ساعدوني

1. يعني جدا جدا جدا محترمة وهذي الحقيقة بدون مجاملة لنفسي والحمدلله


2. أهلي ماقصروا ...


3. من جد والله تعبت وطفشت خلاص

السلام عليكم ورحمة الله بركاته
كيفكم ياأخواتي؟؟
بصراحة محتاجة وقفتكم وفزعتكم معايا
وأنا متأكدة إنكم ماراح تقصروا
مني عارف من فين أبدأ بس حاسة نفسي في دوامة ومو عارفة أتصرف ولا قادرة أخرج من المتاهة اللي أنا فيها وهذي حكايتي لكم من توتة توتة بديت الحتوتة
أول شي باركولي انخطبت وصارت ملكتي
وهنا بداية متاهتي
حاسة إني ضايعة وعلى كتفي حمل كبير
وقدامي جدار ومو عارفة كيف أكسره
والأسوأ حاسة ان كل يوم الجدار بيتحول لجدارين واليوم اللي بعده يصيروا 3 وكل يوم أسوأ من اللي قبله والدوامة اللي أنا فيها بتكبر كل يوم
الحمدلله خطيبي مبين عليه طيب ان شاء الله الله يدوم عليه والله يستر وما يتغير بعد الزواج
بس هو يدرس آخر ترم له في الكلية في منطقة غير اللي أنا وأهله فيها
المشكلة أن أهله مرة باردين في كل شي
وهو مرة تعب منهم
تصدقوا انهم إلى ليلة الملكة وهم ماكلموا المملك
وفي مجموعة منهم رافضين إلى الآن زواجه بيي بسبب مجال عملي
لأني طالبة طب مع انه هو واخته شافوني في المستشفى وشافوا كيف كان حجابي مرة متسترة ومرة غير لافته للنظر وشافوا كيف مشيتي كانت سريعة وعيوني في الأرض

يعني جدا جدا جدا محترمة وهذي الحقيقة بدون مجاملة لنفسي والحمدلله

تخيلوا مر اكثر من اسبوع ونص على الملكة ومهري ماأرسلوه و أنا وأهلي مستحيين نطلبهم المهر المفروض هم يجيبوه من نفسهم مو نحن نطلبهم
مني عارفة كيف أتصرف معاه؟؟ ولا كيف أخليه يقاوم كلام أهله ورفضهم لي؟؟ ولا كيف أكسب حب واحترام أهله؟؟ حتى أخته اللي كانت صاحبتي وبيننا صداقة وكانت دايما تكلمني وترسلي قلبت علي وراحت تطلبه يسيبني ( هي أكبر منه ومو متزوجه ) مني عارفه ايش اسوي؟؟
حتى الشبكة أهله لا دقوا ولا سألوا متى راح نسويها.. وصار كل شي بيننا وبينه هو..
رغم ان أهلي يعاملوه أحسن معاملة تخيلوا ما اشترطوا مهر وقالوا نحن نشتري رجال وحتى المهر لمن هم جابوه نقصوا أهلي منه الربع وخلوا مهري اقل مهر بين بنات العائلة مراعاة له انه لسه يدرس ومايبغوا يكلفوا عليه بس أنا حاسه انو بيسوا هذا على ولا شي أهله ماهم راضيين يحسوا..

أهلي ماقصروا ...

ايش اسوي في مشكلتي حاسة اني في بئر عميق ومو لاقيه أحد يساعدني والكل ضدي..
وكمان في مشكلة أنو وقت الشبكة مو مناسب الطرفين وأنا تعبت الفترة اللي تناسبه أهلي مستحيل يوافقوا عليها لان اخوي عنده تقديم في الجامعة واخوي الثاني مايقدر يسافر ويجي عشان يحضرها ومافي استراحه ولا قاعة فاضية ليلة جمعه وأقاربي ما يقدروا كلهم يحضروا وحرام تندفع فلوس على الشبكة وما أحد يحضر والفترة اللي تناسبني هو مو موافق عليها رغم انه ممكن يضغط على نفسه وانا حأضغط على نفسي اضعاف ضغطه عشان نسويها بس رافض يتعب نفسه مرة قهري يقول مايمديه يجهز نفسه في شهر وهو عنده ايام الخميس فاضي فيها يعني 3 ايام متفرقه على 3 اسابيع والرابع ويسافر ويجي مااعتقد انها مشكلة او ضغط بالنسبة له هو الضغط عنده خلال الاسبوع من الجمعه الى السبت أنا اللي حأنضغط في كل شي مو هو.. ويبغاني ألغي موضوع الشبكة وهذا مستحيل أنا أول فرحة عماني وأول فرحة خيلاني وخالاتي كيف ألغيها؟؟

من جد والله تعبت وطفشت خلاص

والله حرام أنا لي أسبوعين بأحلم بالشبكة وأفكر فين أسويها وأحجز حجز مؤقت و أتأكد أن الوقت يناسب كل أهلي وأفكر بلون الفستان ؟؟وفين أخيطه؟؟ و أي كوفيرة أختار؟؟ والكوشة؟؟ و الكروت؟؟ والمطربة ؟؟أو منشدة؟؟ شريط الزفة؟؟ حتى قريباتي يحلموا معايا في كل ليلة ايش نسوي؟؟ حتى فساتينهم ايش الوانها؟؟ والموديل؟؟
وبكل بساطة وبرود أعصاب يقول يا أهلك يوافقوا على الوقت اللي أبغاه أو مو لازم شبكة إلغيها كفاية الفرح؟؟ والله اني بأكتب اللي صار وأنا أبكي من القهر هذي فرحتي الوحيدة في العمر وهذي اللي أقدر أسوي فيها كل اللي أبغاه بالطريقة اللي أبغاها ويلغيها..
الفرح ماراح يكون على كيفي ولا على مزاجي.. بكيف أهله ومزاجهم..
مرة مقهورة حاسة انه طعني في فرحتي وبدون مبالغة حاسة انه بيقتلها..
ساعدوني كيف أغير رأيه..؟؟؟؟؟؟؟؟؟
المشكلة رافض التقديم ورافض التأخير خايف يكون ربي ان شاء الله وفقه ولقي وظيفة وتكون خارج المدينة اللي أنا فيها ومايقدر ياخذ اجازة...
ساعدوني بليز مرة تعبت وحاسة اني مو قادرة افكر ولا في شي..
ماأبغى أبدأ حياتي معاه بمشاكل ولا أعقد الموضوع بس انا واهلي اللي حنتعب مو هو...
ساعدوني بليز
أختكم
التائهة بين دموعي