شلون تعتنين بعباايتج وشيلتج

شلون تعتنين بعباايتج وشيلتج
المحافظه على العبايه والشيله شي مهم واساسي...وخصوصا انه اللون الاسود مع كثرة الغسيل والاستعمال
يشهب ويبهت..واحيانا تطلع منه خيوط...وبما اننا نستخدمها كثير فمحتاجين نغسلهاو نتعتني فيها
بقولكم طريقتي في المحافظه على العبايه وياريت كل وحده تقول طريقتها علشان نستفيد
اولا
عندي اكثر من عبايه وكل عبايه مخصصتها لمكان معين على اساس ماستهلكها كثير
شي للطلعات العادية والسريعة مثل السوق..الجمعيه.. الدوام
شي للزيارات العائلية
شي للعزايم والمناسبات
ثانيا
بالنسبه للغسيل حسب المكتوب على ستكرز التعليمات اللي يجي مع العبايه
في السابق كنت اغسل العبي العاديه باليد ...((الغساله نو واي)) بشامبو مخصص للعبي من بدون اسم
او اي شامبو اخر عادي حتى لو شامبو الشعر
ويكون الماي مو حار ولا بارد لان الحار ينزل الصبغه السوده
وانشرها في الليل ....لان الشمس تبهت العبايه ويقلب لونها<<<معقده صح
لكن حاليا كل العبي اللي اشتريها مكتوب عليها Dry Clean فأوديها المصبغه
مادري شقصتهم غصب بيخسرونا خ
واذا توسخت شي بسيط...واماكن صغيره ممكن تمسحينها بالمناديل المرطبه على السريع ويختفي الوسخ ان شالله
ثالثا
اضربها اوتي (بالكواية) وهي مقلوبه ويفضل تحطين شرشف بعد بين الاوتي وبينها على اساس ماتطلع لمعه بايخه تخربها
رابعا
دايم اعلقها في الكبت ...علشان مااضطر اكويها كل مره وبنفس الوقت ماتغبر وتوسخ اذا علقتها برا الكبت
خامسا
بالنسبه للشيل<<<المصيبه الكبرى
احرص عليها كثيرخصوصا الشيل الغاليه
يعني انوع بينها ما اركز على واحد معين
وبعد مالبسه ارجع اصفطه واشيله في الدرج المخصص لهم
اذا كانت الشيلة من كريب فيهوون مجرد ..غسيل بالشامبو وضربة اوتي بالمقلوب ويصير اوكي
لكن اذا كان شيفون حرير اهني المصيبه....اذا غسلتيه في البيت كش وصغر واذا وديتيه المصبغه هم صغر مافيه طب وخصوصا اذا كان على الشيلة شغل وتخافين يخرب!!!!!!
لكن عندي الحل ...وخصوصا لآثار كريم الاساس والحمره اللي اذا علقت بالشيلة ماينفع معاها شي
وهالنصيحه اخذتها من محل عبايات.....جيبي خرجه سوده وحطي عليها شوية قاز
وامسحي بس مواقع الآثار اللي على الشيلة او العباية .... وخليها في الهوا مالا يقل عن ساعتين
والله يبنات تشوفينها تتجدد وتختفي ريحة القاز خير شر وتنتهي مشكلتك
ومومشكله اذا خلصتي طيبيه وبخريه وشيليه. ...واحلى من كدا مافيش
وسلامتكم