شي يقرقع بخاطري وودي اقوله لكم

1. مره دخلت موضوع وحده بينها وبين زوجها مشكله

السلام عليكم
صباح / مساء الورد
كيفكم يابنات
بصراحه فيه موضوع يقرقع بخاطري من زمان ودي اكتبه بس ماحصلت فرصه
والحمدلله اخيرا حصلت فرصه عشان افضفض
انا بصراحه استغرب من البنات اللي هنا ينصحون نصايح مدري وش تبي يعني لو انها موفره على نفسها الوقت اللي ترد فيه ومريحه اصابعها اريح لها والله

مره دخلت موضوع وحده بينها وبين زوجها مشكله

تجي وحده تقول مالك حل الا الطلاق >> اسهل حل عندها نست ان الطلاق ابغض الحلال عند الله ابغض
وتجي الثانيه تقول زوجك صراحه سخيف انا مدري كيف انتي عايشه معه >> هذي اللي ودي امسكها مع شوشتها يعني الحرمه جايه تشتكي واللي فيها مكفيها انتي تزيدنها مو المفروض تقولين الله الله يهديكم لبعض ويسخركم لطاعته ؟؟؟
تجي الثالثه تقول علمي اهلك بالمشكله هذا لازم يتعلم المراجل >> وش رايك انتي تعلمينه يابنت انتي تزرعين بنفس الزوجه كرهه كان المفروض تدعين لها وبس
ولا وحده تقول زوجي يخوني
تجي وحده تقول لاتجلسين عنده ولا دقيقه لو انتي اللي خنتيه ماراح يسامحك احنا مجتمعنا ذكوري وغلط المراه عار وغلطة الرجل طيش >> طيب مجتمعنا ذكوري الله يهديهم وش ذنب الحرمه تزيدنيها ؟؟؟
الثانيه تقول تطلقي لا يجيب لك امراض >> بدل ما تقول لها افرشي سجادتك اخر الليل وادعي انو الله يهديه او تقول كلمي استشاري ؟؟
ولا تجي وحده تكتب خطيبي صلح كذا وكذا
اول نصيحه تلاقينها انفصلي عنه دامك على بر
وتبقى هذي الجمله تكتب مرار وتكرار
واسهل واسرع نصيحه بالذات اذا الوحده مالها خلق تكتب وتطول بالكلام ولا وحده وراها مشوار ودها تكثر مشاركاتها فهذي اسرع نصيحه ؟؟؟
يابنات خافوا الله حرام اللي قاعد يصير والله حرام
ممكن انتي على بالك انك نصحتيها وانك ريحتي ضميرك بالعكس انتي كذا قاعده تهدمين بيت الحرمه وقاعده تزرعين فيها الشك بزوجها وتكرهينها فيه
والله حرام ولاتنسين انك اغلظ ميثاق هو الزواج كيف كذا بالسهوله تقولين تطلقي
اقري هذا الكلام عشان تعرفين حجم الجريمه اللي انتي تعملينها من باب انك تنصحين
((ولك أن تعلم أن أقرب الشياطين إلى قلب إبليس هو من فرق بين المرء وزوجه كما جاء في الحديث الذي رواه مسلم من حديث جابر – رضي الله عنه – أن رسول الله – صلى الله عليه وسلم – قال : " إن إبليس يضع عرشه على الماء . ثم يبعث سراياه . فأدناهم منه منزلة أعظمهم فتنة . يجيء أحدهم فيقول : فعلت كذا وكذا . فيقول : ماصنعت شيئا . قال ثم يجيء أحدهم فيقول : ما تركته حتى فرقت بينه وبين امرأته . قالفيدنيه منه ويقول : نعم أنت " هذا إن دل على شيء إنما يدل على أن للفرقة رصيدا عاليا في قلب إبليس اللعين ))
انتبهي من كلمه اطلبي الطلاق
ثبت في الحديث عن ثوبان عن النبي صلى الله عليه وسلم قال: ((أيما امرأة سألت زوجها طلاقاً من غير بأس فحرام عليها رائحة الجنة ))
هذا غير اذا جت وحده وقالت انا شاكه بزوجي
شوفي نصايح البنات طيب فتشي جواله
ولا خوذي اللاب توب وتعالي شوفي كيف يخططون لها عشان تنبش وراه
وحده تقول انخشي بالدولاب عشان مايدري عنك >> قسم عن جد قريت هذا الرد وهنا بالمنتدى
طيب تخيلي دخلتي الدولاب وطاح فيك خ وقتها ماراح يطلعك بيقول تستاهلين والصراحه تستاهل هع
والله يابنات ماورا مراقبه الزوج الا الهم والغم والنكد وبتضيع ايام من عمرك ما استفدتي منها استغلي كل لحظه بعمرك ولا تخلين زوجك اكبر همك وبترتاحين
لا واكثر شي يرفع الضغط اذا جت وحده تشتكي انها تلاقين اثر على زوجها من زوجته الاخرى >> ماراح اقول الاولى ولا الثانيه عشان ماتقوم حرب
وش تتوقعون النصيحه اللي تتكرر
توقعي
اتركي اثر عشان حتى هي ينحرق قلبها ؟؟
طيب معليش اذا صارت الزوجه اللي تترك اثر على زوجها صغيره عقل اصير مثلها صدق شي يقهر لكن مايعالج الخطا بالخطا
بعدين يابنات ترى مو كل شي ينكتب هنا صحيح ياكثر اللي يكذبون
والله اعرف واحد يموت بشات بدايه ليش ؟ يقوم يرسل على الشات انا زوجي ضربي زوجي ماقالي مع السلامه وهو طالع >> لاتستغربون هذي من اكثر ماتكرر على الشات ههه
وتعالي شوفي ردود الحريم صراحه وقتها اتمنى اني صاحبه s t c او موبايلي >> يعني بالعربي مو كل شي يكتب هنا صحيح
على طاري شات بدايه تذكرت رساله واتس أب رهيبه وعلى الجرح
((‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ ‏ بنا اا ت زوجي بدى يسوي رجيم وكل يوم صار يمشي على الحوش لفتين تتوقعون ناوي يتزوج علي!!! افتوني الله يجزاكم خير
بنات اختي بيجي خطيبها يشوفها شوفه شرعيه وهي تقول اطلعي بدالي لأني احلى منها عادي
سويت ل زوجي فطور ..وقال لي تسلم يدك ووهو دآيمآ يقول تسلم الايآدي ,, تتوقعونه زعلآن من يدي الثآنيه ,,مع العلم انها ماسوت له شيء
بنات انا اخت زوجي ارسلت لي مسج مكتوب فيه هذا رقمي الجديد وحاطه غمزه تتوقعون معجبه فيني؟تكفون ساعدوني تخيلوا انفسكم
:'(
:'(
:'(
الرجل الوحيد الذي اكرمه الله بصبر ايوب عليه السلام هو كنترول قناة بدايه اتمنى ان تكون هذه الوظيفه مكفره لذنوبك =))
ههه ))
ايه وش كنت اقول
ايه صح يعني مو كل ينكب هنا صدق
ولا كل نصيحه تنفع واللي نفع مع اختك بنت عمك بنت خالتك مو شرط تنفع مع الكل
واذا مره ودك تردين ردي رد معقول او ادعي لها او اطلبي منها تستخير
وتذكري دايم هذه الاحاديث والايات
{ما يلفظ من قول إلا لديه رقيب عتيد}
(من كان يؤمن بالله واليوم الآخر فليقل خيرًا أو ليصمت)
يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً"..
يقول في حديث آخر "و هل يكب الناس في النار على وجوههم إلا حصائد ألسنتهم؟"
الله يهدينا واياكم يارب اتمنى انو كلامي يكون خفيف على قلوبكم ويعلم الله اني ماكتبت هذا الكلام الا من خوفي عليكم
احوبكم كل ابوكم