شاكة في زوجي وبنات خالتي وش اسوي معاه

1. بصراحة مقهورة حيل..


2. مو عارفة شسوي لدرجة اني قمت كله افتش في جواله واشوف اذا في ارقامهم..

السلام عليكم
يافراشات تعبت من التفكير ..زوجي يحبني ومدللني احسن دلال بس بقولكم عن بعض تصرفاته وانتوا احكموا..
دائما يسأل عن بنات خالتي شلون اشكالهم هل هم حلوين او لا..
ودائما يقولي اختهم الصغيرة جميلة..
وفي نفس الوقت يسبهم ويغلط عليهم (طبعا بسبب سوالف اهم مسوينها في مراهقتهم ووصل له الخبر)
واذا جينا نروح مكان يقولي اخذيهم معاج يسلونج..مثل اليوم قلنا بنروح الدمام نقضي بعض الاغراض للبيبي الجاي قالي قولي لبنات خالتجيروحون ويانا..قهرني حيل..
قلت له اهم نايمين العصر قالي معليه اذا عرفوا ان في طلعة بيقعدون..
طبعا بتقولون ليش بنات خالتج بالذات..؟؟بقولكم لأن علاقتي معاهم قوية حيل..وكنت من قبل دائما اتكلم عنهم يمه..
طبعا اهم بصراحة جريئين يعني اذا اركبوا معانا يسلمون عليه ويقولون له شلونك ومادري شنو..
وهو دائما يسولف ويمزح وهم يتضحكون يمه بصوت عالي..

بصراحة مقهورة حيل..

مو عارفة شسوي لدرجة اني قمت كله افتش في جواله واشوف اذا في ارقامهم..

طبعا اهو يدري اني اشك فيه وفيهم..والدليل اني دائما اعارضه اذا قال ناخذهم معانا..والبارحة قالي لاتفكرين في يوم من الايام بخونج والا بتزوج عليج انتي مو ناقصة شي كل شي فيج عاجبني وبنات خالتج مافيهم جمال والدليل انهم للحين ماتزوجوا..
ومرة من المرات راحوا معانا الدمام وعرف ابوه وجا كلمني قالي انتبهي لزوجج لاتاخذين احد من اهلج وياكم ترى هالايام الرجال مالهم امان..ولو حسيتي بشي قوليلي وانا اعرف شلون اتصرف..
دلوني علموني وش اسوي وياه؟؟
شلون اتصرف معاه..؟؟
يعني احيانا احس انه يشوف كل البنات قرود ودائما يعايب عليهم حتى اذا رحنا تمشينا في مجمع والا شي يجلس يتطنز على البنات ولبسهم واشكالهم..
وبسبب تصرفاته والا أسئلته يراودني الشك واحس اني بنفجر..
طبعا من بقارتي رحت قلت لبنات خالتي اذا بيروحون ويانا وهم ماصدقوا خبر قالوا اكيد بنروح..
قولوا لي شسوي؟؟
اخليهم يروحون ويانا واخلي الامر طبيعي والا اقوله انهم مايبون يروحون وانتهت السالفة..؟؟
دلوني ارجوكم..
بجد ماعدت اثق في احد كلش..
حتى زوجي ماقمت اثق فيه خايفة عليه خايفة احد يخطفه مني..