شوفي نهاية الغرور

بسم الله الرحمن الرحيم مساء الخير يافراشات
سمعت هالقصه حبيت اقولها الله يكتب فيها الفائده فيه واحد تزوج وحده الرجل حب زوجته وعطاها كل شئ تطلبه وعاشوا فتره من الزمن وهي شافت غلاها
(لان بعض الحريم متعطى وجه)بدت تدلع عليه وتطلب اشياء فوق طاقته وبد ت تستهزئ فيه وبأهله على بالها
إنه ماراح يستغنى عنها لانها ملكت قلبه وهي طبعا ام عياله ........دارت الايام والرجل يتحمل الى ان.......................نفذ صبره جاء اليها وكلمها وقالها ياام فلان تصرفاتك صارت لاتطاق وحذرها إنه يبي يتصرف تصرف مايعجبها(يعني يتزوج عليها)وحذرها ثانيه لكن لاحياة لمن تنادي وفي الثالثه طلب منها تفرغ الدور العلوي لانه يبي يتزوج ويسكن الجديده فيه طبعا صعقت لانها ماكانت تتوقع انه يجزم ويسويها ولانها سوت فيها عندها كرامه على طول نزلت اغراضها وبدأ الرجل يصبغ ويسرمك ويعتق وهي بدات تغلي وبدت الغيره تعمل عملها قالها تبين تصيرلك علاقه بالجديده رفضت بشده وقالت سكر الباب اللي بين الدورين صارالموضوع جد ندمت ولكن وش الفايده بعد مافات الوقت .......في يوم كشخ الرجل وتبخر وتزين لانه يوم عرسه وطلع وهي تحترق من القهر ....بعد نصف الليل رجع للبيت بصحبة العروسه والزوجه المسكينه تسمعه يرقى الدرج مع العروسه تك تك تك وهي كأنه نارتخرق قلبها مر شهروالرجل يوم عند الاولى ويوم عند الثانيه واللي قهر الاولى ان الجديده دلوعه نايمه في النهار واذاجاء الليل ماتسمع الاالمشي بدلع تك تك تك تك ندمت الزوجه وقالت لزوجها طلقها والله اصير وحده ثانيه بعد تفكير وافق بشرط انها تروح عندها وتحب رأسها وتطلبها قالت:مستحيل قالها بكيفك رجعت للقهر مره ثانيه شارت عليها وحده من صديقاتها وقالت اضغطي على نفسك مره وارتاحي على طول رجعت لزوجها قالت وافقت على شرطك _المهم ماطول عليكم_قالها استعدي بعد المغرب واطلعت وهي على اعصابها يوم دخلت لقت الصاله فاضيه مافيها شئ لااثاث ولاغيره قال اوقفي اناديها تجيك دخل الغرفه وطلع ماسكها بيده يجرها بحبل واذاهي عنز لاتزوج ولاشئ بس حب يربيها بدرس قاسي وهي من الفرحه حبت راس العنز وسلامتكم _اسفه على الاطاله وان شاء الله تعجبكم_