سويت حركه بالليل لزوجي عجبته أول ما قام الصبح تبين تعرفين شنو هالحركهتعالي

السلام عليكم ورحمة الله وبركاته....
اشلونكم بنات؟؟شأخباركم؟؟
فراشاتي أنا أحب أفاجيء زوجي كل فتره بحركه جديده..لانه يستانس حيل..ولانه من طبعي أحب المفاجات
في يوم..نام زوجي مبكر لان عنده دوام...وانا قعدت بروحي أطالع التلفزيون..فجأه جت ببالي فكره..سهله وبسيطه..
أخذت أحمر شفايف(لونه أحمر) ورحت الحمام كتبت على منظرة(مراية)الحمام:أحبك يا(اسم الدلع)وأموت فيك..أموه)..
ونسيت احمر الشفايف بالحمام..
ثاني يوم رحت أغسل وجهي..لقيته كاتب:أحبج يا أم عيالي(للحين ما جبنا عيال لكن هو يحب يناديني بهالاسم)
وطبعا شفت احمر الشفايف...لقيته مكسور...الاخ كسره من كثر ما هو مندمج ههه
ولقيته جا من الدوام مستانس حيل..قعد معاي شوي..وقالي بأروح مشوار..
راح ورد..قال لي:سكري عيونج...أنا أستغربت..لانه مو راعي مفاجات..المهم سكرت..وقعدت أحاول أشوف من تحت ايدي لكنه صدني..
بعدين..قال لي:افتحي عيونج...فتحت..لقيت صندوق هدايا حلو حيل..قال لي افتحيه..
فتحته..لقيت..داخله ورد مجفف..واسطوانتين من زجاج..وحده فيها حرفه ووحده حرفي..ومكتوب(i love you)
روعه..
تخيلوا..صار لنا سنتين ما فاجئني بشي..لانه يقول ما يعرف هالسوالف!!
وبعدها...جابلي هديه هي بسيطه..لكنها غاليه علي لانها من حبيبي وزوجي..
شفتو يا فراشات؟؟فاجأته بكتابه عالمنظره(بسيطه مو مكلفه) وهو فاجئني بهديه حلوه..
شفتو شنو فايدة الحركات؟؟
أنا حبيت أقولكم هالسالفه عشان أبين لكم ان الرجال ممكن يتغير لو أهتميتي فيه شوي...
اتمنى اني اكون افدتكم