شي مهم وخطير في نفس الوقت تعالوا شوفوا

1. أو حتى اللي تتزين لنفسها يا بنات لا تبالغون بأنفسكم على حساب رجالكم

يا حلوات والله أحزنني حالاتكم بكل المنتديات تبغون البياض وكل شي فيك يكون كامل وخلطات وما أدري ليش يمكن تكون ضارة لك ولا تناسبك

أو حتى اللي تتزين لنفسها يا بنات لا تبالغون بأنفسكم على حساب رجالكم

بسألكم قد شفتي زوجك رايح يشيل اباطه بالليزر أو لبس لك لبس حلو أو طبخلك أو قام يغسل عنك أو اشترى شي يبيض أو سوى عملية شد بطنه أو سوى رياضة بطن أو غيره وغيره وغيره يا بنات
نصيحتي لك الدعاء بكل الأوقات وتحري ساعات الإجابة بأن الله يسخر لك زوجك ويكبرك بعينه وتكوني بعينه أجمل النساء ولا يدخل الشيطان بينكم أهم شي إن الله يسخر لك بكل وقت وأنصحكم لا تهملين بيتك وأولادك وشوفي وش يهم أطفالك وإقري عن طرق التربية وكيف تكوني الأم المثالية واحرصي على الطاعات والله أبرك من الاستمرار بخلطات ما نفعت
يا بنات تحكي لي وحده عن امرأة ما فيها من الجمال ذرة حبوبة وسنعه صح لكن ما فيها جمال تقول مرة كنا معزومين وجينا نطلع من البيت وكان الجو مطر غزير
تقول وش سوى زوجها تخيلوا قام وشالها ولحفاها بفروة عشان ما تبلل من المطر وشالها بين يديه وركبها السيارة وهو يسألها عسى ما جاك شي أو حسيتي بالبرد
تقول البنت بصراحه غرنا تعرفون حريم وسألنها وش تسسوين مع زوجك يوم أنه شايلك عن الأرض شيل ..؟؟؟!!
قالت والله اني أردد هالدعاء بكل وقت ليل ونهار ( يارب سخر لي زوجي ) أردده يومي واستجاب لي ربي سبحانه
عرفتوا يا بنات هذي النصيحه عودتك لله والله أنفع لك لأن مهما سويتي زوجك بيطالع بذا التلفزيونات ويقز
منقول