سافرت شغالتي ففاضت قريحتي

انتهت مدة اقامة شغالتي وسافرت واناعندي 3 اطفال الله يخليهم لي خالد 5 سنوات***اثير 7 سنوات####جود 3 سنوات وكلهم اشقياء بمعنى الكلمة ولما سافرت الشغاله وجلست معهم ومع شغل البيت والدوام فاضت قريحتي بها القصيده الفكاهيه وقولو رايكم بكل صراحه**************

• ياناس انا عقب الشغاله

طفشت وجتني حاله
جنني خالد بهباله
والبركه في هالبنتين
&&&&&&
اخذت البيت عرض وطول
واللي يشوفني يقول مسطول
اكلم روحي واقول
يارب شغلي يطلع زين
&&&&&&&&&&&&&&
اصعب شي غسل الملابس
وهذي اثير ام راس يابس
وابوها يضحك مستانس
ماساعدني ذاك الزين
&&&&&&&&&&&
وبصراحه ماينلام
علشاني ترك الدوام
ولعياله صاير رسام
يرسم بيديه الثنتين
&&&&&&&&&
لاجيت بنام الظهر
كني بسافر للقمر
ذي تبكي وهذا منقهر
ماذقت طعم النوم الزين
&&&&&&&&
كل شوي طالعه هوشه
من جود ام شوشه منكوشه
والارض صارت لي مفروشه
من العاب ابو ريالين
&&&&&&&&&
كلش كوم والمطبخ كوم
لاجيته زادت الهموم
واصرخ بالياء المضموم(يو)
واملح طبخي مرتين
&&&&&&&&&&
دورو لي اندنوسيه
لو راتبها الف وميه
شويه عليها الثمانميه
والا احسن اعطيها الفين
&&&&&&&&&&&&
حنا حريم سعوديات
ومخربينا الشغالات
مانعرف الا هات وهات
وياليتنا نحكي زين
&&&&&&&&&&
هذي الكلمه مش من عندي
لاترموني بسطل المندي
يقولها الرجال لو هندي
ويقولو ناقصاتن دين
&&&&&&&&&&&&
نقص الدين هذا معروف
وياما حرمه تسوى الوف
العبره مو بكبر كتوف
العبره بعقلن رزين
&&&&&&&&&&
طلعتوني عن موضوعي
هذا وانا ماخذت اسبوعي
فقد الشغاله يروعي
يارب تجعل حظي زين
&&&&&&&&&&&&
والا ودوني لجاوه
واركب معي هالقطاوه (عيالي)
والشاطر نعطيه حلاوه
والا يبشر له بكفين
&&&&&&&&&&&&
واذا نزلنا المطار
بلصق في هاك الجدار
واخلي عيوني رادار
وماتكلم لو حرفين
&&&&&&&&&&&
ولماتمر بنت الحلال
ومايكون فيها اي جمال
باغريها بانواع المال
وان عيت بااخذ سكين
&&&&&&&&
هذي بعض من معاناتي
تطلع مع كثرت كتاباتي
واللي ناقد على كلماتي
عنده بدل الجدر اثنين
&&&&&&&&&&&&&&&&&&&&&&&&&&&&&&&&&&&&&
وسلامتكم وروني تفاعلكم
والجديد احلا