شنو أفضل و أسوأ المنتجات في المكياج من تجربتج أنا بعرض عليكم و بعطيكم سر صغير حياج

ذرى

26-12-2022 - 09:39 pm

كريم أساس دريم ميبلين ما عجبني يدهن عالوجه و يسمر و ما يثبت ...

ماسكرة برجواز ما عجبتي مع إني سمعت المدح عليها بس ما عجبتني ...

السلام عليكم و رحمة الله و بركاته
شلونكم بنات شخباركم ...؟؟؟
ودي يكون هالموضوع مرجع لبنات المنتدى بأفضل المنتجات إلي نازله السوق و أسوأها من تجربتج لهم ...
أكيد أنتي صادفتي بالسوق منتجاات كثيره في منهم الزين و في منهم الشين و في منهم الغالي و في منهم الرخيص ...
و إلي يقهر إن لما يكون المنتج غالي و قيمته مو فيه ...
و تستانسين إنج قطيتي فلوسج على شي يسوى ...
فودي نتعاون يا بنات و يكون هالموضوع ناجح بيدكم إن شاء الله ...
و أنا راح أبدى أول شي ...
أسوأ تجاربي هي :-

كريم أساس دريم ميبلين ما عجبني يدهن عالوجه و يسمر و ما يثبت ...

ماسكرة برجواز ما عجبتي مع إني سمعت المدح عليها بس ما عجبتني ...

و هذا قلوس ثابت ما يروح صحيح ما سمعت عنه بس إلي باعته لي قصت علي ههه قالت يجنن و ثابت و ما يروح بسرعه و ناس واجد ياخذون منه أنا هني تشجعت و خذيت منه 3 ألوان و أول ما حطيتهم اله شي مو طبيعي بس بعدها بفتره تصير الحمره نقط عالشفايف يعني تصير يابسه و نقط جنب بعض و تقطع الشفايف يعني تخيلي أشيل شفايفي المتقطه بإيدي و هذي صورته ...
و هذي الحمره (( روج )) شريتها من زهور الريف اللون لا يعلى عليه و على الإيد يلا سلام بس عالشفايف عوع صاير كأنه غسول حمره (( روج )) ...
و ألحين بعرض عليكم المنتجات إلي حبيتها و عجبتني :-
ماسكرة ماكس فاكتور عجبتني و حلوه أنا خذيت إلي فرشاتها مايله ...
و آي لاينر من لوريال حلو و فرشاتها ثابته تساعد البنت إلي موذاك الزود بالآي لاينر ...
علبة شدوات من ماركة مكياجي حلو و طبيعي شكله على العين يعني يصلح للي تحط مكياج يوميا ...
و كريم الأساس من ميبيلين حلو عجبني ...
و عندي سر صغيرونو بس ينفع و حلو و هالسر ما سويتها بس سمعت عنها بعد و قريت عنها بالنت و قلت أفديكم ...
قبل لا تحطين مكياج حطي طبقه خفيفه فازلين على ووجهج لا تكثرين لا مسحه خفيفه و بعدها حطي مكياجج كامل من الكريم الأساس و الشدو و الحمره و إلخ ...
و شوفي وجهج شلون بيلمع و هذي معلومه سمعتها بالنت و إلي تجرب تفول لنا تجربتها لأني ودي أعرف النتيجه شلون صايره ...
و أتمنى الفايده للجميع و أتمنى الجميع يشاركني الموضوع و تفيدني و تفيد البنات ما أبي وحده تطلع من غير رد و الله بزعل ...
بنات خواتي حبيباتي أنا ما أبي منكم غير الدعاء لي إذا ما تبين تشاركين بالمنتجات عادي بس لا تطلعين من الموضوع ألا بدعوه حلوه منج لي إمتحاناتي الإسبوع الجاي الله يستر ...
إختكم في الله ...
ذرى ...

التعليقات (9)

أم لمار الكتكوتة

27-12-2022 - 01:00 am

يسلمو والله موضوع مفيد
بالنسبة لي انا جربت مكياج جيورلين الاي شدو والارواج وكلها والله حلوة مرة وممتاز الشدو للمكياج اليومي بالذات لانه خفيف وسريع الدمج
اما للمكياج الثقيل للسهرات فأفظع شدو كيرولاين في محلات (روج ) نفس نفس فور ايفر بالضبط بس طبعا مرة ارخصص
وباق الميك اب من افسان لوران بس الشدو حقه معفن والمناكير معفن والارواج مو مررة يعني افضل ش عنده بجد البلاشر والماسكارا

ذرى

27-12-2022 - 02:01 am

أم لامار يا حياتي ما قصرتي و ربي ردج شجعني و الحمدالله الموضوع عجبج يا قلبي ...
و حياج الله ...

انين الخريف

27-12-2022 - 03:02 am

اهلين حبيبتي....احسن منتجات استخدمتها>>>>
فونديشن سايل لانكوم....
بس مااستغني عن بودرة ماك المائيه جنان....(بس احط قبلها جلسرين سايل ) وابدا اوزعها بعد ماابلل الاسفنجه والله الكل يسألني عن مكياجي....الجلسرين السايل يخلي البشره ماتقشر واللون مايتغير بعد فتره....(طبعا" احطها لحالها مو مع اساس سايل)...
الماسكرا نيفيا اللي اللي لونها ازرق وشكلها مدبب مو المخصره>>>حلوه المخصره
تعجبني لانها ماتحسس بعيني وسودا....
كحل داخلي فور ايفر وبس اللي لونها من برا اسود مو اللي لونها خشبي من برا.....
الشدو عجبني المخملي الي علبته سوداء....
قلوسات ريفلون او مكياجي اللي بعلبه ومعاهم فرشاة.......لانها ثابته وثقيله شوي...
الاضاءه فور ايفر (كنها بودره فضيه بعلبه صغيره) ...احطها على الخدود من فوق كلمسه اخيره....
اسوأ شي استعملته او انه ماناسبني :
اللي قلتي عليه موسي ميبيلين يشهب الوجه ويسمر...
واساس كريستيان ديور يتأكسد على طول ويخلي الوجه رصاصي...ويسبب حبوب للبشره...
ماسكرا اللي نصها اسود ونصها ابيض من مكياجي....
اساس فورايفر شفاف ومايغطي العيوب مو على المدح او انه ماناسبني....
وبس هذا اللي عندي

تبوله2008

27-12-2022 - 04:03 am

الله يوفقك بامتحااناتك يارب
وماعندي ساالفه بالمكياج

ذرى

27-12-2022 - 05:04 am

أنين الخريف
يا حياتي أنتي ما قصرتي يا عمري ..
حبيت أسئلج الجلسرين هو نفسه الزيت الشفاف إلي من العطار تشترينه و تمسحين على وجهج طبقه خفيفه و كم وقت تقعدين و تحطين كريم الأساس و ألا على طول عادي ...؟؟؟
زين الجلسرين ما يأثر عالبشره و ألا عادي ...؟؟؟
و ربي يعطيج العافيه يا حياتي ما قصرتي عالإفاده ...
فراشه قنديل
يا قلبي أنتي ما قصرتي عالدعاء و اللهم آآآآآآآآآمين و إن شاء الله خليج معانا على طول و راح تستفيدين يا قلبي منا و أنا أحب منتجات بودي شوب ...
و حياج الله يا حياتي ...

ذرى

27-12-2022 - 06:05 am

تبوله
يا حياتي اللهم آمين يا قلبي الله يجزاج خير و خليج معانا بالموضوع و إن شاء الله تستفيدين من خواتج ...

أم لــــــــــيندا

27-12-2022 - 07:06 am

بكم اخذتي اي لاينر حبيبتي
احب اعرف السعر قبل مااروح اشتري اي شي
والمسكارا من ماكس فاكتور بكم اخذتيها
تشاو

انين الخريف

27-12-2022 - 08:07 am

الجلسرين السايل هوزيت شفاف ثقيل وموجود بكل الصيدليات ....احطه وعلى طول احط الاساس...واركز على منطقة ماحول الفهم لان القشور تكثر بالمكان هذا....اتمنى اكون افدتك ياذوق...

انين الخريف

27-12-2022 - 09:08 am

ياحبي للكويتيات احسهم ذوق ومحترمات....

بنات تكفون ادخلو←
أبي أشتري مكياج وابي اعرف افضل شي→