدهل طبعا ر حس ولا خبر.
بعدها بيومين فقط الخدامة في البيت بتنظف غرفة استقبال الضيوف المخصصة للولادة تخيلو ايش لقت تحت سرير النفاس قطعة قماش ملفوفة طبعا حقت واتصلت على زوجي قال ايمكن تكون قطعة قماش عادية اصريت علية انو يشوفها
تخيلو طلعت سحر واول مرة في حباتي اشوف شي زي كدة واهلي كمان كنا مصدومين صدمة مرة قوية
طبعا زوجي قال لازم البيت يتنظف ونشوف قصدو تحت كل شي وتخبلو لمفاجأة انو لقينا عمل تاني تحت الكنبة المخصصة لأرضاع ظفلتي فيها
المهم طبعا اليوم اللي جات فية مرات اخوة اتجولت في بيتنا كلو وجابت معاها اولادها كلهم ودخلت غرفة نومي الشي الغريب انو ماما واختي قالولي انو هيا كانت قاعدة معايا وانا ارضع بنتي وانا والله العظيم والله الذي لا اله الا هو ماني فاكرة شي زي كدة مرة
زوجي اخد السحر وراح لشيخ طلع سحر تفريق طلاق تخيلو حسبي الله ونعم الوكيل
طبعا وفضلت انا واهل زوجي متقاطعين الين ما قررت اني اروحلهم واشوف والحمد لله اتحلت المشكلة بعد ما سمعت كلام زي السم من ام زوجي وكان كلام مرة جارح بس مشكلتي ما احي احد يزعل مني

ورجعت امريكا وانا الحمد لله اوضاعي كويسة

بس الخال اتنكس بيني وبين زوجي مرة الحكاية طويلة مرة في النهاية طلعت ام زوجي واخواتو كلهم فيهم سحر تيلو وحتى زوجي كمان
انا ماني عارة ايش اسوي وتخيلو انو انا كمان السحر اللي فيا كان من ايام ما كنت حامل وكنت راح اجهض كم مرة وتخيلو لمن الشيخ يقرى عليا ينظق على لساني انو والله راح اخليهم يكرهوها وراح تتطلق وكلام كتير وحالي في الدراسة الحمد لله كويس والله العظيم احيانا ما يكون ليا نفس اسوي اي شي
وام زوجي فجاة قاطعتني بدون اي سبب وانا مرة نفسيتي وحشة تخيلو بنتي اللي هيا على اسمها اخر مرة شافتها كان عمرها 9 شهور وبنتي دحين عمرها سنتين تخيلو بس يالله مو حرام
المهم كلمتها بالتلفون استسمحها على شي ماني عارفتو والله سمعتني كلام ملاة وحش مرة وقالتلي راح تستخير الله اذا حست انو تبغى تكلمني راح تتصل
والله العظيم حاسة نفسي مرة اتظلمت وانا والله العظيم اهلي بعاملو زوجي كأنو واحد مننا وزجي ولله الحمد كمان مع اهلي مرة مبسوط وانا مع زوجي كمان مبسوطة الحمد لله بعد العلاج بس ما عرف ايش اسوي مع اهلو ما اعرف كيف اتعامل معاهم مرة تعبانة وهما عندهم سهلة حكاية المقاطعة وانا ما اتربيت على كدة
ابغى منكم المشورة لأنني قررت اني خلاص امسحهم من حياتي لأنهم موجودين عشان يمرضوني ومعنى اني امسحهم يعني حتى اولادي ينسو يشوفوهم وما عرف ياريت تفيدوني ولو تعرفو احد ممكن يصلح او اي شي
وما عرف مين اللي ممكن يكون سوى السحر لينا لأنو بصراحة كلنا مبلين ما عادا مرات اخ زوجي وزوجها واولادها مو شي غريب ولا انا غلطانة ساعدوني