ساعدوني يا بنات الحجاز انا تايهة

الفرمبروك اختي
وان شاء الله الرابط ينفعك
http://www.alfrasha.com/showthread.php?t=128469

وكمان هذا
والله يوفقك ويسعدك في حياتك الزوجيه
http://www.alfrasha.com/showthread.p...0&page=3&pp=10

عزيزتي اول شي ابدئي بالملابس الداخلية وملابس البيت وبعدين المكياج والعطور والاخير ملابس الخرجات والاعراس والعزايم عشان لازم تكون على الموضه وجديدة وعلى فكرة انا سمعت ان الماركات الحين كلها مسوية تخفيضات
واذا تبين اي سؤال انا حضارة انا من جده

حبيبتي
اهم شي ملابس البيت
من ملابس داخلية
وتيشيرتات وبناطيل لك
وبعدها
طقمي لك عشر قطع للطلعات
وفصلي 3 فساتين سهررة
والله يووفقك ياررب

عزيزتي اول شي ابدئي بالملابس الداخلية وملابس البيت وبعدين المكياج والعطور والاخير ملابس الخرجات والاعراس والعزايم عشان لازم تكون على الموضه وجديدة
وانا اشاركها الرأي والف مبروك يا قمر ولا تشيلين هم شوفي انا كنت مثلك والحمد الله الحين تقريبا خلصت

البنات ماقصروا

الف مبروك اختي فيكي
انا ماني متزوجه بس كنت أشوف اختي وهي تجهز
بدأت بالملابس الداخليه تعرفي لأن مالها موضة ولا لها موسم
بس ما اشترتها كلها (يعني خلت شوية فلوس لقبل فرحها عشان تشتري شي جديد برضوا)
تعرفي الملابس الداخليه وخاصة قمصان النوم تطلع اوقات تكون اشكالها حلوه
زي نعومي مثلا احيانا تكون عنده اشياء روعه واحيانا ما يكون عنده شي حلو
بس دحين فيه عنده اشياء حلوه لو تلحقي قبل ما يغيرها
اما ملابس البيت برضوا اشتري من بدري
قبل فرحك بشهر اوشهرين تقريبا ابدأي في ملابس السهرة وملابس الخرجات(يعني العزايم)
عشان تضمني انك أخدتي شي حق نفس الموسم
وانتبهي لاتشتري وقت التخفيضات..اشتري اشياء جديده ودوبها نازله
اللي عليه تخفيض خليه حق البيت
والمكياج والعطور روحي لباريس غاليري وقوليهم انا عروسه وبدي اجهز
راح يساعدوكي فكل شي .. يعني تقدري تقولي في خلال اسبوع تكملي شنطة ماكياجك
ان شاء الله اكون افدتك لو بالشي القليل
تحياتو

يا حبيبتي أنا من جدة زيك بلعكس روحي التخفيظات واقتنصي الفرص ايش موظه وما موظة انتي عروس يعي يبغالك قبل بثلاثة اشهر تخيطي فستانين سهرة لأن الخياطات يدبلو الأسعار في المواسم وتقسمي جهازك من لانجري برمودات نعومة للبيت تنانير قصيرة للبيت اشياء مشخلعة لفترت المساء اذا حتسوي زيارات العصر تجيبي ملبس تيرات تنانير فخمة اذا المسا معزمة عشاء فساتين نعومة زي ثنا ئيات ونفس الكلم للأحذيه يعني حتلبسي حذاء كعب مروس للبحر لا طبعا لازم تجيبي احذيه لكل وقت عندك خطوات احذيته حلوة ومنوعه واحذري انا عارفه مهور اهل جده كم احذري تقضي كل قمصان لنوم من نومي حتخبص كل الميزانيه اشتري قميص النوم حق الدخله بس من هناك والباقي من محلات سوق البوادي بعدين اشتري العطورلت من مركز الكورنيش الدور الخامس يبيعو ماركات بسعر الجملة وكذالك المكياج وفصلي فستان الزفاف من العماره الزرقا ق جيبي موديل للمصمم الي تحبيه لبناني او اجنبي ووريع الخياط راح يعملك الفستان طبق اصل ب2000 ريال يابلا ش

اول شي الف مبروك والله يوفقك ويتمملك على خير
ثاني شي ياعسل احسبي كم مهرك ونزلي منه الاشياء الاساسية يعني مثلا حيكون الفستان من مهرك ولا على اهلك اخصمي الضروري زي الكوفيرا والمصورة وهذه الاشياء والصافي ابدأي قسميه
ملابس داخلية
قمصان وملابس نوم متنوعة ماتقل عن 20 الى 25 لبس يعني افضل شي ماتكرري لبس نوم خلال الشهر الاول
ملابس بيت متنوعة
ملابس خرجة مقسمة :1- لفساتين الخفيفة اللزوزة زي حقت زارا ومانجو و كارن ملن وزي كدا
2-بناطيل وبلايز بس شي فخم 3- تنانير وبلايز برضو شي ذوق مرة للعزايم الكبيرة 4- جلابية او اثنين للغمر او السوابع او رمضان والعيد
جزم وشنط مقسم ل سهرة وكل يوم واهتمي في الالوان الاساسية واللي بكعوب جيبيها ماركات علشان ماتتعبلك ظهرك ولو واطية عادي اي شي مو مشكلة زي ماقلنا اهتمي في الالوان الاساسية وبالنسبة للشنط انصحك بشنط اكسسورايز السهرة واللي لكل يوم
2 او 3 عبايات وحدة لكل يوم ووحدة للعزايم ووحدة للافراح والعزايم الكبيرة
ساعة او 2 الالوان اللي حتحتاجيها وانا افضل لو صاحباتك او اخواتك يبغو يجيبو هدايا قوليلهم يجيبولك ساعات حلوة انتي اختاريها او اختاري لونها وارتاحي من همها
لحاف وشراشف ومناشف
2 او 3 فساتين سهرة وخدي جاهز لانهم هم الي عمليين خصوصا لو ماعندك صبحة او نصة
مكياج من الكورنيش الدور الخامس بسعر الجملة
بس العطور اصحك تاخدي من الكورنيش انا حسيت انها مضروبة ومغشوشة وريحتها تروح بسرعة انصحك بوجوه
خذيلك كم مخلط وكم عودة
اشتري كريماتك وشامبوهاتك وفرشو ومعجون اسنانك ومشطك والاولويز والاولويز اليومي والامواس والحلاوة و,,,,, كل الاغراض هذه لفيها في سلة بشكل مرتب تنحط في حمام بيتك
م ايش كمان ياقمورة
طبعا عندك فستان السهرة عندك ديميتريوس في جدة مول روعة اختاري من النت او من عندهم من الكاتلوجات اي فستان يعجبك وانتي تطلبي طول الذيل وطول الطرحة ويجيبولك هو خلال شهرين او3 ولو ماعندك وقت خدي من عندهم اشياءهم سمبل مرة وتجن اوروبي مرتب
م
لاتنسي العدسات او نضارتك
لاتنسي تعملي كورس حمام مغربي في اي مكان و انصحك بنوارة
لابتسامة مشرقة لامانع من تنظيف اسنان تخليها زي اللولي
طبعا انصحك ماتكثري ذهب لانه حتجيكي كميات مهولة واللي مايعجبك استبدليه باللي يعجبك
لاتنسي السشوار والمكر والة براون
م
دوري في غرفتك وانتي حتفتكري اشياء انا مافتكرتها
انا انشالله ملكتي قريب ومن الان بافكر في كل شي
ادعيلي ربي يتمملي على خير
وبالتوفيق وان شاء الله اكون ساعدتك