شوفو كيد الرجاله ههه اجرام بجد لو حصلك كده ايه ردة فعلك

السلام عليكم ورحمة الله
لقيت الموضوع ده في احد المنتديات
قال ايه حد كاتب ازاي تعكنن على مراتك
شوفو كده طرق التعذيب دي
1- الصبح وانت رايح على شغلك وهى نايمة تعمد اسقاط
اى شيئ او خبط الباب بصوت عالى علشان تصحيها هى كمان
اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى
2- اذا كنت بتتفرج على التلفزيون وهى عايزة تغير القناة قالها
معلش الحلقة دى مهمة جدا واحد صحبى شافها
على القناة الفضائية وقالى ان الحلقة دى هى المسلسل كله
ولو كنت بتتفرج على ماتش كورة هيبقى الموضوع اسهل
كل ما حد من اللاعبين من اى فريق يمسك الكورة قالها معلش
ثوانى بقى انا حاسس ان الكورة دى جون حتى لو كان حارس
المرمى ماسك الكورة والماتش واقف لان فى واحد مصاب
ملاحظة : اغلب النساء ذو ثقافة كروية ضعيفة
3- اصح يوم الجمعة بهمة ونشاط وجهز الافطار لزوجتك بس
متنساش انك تستخدم 15 طبق واكبر كمية من الملاعق
والشوك و 5 حلل من اللى عندكم فى المطبخ و 10 كوبيات
لاعداد طبق بيض وسندوتش جبنة طبعا يراعى ترك اثار سمنة
على الارض مع ترك التلاجة مفتوحة وقشر البيض فى الحوض
4- فى عيد ميلادها زينلها تورتة عيد ميلادها بخمسين شمعة
ولو سألتك لية خمسين رغم ان عندها 15 سنة بس ؟
اتحجج بضعف الاضاءة فى البيت وانت بتبص على النجفة
اللى عندكم اللى فيها 30 لمبة مع ابتسامة صفراء خفيفة
5 - لو عملة ريجيم اجرى على السوبر ماركت ومحلات الحلويات
واملى التلاجة شكولاتة وحلويات وجاتوهات يرعى
التجول وانت مستمتع بأكل الجاتوة امامها
6- متنساش رأيك فى طبيخها لو عاملة لحمة قالها حلو اوى
الفراخ دى ولو طبخة بامية جميلة اوى الملوخية دي ياحياتي
حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!
7 - لو طلبت منك تنشر الهدوم قالها حاضر مع ابتسامة حانية
وبعد ما تخلص نشر الهدوم ادخل عليها وقولها انا نازل
اجيب الهدوم اللى وقعت منى فى الشارع ولو سألتك هو اية اللى وقع ؟
اذكر لها كل هدومها اللى كانت مغسولة مع فردة شراب
من بتوعك علشان متبقاش تفهم انها مقصودة منك
ههه بجد حاجه رخامة رغم اني مش متجوزا لكن لوحصلت فيا حاجه زي كده ههه هموت من الغيظ
اكتر حاجه بتنرفز رقم ) 5 (
الحمدلله انا مش تخينه بس انا جربت اعمل رجيم قبل كده وكانت حاجه صعبة بس تعذيب تعذيب
يلا قولولي أكتر حاجه نرفزتكو ايه سواء للمتزوجه او اللي لسه متجوزتش والموضوع مفتوح
مستنيه ردودكم