ساعدوني يافراشات

دلوعه للابد

10-03-2022 - 08:43 pm

السلام عليكم هلا بكم اخواتي انا متزوجه وربي مارزقني بالعيال ولا اوظيفه بس بغيت تساعدوني باماكن اطلع فيها انا وزوجي في الرياض او الخرج ودي بالطلعه بس يقول مافيه اماكن تنفع والسوق مهب مكان نتمشي فيه والله مليت بالبيت ودي اطلع نهايه الاسبوع لان كل نهايه اسبوع بيروح لاهله وودي بالطلعه لاني اجلس كل الاسبوع بالبيت

التعليقات (9)

احـب حبيبي

10-03-2022 - 11:41 pm

يسعدني اكون اول من يرد عليك انا مو من الرياض بس حبيت ادعي لك ربي يعطيك الذريه الصالحه ويسخر لك زوجك اسفه عالازعاج خ
تقبلي مروري

مكرونة فوتتشيني

11-03-2022 - 12:42 am

هلا حبيبتي .........الحين على كبر الرياض ماتعرفين وين تروحين!!
عندك اماكن مره حلوة
عندك الكفيهات قد شعر راسك!!
عندك المطاعم قد شعر راسك!!
وفيه اماكن مثل الشاليهات مليانه بالرياض.....!!
وفيه منتزهات كثيرة ..<<<<<بصراحه ما رحت لها لاني ما احبها ابد لكني اسمع من اللي حوالي!!
وابد اذا ودك اسوي لك جدول ويك اند ...ابد ارسلي لي على الخاص ..وانا بالخدمه

دلوعه للابد

11-03-2022 - 01:43 am

مشكوره

ميزتي في طيبتي*

11-03-2022 - 02:44 am

والله انا ماني بالرياض بس اسمع عن الثمامه وعن المتننزهات يعني تقدرين تروحين هذا الاماكن اقل شي تطبخين ودي طبختك معك وناسه بس حبيت ارفع موضوعك اذا مانفتك

راجية الفردوس 1429

11-03-2022 - 03:45 am

عندك مطعم المزرعة - الضوء الخاافت
شاليهات قرية الثمامة-فانتزي لاند..منتزة سلام
ما شفتها بس صديقتي تمدحها لي..
دعو1تك بتسخير زوجي لي...

دلوعه للابد

11-03-2022 - 04:46 am

الله يجزاكم خير وين بنات الرياض وين تطلعون

فرآآآآآشة

11-03-2022 - 05:47 am

حبيبتي أن في الرياض .. و ما عندي الا بنوته .. و انا و زوجي دايما نخرج في آخر الأسبوع
إما انا اسوي قهوة و اجهز سلة التمشية .. و نروح السلام أو منتزة الوطن أو أي حديقة و نتقهوى و بعدها نتعشى في مطعم .. الاغلبية نزوح مطعم ماريز.. و نلعب البنوتة و نرجع البيت .. او اني ازور أحد او نروح نشوي في الثمامة و نشرب الشاي .. و هكذا

مرووووومه

11-03-2022 - 06:48 am

انا مو من الرياض بس جيت فتره
ممكن تروحي البرج الي في المملكه حلوا وتشوفي الرياض كلها وكمان تغير
وفيه منتزه المرسى فيه جلسات وملاهي....... والأسواق مولازم تشتروا ممكن تروحي تتمشي وتتعشوا في المطاعم وتلعبي بنتك وممكن كمان ايكيا وهوم بلازا ومحلات الأثاث برضه تمشيه وتغيير
والرياض كبيره ممكن لفلفه بالسياره وايس كريم وتشتري مجله وترجعوا البيت خ
وسلامتك

دلوعه للابد

11-03-2022 - 07:49 am

مشكوره اين المزيد

ممكن تتفضلي يافراشة←
انتبهو لحقوا بيسرقونهم منا→