شبكة2006

عاشقةالجنة

12-08-2022 - 06:34 pm

اهلين صبايا كيفكم ان شاء الله تمام
هذي اول مشاركه لي في المنتدى بس همتكم ردو علي لاتفشلوني خلوني اتفاءل
واشارك دوم
انا بصراحه شبكتي بعد اسبوعين من الان ؟؟؟
وانا محتاره؟باشياء كثيرةماادري ايش اسوي
منها؟؟
انا اكبر خواتي وراح البس فستان ناعم مره وفيه شك بسيط
بس المشكلة خواتي ايش راح يلبسون؟؟؟ هل يلبسون تيورات عاديه او فساتين؟؟
وفيه سؤال كمان هل اوزع هدايا؟؟وش نوع الهدايا هل اكتب شعر وشوكولاته؟؟والا مالها داعي ؟؟ابي افكاركم يابنات تكفون
وانا راح احطها با استراحه ماهو بيتنا؟؟ وانا ماادري هل اطلع لهم واقعدشوي واروح للبيت؟؟اوايش اسوي؟؟؟؟؟؟؟؟؟؟؟؟
وهم راح يتعشون لاني حاطه بوفيه ؟؟؟؟؟؟يعني ماراح يتقهون ويطلعون وخلاص
والله انا محتاره واحس اني ضايعة وقولولي عن اخرحركات الشبكات واناماعندي احد اساله الا انتم يابنات الله يسلمكم فلاتبخلوا علي بافكاركم الرائعة وجزى الله اللي بتردعلي جنة الفردوس الاعلى

التعليقات (5)

&&اخت ميمي&&

12-08-2022 - 09:29 pm

اهلين اختي الغاليه انا من راي ان خواتك يلبسون فساتين ناعمه احلى ..والهدايا فيه افكار كثيره يعني ممكن تسوين تذكارات اذا بغوا يطلعون وتكون فخمه واشياء بسيط وهم قاعدين مثل ورد طبيعي فيه عباره اواي فكره والتذكارات ممكن تسوينها عند باتشي فيه عنده حركات حلوه والا عند الحريم اللي يسوون ببيوتهم انا اعرف لك وحده تسوي تذكارات روعه...وانا مره حضرت شبكه العروس دخلت سلمت شوي بعدين طلعت وبعد العشاء شغلوا مسجل يرقصون ودخلت العروس مره ثانيه وقعدت لما راحو اهل المعرس...وممكن تحطين طاوله حلوة وتحطين عليها دفتر للذكريات...
لسفه على الاطاله وان شاء الله اكون قدرت اخدمك واي استفسار انا بالخدمه ....وبالتوفيق يارب

amtorky

12-08-2022 - 10:30 pm

الف مبروك على الشبكه وعقبال الزواج ثانيا انا بقولك على اللي احنا تعودنا عليه اولا اخواتك لازم يلبسون فستاين وكمان فخمه وانتي تلبسين فستان فخم ويكون لونه وردي مثلا وانتي على كيفك والهدايا تكون تذكاريات على شكل ومبخره مثلا او ورده طبيعي وعليها كلام حلو ام بالنسبه لخروجك المفروض ماتخرجين الا على زف او اغنيه بس يكون فيه اختلاف عن زفة الزواج ان شاء الله فهمتي قصدي وتجلسين شوي وبعدين ترجعين لغرفتك طبعا احنا انجيب مطربه وانا شفت ناس كانو جا يبين دجي وان شاء الله يكون افدتك

عاشقةالجنة

12-08-2022 - 11:31 pm

]تسلمين حبيبتي &&اخت ميمي &&الله يسعدك اعجبتني فكرةالدفترذكرتيني بها الله يذكرك بالشهادة
ورحت لباتشي وشفت عندهم الهدايا بس والله مااعجبتني ؟؟؟
وانا ابي شئ غريب مايعرفونه؟؟
وابسالك عن اللي تزين التذكارات وينها ؟؟وارسلي رقمها ع الخاص اذا تكرمتي ...
وفيه سؤال كمان((الله يعينك علي))يعني انا اطلع بعد البوفيه واللا بعد مايتقهون ؟؟
واذاطلعت وين اروح اقعد بالغرفة لوحدي لان خواتي والوالدة بيكونون عند الناس؟؟وطبعا هم بيخذون راحتهم بيتمشون بالاستراحه وبصراحه كيف بيكون شكلي؟؟
ايش رايك يكون اخوي برا واطلع لهم واروح معه للبيت؟؟؟؟؟؟
والشريط اشغله اول مااطلع وايش احط فيه قصائداو اغاني
ردي علي الله يجعل لكي من كل امرا فرجا ومن كل ضيقا مخرجا
الله يبارك بحياتك اختي amtorkyويعطيكي العافيةابسالك عن الزفه اخليها تشتغل الين اسلم عليهم وبعدين اوقفها؟؟؟؟؟؟؟؟
ومشكورة على الافكار اللي كلها ذوق

&&اخت ميمي&&

13-08-2022 - 12:32 am

اهلين اختي اسفه على التاخير ..اولا تطلعين تسلمين وهم يتقهون بعدين تطلعين مره ثانيه بعد البوفيه واذا بتطلعين مع اخوك براحتك بس حرام شكلك يعني ماتحللين اللبسه والمكياج وبعدين ليش يتمشون بالستراحه انا مااتوقع يسونها واذا قعدتي بالغرفه قفلي الباب بالمفتاح عادي ..والشريط اختي اتوقع تحطين اول شي زغاريد بعدين قصيده احس احلى ..هذا رايي وانتي براحتك يالغاليه وبالتوفيق يارب..والمره اللي تسوي سالته وتقول بطلت اسوي اسفه ياعمري

اسلوب المرأه

13-08-2022 - 01:33 am

ليه تطلعين حرام وحده خاشه عرض

خاص لنساء←
فساتين زفاف روعه→