صباحية مباركة ياعريس مشاركتي بالمسابقة

احب الهديا والمفاجات بمناسبة وبغير..لانه تجلب السعادة وتجدد المحبة
وغالبا هدية زوجي اتخص اهتمامته اليوميه...لاني عرفت ذوقه باللبس سواء عطر او ساعه او ثوب ..مايحب يلبس الا ذوقه ...ولايشم الا عطره
و كانت تلقى الهدايا استحسانه
"""""""""""""""""""""""""
مرة اهديته سجادة مع شنطتها لانه مايحب شكله وهو معلق السجاده على يده بالحرم بالعيد وغيره
صورتها:
ومرة اهديته حماسة قهوة لانه يحب يحمس قهوته بنفسه ( راعي كيف )
صورتها:
ومرة سويت له وليمه بمناسبة ترقيته جمعتها من مصروفي على مدى 3 شهور لكن اشترطت اني اقيمها عند اهلي
ومرة جبت له صرصور مجسم كأنه حقيقي حطيته له عالمغسلة وكان بيموت من القرف لانه يكره الصراصير
خسارة ماجبت صورته لاني بصراحه رميته بعد ماجاب لي المغص كل مافتحت الدرج وشفته
:::
وفي سنة من السنوات كنا ناقلين من الشقة وصادف انه نفس يوم زواجنا!
وكان نازل من الدرج معه اغراض وانا شايله كرتون عفش فوق راسي ووقفته وقلت له تدري ان الليلة ليلة زواجنا!
قال : اي والله صحيح!
قلت : ايش رايك نؤجل الفرحة للسنة الجاية
قال : صادقة مافينا حيل وسط هالعفش نحتفل!
هالحوار صار عالدرج وكل واحد شايل كومة عفش بيديه وراح بعدها كل واحد بحال سبيله يرتب ويكنس وينفض
لكن انا ماهان علي امشي هالليلة وخاصة ان الوضع يبين كاننا عرسان جدد ناقلين لشقتهم في يوم زواجهم
سويت حركة بسيطه لكن مبهجه جدا
حبيت اغسل تعبه واليوم الشاق الي مرينا فيه مابين العفش والشيل والحط ...فقصيت ورقة على شكل قلب وحطيت بالوجه الاول حرفي وبالوجه الثاني ( كتبت صباحية مباركه ياعريس )
ونزعت ورقة الليبتون الصفراء واستبدلتها بالقلب وحطيتها بعلبة الشاهي
وزوجي من عادته انه يسوي شاهيه بنفسه وبما انه يصحى الصبح قبلي فراح يشوف الكيس قدامه
هذا كاسه مايغيره لو انكسر يروح يجيب نفسه
وهذا كوبي انا... بس عادي عندي لو انكسر اجيب غيره ماتفرق معي
واول ماصحيت الصبح ركضت عالمطبخ ابغى اشوف ردة فعل زوجي
لقيت ان الكيس مكانه وجالس يشرب الشاهي بكيس ثاني!
قلت له باسى : ليه ماعجبك الكيس
قال بالعكس حسسني اني عريس لكن ماحبيت اخرب منظره او ارمي حرفك بالزباله
انبسطت عالكلام الحلو ورغم انه نادر لكن كيس الليبتون خلاه يطلع من فمه غصب
:":
انا حبيت كيس الليبتون بقوة
:":