ياسمين الفل
05-09-2022 - 04:06 am
بسم الله الرحمن الرحيم
السلام عليكم عرايس كيفكم
تكفون أحتاج مساعدتكم و خبرتكم
أبي أبدأ أجهز لزواجي خصوصا ملابس البيت
و محتارة حيل وش أشتري
كم تنورة
كم بنطلون طويل و كم قصير وكم شورت وش الالوان
و هل البناطيل في البيت جينز ولا قماش ولا قطنية أفضل سترش
و أنسق مع كل تنورة و بنطلون بلوزتها اللي تناسبها و لا أشتري مجموعة تيشيرتات ملونة و خلاص
و كم فستان للبيت و هل هو طويل ولا قصير وش النوعية
و ش أفضل لون لأرواب النوم وش نوعيتها ساتان
اشتري بجايم وكيف موديلاتها
مرة مو عارفة وش أسوي
و ما عندي خوات فلجأت لكم بعد الله
ياليت توضحون لي من خبرتكم بالتفصيل و لو تنزلوا صور لتنسيق اللبس كامل
أخاف أضيع المهر في أشياء ما أستفيد منها
الدبش ياقلبي ع حسب عاداتكم يعني في ناس عندهم بعد الفرح رح يكون عزايم كثير هنا ضروري تكثر ملابس عزايم
في ناس لا بعد الفرح عزايمهم قليل فرح تكثر ملابس البيت والخرجات العادية مع زوجها
ونصيحة لاتكثر ملابس لأنه احتمال جسمك يتغير بعد الزواج او يصير حمل فبعدين رح تشتري
شوفي ياعسل عشان ترتاحي وما تحسي انك ملخبطة جيبي شنطة سفر وهذه طريقتي ودبشي ياعسل
اذا مداك تشتري طقم شنط يكون حلو وبكل شنطة رح تقسمي اشيائك لو مثلا اشترتي طقم ب 4 شنط
الشنطة كبير : خليها لملابس البيت والخرجات العادية
ملابس البيت:
3فساتين منوعة بين قصير وشانيل << ما احب الطويل
3 فرهولات برضوا قصير وبرمودا
5 برمودات بين قطني وجينز يعني منوعة
10 بديهات لأني مرة احبها
6 تيشيرتات
6 شورتات
9 بيجامات "3 طويل-3 برمودا-3 شورت"
26 قميص نوم " 4 طويل - 14 قصير - 8 تنكري "
20 لانجري " 12 طقم - 8 مفرد"
ملابس الخرجات البسيطة والاستقبال:
6 بناطيل منوعة بين جينز وقطيفة وعادية
5 بلايز
10 بديهات
3 تي شيرت حلوة تنفع لخرجات مع زوجك
8 فساتين شانيلات
4 جليهات
4 تنورة بين قصيرة وشانيل
2 تنورة طويلة للضرورة
الشنطة الوسط:
ملابس خرجات رسمية وفساتين سهرة:
هذه طبعا للعزايم والخرجات اللي في الايام الاولى من الزواج وقتها الانظار عليك ولازم تكوني في قمة اناقتك
3 فساتين سهرة طويل
1 فستان سهرة قصير
3 فساتين شانيل
3 اطقم بنطلونات
3 اطقم تنانير قصيرة
2 فرهولات
طبعا هذه تشتريها ومع اكسسواراتها وشنط السهرة وجزمها وتحطيهم مع بعض
الشنطة الصغيرة:
حطي فيها اجهزة " استشوار - سيراميك - براون "
جزم - شنط - << طبعا لاتنسي الالوان الاساسية اسود وابيض وبني
شراريب - اخفاف - اطقم شراشف الصلاة وسجاداتها" لك وللضيوف"
3 عبايات" 1 سهرة - 2 عادية"
اكسسوارت - اطقم مناشف - 2 لحاف للسرير " 1 اول ليلة - 1 عادي"
عطور - خمريات للشعر - مسك القرشي - ادوات الصيدلية
شنطة المكياج او شنطة اكسسوارات
هذه انتي تحددي الشنطة الرابعة اذا بتاخذي للاكسسوارات او مكياج وتحطي فيها الباقي
هذا اللي سويته ياعسل وان شاء الله تستفيدي من طريقتي
ونصيحة في كل شي من ملابس السهرة الى قمصان النوم لازم تنوعي في الالوان والموديلات ونوعيات الاقمشة يعني لا تعتمدي ع لون معين
وخلي معاك دفتر صغير وقسميه الاشياء وكل ما اشتريتي شي اكتبيه في قسمه باللون عشان ما يتكرر لك اللون زي بعض الناس <<<<
في البداية اشتريت 4 قمصان نوم احمر و3 بلايز فوشي
ههه ما انتبهت لنفسي بس بعد كذا صرت اعرف لما انزل اش رح اخذ واش اللون اللي ناقصني والحمد لله انتهيت من قمصان النوم والبجايم وبكل الالون والخامات
ربنا يسهل امرك ويوفقك يارب