شبكتي في جدة اوركيد خلاصة تجربتي للافادة شامل من الى لعيوونكم

كييفكم بنووتات واحلى فراشات ؟؟
ان شاء الله تكونوا تمام وبأحسن حال
الحمد لله سويت شبكتي اللي قعدت استعد لها من كم شهر
والتعب راح
بس حبيت اني افيدكم بخلاصة تجربتي لكل البنات المحتارين وبيجهزوا ويستعدوا
ياريت ياينات كلكم تقولوا ماشاء الله تبارك الله
اول شي تبدأي تجهيزه الاشياء الأساسية
زي القاعة تحجزيها
انا حجزت في قاعة الطاووس في جدة اوركيد
القاعة حلوة وملموومة ومرتبة
جبت لكم صورها عشان اللي تعجبه يحجزها
اخر صورة للكوشة طبعا من تجهيزهم ميه في المية شامل مع سعر القاعةبعد الفندق طبعا تحتاجي للفستان
انا اخذت فستاني من ديمتريوس في جدة مول
عنده تشكيلة رائعة من الفساتين واحلى شي انها فخمة ورايقة
وتقدري تضيفي عليها كرستال واي شي ,,
طبعا لازم تحجزي المطربة من بدري عشان تلاقي مكان
انا حجزت المطربة مها السعيد
كانت اكثر من كلمة رائعة
تجي هيا ومعاها بنت يغنوا ومعاها زوجها جهاد من برا القاعة
زوجها كمان مطرب
كلهم لبنانين ويغنوا خليجي بصوت رائع جدا
وعاد الاغاني المصرية والشامية ماعليها كلام
ترقص الفررح بشكل خرافي ماشاء الله
احنا جربناها مرتين في شبكتي وشبكة اختي
وتحضر الفرح ب 6 الاف ريال
اللي تحب رقمها تراسلني ,,
نجي للتصوير وهوا بالنسبة ليا جدا مهم
لانه هوا اللي حيحتفظ بالذكريات الحلووة
جبنا مصورة من ايام اختي وجبناها دي المرة كمان
حلووة جدا وخاماتها رهيبة
اسمها استديو العروس
والاحلى اسعارها جنان
0صورة في البوم ملكي ب 2000 ريال
والفيديو 1000 ريالام ايش كمان
اها تجهيز القاعة
احنا رحنا عند لمسات جنب سوق النجار عنده افكاار خطييرة جدا
سوا لنا المدخل وحطيت صورتي جوا القلب
والجهة الثانية
استأجرنا من عنده شجرة بورود وكريستال
وكان نازل منها اصداف صغيرة يكتبوا عليها الناس بقلم زي قلم السبورة
كانت فكررته مررة حلوة وعجبت الناس
كمان محل لمسات سوا لنا البلكونة حطينا بلونة كبيرة وجوتها الدبلبعد كذا راح تحتاجي طبعا تحجزي الكوافيرة من بدري
انا حجزت عند منة سنتر
وكنت اول مرة اسوي عندهم ورحت على سمعتهم
الشبكة 2000 ريال
شامل المكياج والتسريحة + بديكير + منكير + فتلة + حواجب
بس يستااهلووا
حجزت مكياج عند ذكرى والتسريحة فاطمة
صراحة ابداع اتعب وانا امدح فيهم
واهم شي تعاملهم قمة
ويطلعوكِ قبل ماتقوليلهم كماننجي طبعا للزفة وتعبها
انا سويت شريط الزفة عند وحدة اسمها هدى
معرووفة شغلها رووعة
تسوي الشريط ب 600 ريال وممكن 500 ريال
بس شغلها نضيف ومرتب مررة
الاغاني اللي حطيتها كانت مرة حلوة والكل قالولي روعة
وطلعت مررة رهيبة
اول شي الانتظار قبل مادخل
اغنية زورو I want to spend my lifetime loving u
بعدها ايقاعات قوية مررة قبل الدخلة
ودخلت انا والعريس سوا على اغنية اصيل هميم قولوا اسم الله
كانت روعة
بعدها اغنية عشان نرقص عليها راشد الفارس - يازينة الدنيا
وبعدها الدبل كانت اغنية طوني قطان - مالكش زيي
طبعا فجرنا البالونة سووا وكانت الحركة روعة
ونزلت منها الدبل ولبسنا بعض
بعدها موسيقى خفيفة ورجعنا ونزلنا الدرج على موسيقى اتمخطري ياحلوة يازينة
كانت روعة وحلووة مررة
الين ماوصلنا باب القاعة كانت الزفة على اسم الله المعبود للجسمي
و وصلنا للكوشة وقفنا شوية
وبعدها اغنية التورتة
دي من جد لاتفوتوها
اغنية على كيفك - امل حجازي
كلماتها ممتازة للتورتة
تقول على كيفك مشيني وبايدك طعميني
طبعا اهل العريس مررة عجبتهم لول
رحنا للتورته وقطعناها
وبعدها اتفتحت اغنية الورد
حظي من السما - عامر منيب
حلووة مررة
وسويت حرركة جديدة
باقة ورد دائرية مسكتها بيدي شكلها زي البوكيه
وقعدت اقطف الورد منها وارميه ع النااس
مررة عجبت الضيووف
بعدها جلسنا ع الكرسي على اغنية
العروسة - ماجد المهندس
مرة ملائمة للموقف
والعصير على اغنية شفت بعنيا - حسام حبيب
وبعدها الشبكة اغنية روعة
فداك العين - احمد الهرمي
طبعا بعدها جيت له ساعة
حطيناها على قاعدة وزينتها في لمسات
كانت مررة مفاجأة
جبنا بنت خالتي الصغيرة لبست فستان منفوش
وحطوا الاضاءة عليها
وشغلنا اغنية مش كتير عليك - اليسا
كانت مرة حركة حلووة
وكدا خلصنا بعدها المطربة طبعا
المهم كانت ليلة حلوة الحمد لله
حبيت افيدكم باللي مريت فيه واساعدكم
ولو اي وحده محتاجة مساعدة انا في الخدمة
بنات لا تنسوا تقولوا ماشاء الله
والله يسعد كل العرايس ياارب ويوفقهم
ويرزق البنوتات بالرجال الصالحين