ساعدوني ياحلوين

قود لايف يمدحون فيها والله اعلم مدري عنها

شوفي ياقلبي عندك قاعة الكروان بحي السلامه نفس طلبك وقيمتها ب15 الف وكل شئ فيها وحده من زميلاتي سوت فرحها هناك لان كان معازيمهم قليل والقاعه حلوه بس مو قد الفخامه
وناس من قرايبنا حضرو في قاعة الدانه يقولو مو حلوه وصغير مره والافضل انك تروحي وتشوفي بنفسك

شوفي قلبي انا قبل شهر كانت ملكتي وتعبت وانا اسال واشوف
الدانه مره مو حلوة لانه كل شي عليك حتى المباشرات تدفعي قيمتهم
الكروان جدا سيئه حتى الموكيت حقهم محروق من الجمر و شكله وسخ مااعرف كان الحين غيروه
عندك رومانس مره فظيعه وكل شي عليهم الخدمه والبوفيه والضيافه والمسكه والتصوير وشكلها يجنن وسعرها بحدود ثلاث وعشرين الف ويمكن يزيد على حسب اختيرك للضيافه والبوفيه لكن عيبها الوحيد قسم الرجال مره سئ بمعني الكلمه
بالاخير استقرت على فندق رمادا قاعه العروسه جنان وتكفي بحدود 120 مدعوه وكل شي عليهم الكيكه والعصير والتصوير والضيافه والكوشه والمسكه والبوفيه واو بس انا اختار وهم يسون والله ارتحت مره وكلفتني بحدود واحد وعشرين الف بس بجد فخامه اذا تبي نصحيتي روحي سويها بفندق تراني كنت اول اقول فندق اسعارهم مره غاليه و لكن بعد ماشفت بالعكس وفوق هذا يرحونك من هم كل شي
فيه كمان قاعه الوسام حليوه ماعليها وفيه خدمات معينه الضيافه والكوشه والبوفيه فقط لكن مااعرف كم تكفي
كمان قاعه شهد حلوة بس عيبها بلكونه العروس شكلها يخوف الدرج مرتفع مره وكمان غرفه العروس مو قد كذه
قاعه الكريستال حلوة وتكفي معازيمك لكن غاليه وكل شي عليك من الي
كمان فيه بشارع صاري قاعه ليالي الشرق ثلاث قاعات جنب بعض الماسيه والذهبيه والفضيه وكل واحد لها سعر بعدد معازيمك ويعطوك البوفيه والضيافه مرره تجنن طعمها والكوشه
اذا تذكرت شي راح ارجع واذا تبي ارقام القاعات ارسيللي على الخاص والله يوفقك

..(( استغفر الله الذي لا اله الاهو الحي القيوم واتوب اليه ))..

حبيبتي( اشراقة الربيع )قاعة الكروان مافيها موكيت يوم حضرت فيها قبل شهر كانت سيراميك أكيد انها تغيرت مو نفسها يوم دخلتيها
وهذا موقع القاعه وشكلها
قاعة الكروان للأفراح

اب

بالتوفيق