شوفو أجمل فسحه قبل رمضان

من أول الصيف وأنا بتحايل علي زوجى نسافر نتفسح
أو بمعنى أصح من أول متزوجنا من اربع سنين وأنا نفسي نروح نصيف مع بعض ويوم مقررنا اننا نروح
قالي ايه رأيك نقول لأبي واخواتى ييجو معانا ؟؟؟؟؟؟ قلتلو ال انت عايزه .
كنت فاكره ان اما اقولو كده مش هيقلهم بس المفاجأه انه عزمهم وعزم عيال اخته كمان
وانا جبت اختى الصغيره عشر سنين بالمره يلى بلاش أنكد علي نفسي اهى رحله والسلام
وقبل ما نمشي قالولنا روحو انتو واحنا هنحصلكو فأخدنا اختى وابن اخت زوجى الصغير بنفس السن وأولادى واحد تلات سنين وواحد أربع شهور
ورحنا اتغدينا ورحنا البحر وأتحايل علي أختى المفعوصه تمسك ابنى عشان انزل البحر مع زوجى تقول لي اديه لابوه وانزلى معايا
لحد اما ربنا هداها ومسكته ونزلت خمس دقايق ودخلنا البحر وكان جميل جدا وكنا طبعا باليل ودخلنا لجوه وكانو اجمل خمس دقايق شعللتو فيهم وخليتو يندم انه قال لحد ييجى معانا وبصينا لقينا ابنى الكبير نام علي الكرسي
فخرجنا بسرعه عشان اروح انيمو وطبعا لما روحنا اختى وابن اختو منموش غير متأخر جدا وبعد منامو شعللتو تانى عشان اخليه يندم وبعدين نمنا
طبعا اناواختى واولادى في غرفه وهو وابن اختو في غرفه ومفيش غرفه تالته
وتانى يوم من النجمه باقي العيله كلهم جم وقال لي همشيهملك انهارده ونبقي لوحدنا ياعسل
وقضينا اليوم في البحر وابنى الصغير الجميل جالو سخونيه جامده وبقيت خايفه عليه وفضلت لفاه ومسكاه طول اليوم وقبل اما نمشي نزلت البحر عشر دقايق بالكتير مع زوجى وهو كأنه عا مل عامله خايف يقرب منى أو حتى يمسك ايدى بس انا شفت شغلي من تحت الميه
ونادو علينا بسرعه عشان نمشي الواد سخن وبيعيط والتانى عايز ينام والعيله عايزين يمشو
قلنا احنا هنقعد راحو هم كمان هيقعدو قلنا خلاص احنا هنمشي قالو واحنا كمان معاكم
رحنا مشيين بقي وأمرنا لله رجعنا الساعه تلاته ونص باليل
وانقهرت علي الفسحه الجنان ال كنت بحلم بيها
ايه رأيكم يافراشات
كل واحده منكم تروح فسحه زى دى قبل رمضان
يلى الحقو انقهرو قبل رمضان