شاركي أيتها المعلمة بموقف محرج حدث لك أمام الطالبات

1. والحمد لله في النهاية جبت جيد جدا في التقدير النهائي ...........

السلام عليكم ورحمة الله وبركاته
اتمنى من الفراشات الغاليات المعلمات منهن المشاركة وكتابة المواقف المحرجة التي حدثت لهن أمام طالبتهن ....وحتى لوماكنتي معلمة ادخلي وشاركينا بموقف سمعتي عنه والاحدث لوحدة تعرفينها...
بابتدي بموقف حدث لي.............طبعا ماني معلمة حاليا ...لكن أيام التربيه العملي في الكلية .......دعواتكم لي اصبح معلمة مستقبلا....
المهم الموقف حدث لي وأنا رابع كلية مع بنات الثانوية....كانت المادة تدبير وفيها طبخ.....همبرجر.....والحصة الثالثة والرابعة....والادهى من ذلك كانت المشرفة والموجهه ومعلمتين من المدرسة حاضرين .....وكانت حصة تقييم نهائي....وكنت من زمان اعد لها .......وزحمة وتعب وسهر ووسائل وديكورات الله لايوريكم.....كاشخة على مستوى ...
المهم بدأت الحصة وأختكم تبي تجهز استقبال كشخة للموجهات .....جهزت بخور وعود وبخرت المطبخ...اش صار ...........طلعت وحدة من البنات عندها ربو ...ومن المشرفات........يعني من أولها فشلة. ..صار المطبخ كله ....كح وكحيح.......قامت طلعت المشرفة برا تتهوى وطلعت البنت.........وشوي ورجعوا....مرت الحمد لله.........
نجي للثانية........المطبخ سيرميك فاخر ....وموية الغسيل طفحت من البالوعة ....أكرمكم الله........وأختكم الفراشة المتفشلة ....لابسةجزمة كعبها عالي جدا وكاشخة على مستوى .:..عاد وش صار .....كملوا الباقي ..........
طخ على الارض قدام البنات ...........ربي ستر مافيه كسور ولااصابات.....والاهم من ذلك ماشافوني المشرفات والموجهه......بس البنات ....يعني نص احراج.........بعدها زميلاتي يقولون لي ...أنت في وقت من الحصة اختفيتي وين رحتي ماشفناك.........قلت لهم ههه طحت على الارض والبنات ساعدوني عشان أوقف........
طبعا وقتها من الاحراج جبت عباس على دباس.....جبت كلام ماهو من الدرس وشرحت من وسائل ماهي مكتوبة ....وجهزت وسائل مااستخدمتها.....ولاكتبت الملخص السبوري ولا التطبيق ولا الواجب......
لا وبعد ازيدكم من الشعر بيت ....مسويه ديكور مطعم وشموع وطاولات .....الله لايوريكم البنات تنازعوا من يشغل الشموع.........ومضاربة على الكبريت...لا والطاولةقدام الموجهه بالضبط.......
وقتها حسيت الارض مابتسعني وتمنيتها انشقت وبلعتني من الاحراج.....كملت الشرح والوجه أحمر ....والمعلومات أي كلام ...نهاية الحصة صرت انتظر متى تخلص ....خلاص صرت بايعتها زي.......... ماتجي تجي ..........

والحمد لله في النهاية جبت جيد جدا في التقدير النهائي ...........

والموقف الثاني ان لي أيام التطبيق بالمتوسط.........حصة تدبير عند أولى متوسط ....درس بسكويت الكمون.......الطالبات كان عددهم 32 طالبة والمطبخ كبير.........وأختكم الفراشة ناعمة وصوتها يادوب حرف الصفير يطلع........زميلاتي بأخر الفصل يقولون ....مانسمعك .....بس نشوف فمك يتحرك لكن مافيه صوت.......
المهم شرحت الدرس وسوينا البسكوت ......ومن سوء حظي كان هالفصل أشقى وأكسل فصل بالمدرسة ......وفيه بنت ضربت إحدى المعلمات من قبل .....والله دخلت وأنا خايفة .....وكنت أخلاق مع البنت اللي ضربت المعلمة ..وبس اعطيها ابتسامات. ....كله الا الضرب ....ياروح مابعدك روح.........
لحد الان الحمد الامور تمام.........لكن وقت تقديم الطبق للمشرفة وكانت وحدة الله؟؟؟..........تعاملنا على أننا معلمات لنا عشرين سنة بالتجربة .....أبدا ماتعترف بالخطأ.....لازم تكونين مية بالمية ......والا أنت فاشلة.....
المهم لما قدمت لها البسكويت وكانت اضاءة المطبخ ضعيفة .....ومع التوتر مالاحظت ....طلع بالبسكويت شعرة..... عطتني نظرة من فوق لتحت وقالت اش هذا.....وقتها حمر الوجه وصفر:...طلعت كل الالوان.....قلت لها هذا شغل البنات .....أنا شغلي غير ....شوفيه نظيف.....قالت وانت اش دورك ....على ايش معلمة......خلاص أنتي أصلا تقييمك ناقصة كثير ....وطلعت من المطبخ طبعا يصحب ذلك الكثير من النظرات والعلامات التشجيعية ........طبعا العكس صحيح.....مع العلم أنها أول وقفة لي كمعلمة..........وكانت تقييم على طول ......مع ان نظام الكلية التقييم فيه بعد ثلاث مرات........... حسبي الله ونعم الوكيل.....
يالله يافراشات انتظر مواقفكم المحرجة أو المحزنة في الحقل التعليمي.........