سمنتي بعد الحمل والولاده محتاجة وقفتكم معي

غنوجة دودي

10-01-2022 - 05:48 am

اهلين بنات كيفكم انا جديده بهالقسم كنت بقسم الحمل والولاده
انا حابه انزل وزني وحابه اطبق نظام التخفيف
انا كان وزني 60 قبل الزواج تزوجت وزاد وزني من غير ما احس الى 69
بعد سنه ونص حملت وجبت احلى توتي الله يخليه لي ولابوه لسا والده من شهرين
بس تفاجات انه وزني وصل لل 83 وحابه انزله لل 60 ان شاء الله بس خايفه اني ما اقدر حابه انكم تشجعوني وراح اقولكم عن نظامي اليومي اذا قدرت باذن الله
واحاول اسوي رياضه بس ظهري يالمني بعد الولاده
وراح امشي على السير الكهربائي ياليت تشجعوني من جد جسمي طالع يخرع و
مترهل بعد الولاده الله يعيني يارب ويعين كل وحده حابه تنزل وزنها

التعليقات (9)

غنوجة دودي

10-01-2022 - 09:15 am

اليوم راح اقولكم يومي وقولوا لي رايكم فيه
11 / 12
افطرت حليب منزوع الدسم مع 3 قطع شابوره
واكلت قطعه تشيز كيك صح خبصت بس اشتهيتها مع القهوة مع 3 حبات تمر
الغداء خضار مع قطع فيليه دجاج مع ربع خبز بر وسلطة
العشاء فواكة وشربت شاهي اخضر
ايش رايكم بنات حلو ولا لا

..بقايا روح..

10-01-2022 - 10:16 am

عزيزتي طبيعي زيادة وزنك
بعد الولاده
واهم شي
ارادتك و ارادتك و ارادتك
لاتياسين بتوصلين
من تجربه
لكن في البدايه يمكن يكون
صعب
وهذا طبيعي
لكن طلما ارادتك وعزيمتك قويه
بتوصلين لهدفك
دعواتي لك

غنوجة دودي

10-01-2022 - 11:17 am

تسلمين اختي على الرد والمرور
انا عارفه انه طبيعي بس جسمي من النوع اللي ماينزل بسهوله واخاف اتعب ولا اقدر اكمل
بس ماقلتي لي رايك بيومي

هجير النور

10-01-2022 - 12:18 pm

اختي انا زيك ولدت قبل 8 اشهرر وبعد الولاده وزني صار 99
لكن جسمي مانزل الا بعد 6 شهور من الولاده انتي اذا مانزل وزنك الحين لا تضيقين لأنه بعدين بينزل
بقوه لاني سالت دكتور قالي بعض الحريم ماينزلون الا بعد 6 اشهور من الولاده وبعضهم عادي
انتي تقبلي كل شي لا تحطمين رااح تنزلين ان شاء الله
وعلى فكره مع رجيمك استخدمي اي خلطه مثل شاهي اخضر او خلطة الثوم او اي شي
علشان بسرعه ينزل وزنك
اانا الحين وزني تقريبا 92 بس طبعاء باقي لي وااجد لان وزني مو بسرعه ينزل
قلت لك تجربتي مع انهاا مو مره ناجحه بس يمكن تستفيدين منه

هجير النور

10-01-2022 - 01:19 pm

احس حلو رجيمك لان العشاء خفيف ويحرق
بس خلاص ماافيه حلا لين يوصل جسمك للي تبين
وربي اني اشتهيت اليوم شوكولاته واخذتها وربي اني جلست الحسهاا بنتي بس ببرد حرتي

غنوجة دودي

10-01-2022 - 02:20 pm

يسلموو قلبي على المرور
واكيد استفيد من كل تجاربكم
انا اشرب شاهي اخضر مع زنجبيل وكمون وان شاء الله ينفع
اكيد راح ياخذ وقت على ما ينزل بس مابي اعطي نفسي وجه اخاف يزيد اكثر بعد

غنوجة دودي

10-01-2022 - 03:21 pm

ههه
هجير حلوة حركة الشوكولاته
لا انا بعد بغيت اخربها بدونات اليوم بس تراجعت باللحظه الاخيره
يارب انك تعيني وان شاء الله ابعد عن الحلويات اموت فيها

حورية حربية

10-01-2022 - 04:22 pm

ياقلبي اول شي الف مبروك النونو وان شاء الله وزنك بينزل بنتي عمي زادت زيك تقريبا وتعقدت نفسيا بس نزلت طبيعي بعد6 شهور او اكثر شوي
بس ما مشت على رجيم مجرد تخفيف وزادت حركتها
موفقه ان شاء الله
نظامك اليوم لو مافي تشيز كيك بيكون كويس بس التشيز كيك اكيد سمنك
الله يكون بعونا وانا كمان بعد الحمل والولاده سمن وشوفيني من بكرا ببدأ رجيم او تخفيف بمعنى اصح لإني ارضع طبيعي ما اقدر استمر على رجيم بينشف حليبي وبظلم بنتي
الله يعيننا جميع ان شاء الله

..بقايا روح..

10-01-2022 - 05:23 pm

يومك حلو
لكن الحلى خليه مره بالاسبوع
او مرتين
في البدايه بعدها بتقدرين
وكل مااشتهيتي الحلى
تذكري هدفك وطموحك بوزنك
وفعلا انا بديت اخسر وزني بسهوله
بعد سته اشهر
لكن مو معناه تتركين نفسك
على هواها
خلي اكلك صحي وحاولي باليل ماتثقلين
والاهم والمهم
الريا ضه

الجلوكوفاج←
مفاجأاه جامده→