شلون تعرفون إذا المكياج انتهت صلاحيته ولا لأ مهم

اساس MAC
كريم Glysolid
ماسكارا Dior
كريم اضاءه من The body shop
كونسيلر sisley
Elizabeth Arden Body Lotion
وبعد مابحثت فالاغراض اللي عندي تبين لي ان الماسكارا تنتهي بعد 6 شهور
كريم الاساس 24 شهر
كحل لداخل العين 6 شهور
اللي يقهر لما اسأل اللي تبيع تقولي المستحضرات ماتنتهي صلاحيتها
ومب دوم تلاقون هالعلامه على المنتج
في بعد المستحضرات يحطون هالعلامه على الكرتونه
فلازم تنتبهون
اوقات ماننتبه للصلاحيه ولا نتذكر متى شرينا هالمستحضر
ودوم تصير معاي ولا اعرف اذا هالشي صالح للاستخدام ولا لأ
بس الحين عرفت اميز
اول شي لازم نشم الريحه
اذا الريحه تغيرت معناته ان المنتج غير صالح للاستخدام
والشي الثاني بالنسبه لكريمات الاساس
الحين وانا اصور الاغراض لقيت كريم اساس من 3 او 4 سنين
لاني ماستخدم الاساس فيتم عندي سنين ولا ادري عنه
فتحته لقيت الريحه قاتله
حطيته على بلاستك وخليته كم دقيقه وبعدين حركته يمين ويسار
حسيت انه تشقق وتفجج وطفح الزيت
وشوفوا شلون شكله غريب
اللي عاليمين هذا جديد من make up for ever
اما اللي عاليسار
من MAC
شوفوا شكله غير صالح للاستخدام البشري
استغرب من بنات يقولون انهم يرجون العلبه عشان الزيت يختلط مع الاساس ويستخدمونه
وهالشي وايد يضر البشره
حتى الروج تنتهي صلاحيته انا ماحطيت الصور لانها كلش مو واضحه
لازم تنتبهون للمكياج
حرام تتعدلون لكم ساعه بالمكياج وبعدها بشرتكم تخترب سنين وتدورون من دكتور لدكتور عشان تعالجون هالمشاكل
م/ن
لعيونكم

شكرا ياعسل معلومة مفيدة
انا كنت اعرف انة انتهى من ريحتة تتغير

نورتي غلاتي

يسلمو اختي على المعلومات
الله يعطيكي العافيه لاحرمنا جديدك

يسلمو يالغلا ننتظر جديدك

الله يسلم قلبك ع المعلومات القيمة
بصرااحة انا اول مرة اعرفها

يعطيج العافيه ..